Ayezaya 27:1-13
27 Kenle zɔhane, Gyihova bava ye konle dadeɛ ɛsesebɛ kpole ne mɔɔ yɛ nla la+Ahɔ Lɛveatan,* ɛwɔlɛ ne mɔɔ anwo yɛ ndɛ la anwo zo,Ɔbava yeahɔ Lɛveatan, ɛwɔlɛ ne mɔɔ kyeɛhyea ɔ nwo la anwo zo,Na ɔbahu nane kpole ne mɔɔ wɔ nyevile ne anu la.
2 Bɛdo edwɛne bɛmaa ye* wɔ kenle zɔhane kɛ:
“Vanye egyinli mɔɔ nuhua nwanye wu awubue!+
3 Medame Gyihova a melɛbɔ nwolɛ bane a.+
Mekɛ biala megugua zolɛ nzule.+
Mebɔ nwolɛ bane alehyenlɛ nee aledwolɛAmaa awie anzɛkye ye.+
4 Ɛya biala ɛnle me nu.+
Nwane a bava mbowule nee ndile ara me nwo zo wɔ konle nu a?
Mebatietia bɛ nwo zo na meayela bɛ muala.
5 Tɛ ye zɔhane a, maa ɔrɛla me aranemgbole ne anu.
Maa ɔ nee me ɛha anzodwolɛ nwo edwɛkɛ;Anzodwolɛ nwo edwɛkɛ a maa ɔ nee me ɛha a.”
6 Mekɛ mɔɔ ɛlɛba la anu, Gyekɔbo bazɔ ndinli,Yizilayɛ babɔ ndotolo na yeayeye nya,+Na bɛbamaa aleɛ ayi azɛlɛ ne azo.+
7 Asoo ɔwɔ kɛ bɛbo ye kɛ mɔɔ ahenle mɔɔ bole ye la bɔle ye la ɔ?
Anzɛɛ ɔwɔ kɛ bɛku ye kɛ mɔɔ bɛhunle ye menli ne la?
8 Ɛbadea nu ɛ nee ye aho wɔ mekɛ mɔɔ ɛlɛfoa ye la.
Kenle mɔɔ aduduleɛ anwoma ne babɔ la, ɛbava ɛya kpole wɔavoa ye.+
9 Ɔti adenle ɛhye a bɛbalua zo bɛakpɔda Gyekɔbo ɛtane ne a,+Na saa bɛye ye ɛtane ne bɛfi ɛkɛ ne a, mɔɔ bavi nu ara la ɛne:
Ɔbamaa afɔlemokyea awolɛ ne mɔ kɔsɔɔtiAyɛ kɛ twɔko mɔɔ bɛdi ye motoo la,Na ɛzonlenlɛ mpila* anzɛɛ ayilevuanlɛ afɔlemokyea biala ɛnrɛha ɛkɛ.+
10 Ɔluakɛ suakpole ne mɔɔ bɛhye nwolɛ bane la badɔ mgbane;Bɛbagyakyi nane adidileka ne mɔ na bɛadɔ mgbane kɛ fienemgbole nu la.+
Ɛkɛ ne a ɛnlankɛ ralɛ badidi na yeala aNa ɔbali ye ngane ne mɔ.+
11 Saa ɔ nye ne mɔ mɔɔ ɛfifi la wu a,Mraalɛ barabubuBɛava bɛazɔ senle.
Ɔluakɛ menli ɛhye mɔ ɛnlɛ ndelebɛbo.+
Ɛhye ati a bɛ Yɛvolɛ ne ɛnrɛze bɛ anwunvɔne,Yɛɛ Ahenle mɔɔ nwonle bɛ la ɛnrɛlo bɛ la.+
12 Kenle zɔhane, Gyihova bakpolo ma ne avi Azule ne* mɔɔ ɛlɛse la anloa ahɔdwu Yigyibiti Azudenle* ne+ anloa, na bɛbaboɔboa bɛ nloa ngoko ngoko, O Yizilayɛma.+
13 Kenle zɔhane, bɛbabɔ aweɛne kpole bie,+ na bɛdabɛ mɔɔ bɛlɛwu wɔ Aselea azɛlɛ zo+ nee bɛdabɛ mɔɔ bɛbɔ asande wɔ Yigyibiti+ la barabɔ bɛ ti aze amaa Gyihova wɔ boka nwuanzanwuanza ne azo wɔ Gyɛlusalɛm.+
Ɔbodwɛkɛ
^ Nea Edwɛkɛbohilelɛ.
^ Ɛhye gyi ɛkɛ maa Yizilayɛ mɔɔ bɛva ye bɛtoto vanye egyinli nwo la.
^ Nea Edwɛkɛbohilelɛ.
^ Ɛhye kile, Yufileti ne.
^ Anzɛɛ “Yigyibiti Bɔnza.” Nea Edwɛkɛbohilelɛ.
