Ayezaya 55:1-13

  • Bɛlɛto ɛsalɛ bɛavɛlɛ menli kɛ bɛrali aleɛ na bɛnlo nzule mɔɔ bɛndua ɛhwee (1-5)

  • Bɛkpondɛ Gyihova nee ye nɔhalɛ edwɛkɛ ne (6-13)

    • Nyamenle ndenle kpogya tɛla sonla ɛdeɛ (8, 9)

    • Nyamenle edwɛkɛ ne bawie munli di (10, 11)

55  Bɛdabɛ mɔɔ nzuhɔne ɛlɛku bɛ la kɔsɔɔti,+ bɛrɛla, bɛrɛla nzule ne anwo!+ Bɛdabɛ mɔɔ bɛnlɛ ezukoa la, bɛrɛla, bɛradɔ debie bɛli! Ɛhɛe, bɛradɔ nwanye nee meleke,+ bɛnva ezukoa bɛndɔ yɛɛ bolɛ biala ɛnla zo.+   Duzu ati a bɛtua ezukoa bɛtɔ debie mɔɔ ɛnle aleɛ,Na duzu ati a bɛsɛkye bɛ ezukoa* wɔ debie mɔɔ ɛmmaa bɛ ko ɛnyi la anwo ɛ? Bɛdie me kpalɛ na bɛli aleɛ kpalɛ,+Na bɛ* nye balie aleɛ sosɔɔ* nwo kpole.+   Bɛyɛ ɛnzolɛ bɛdie me na bɛrɛla me ɛkɛ.+ Bɛdie na bɛnyia ngoane,Na me nee bɛ bayɛ dahuu ngyekyeleɛ+Kɛ ɛlɔlɛ kpundii ne mɔɔ menganle nwolɛ edwɛkɛ mengilele Devidi, mɔɔ le nɔhalɛ* la.+   Nea! Meyɛ ye maanle maanle dasevolɛ,+Maanle maanle ne mɔ adekilevolɛ nee bɛ kpanyinli.+   Nea! Ɛbavɛlɛ maanle mɔɔ ɛnze ye la,Na maanle mɔɔ ɛnze wɔ la anu amra banriandi ara wɔ ɛkɛƆlua Gyihova wɔ Nyamenle,+ Yizilayɛ Nwuanzanwuanza Ko ne ati,Ɔluakɛ ɔbawula wɔ anyunlunyia.+   Bɛkpondɛ Gyihova wɔ mekɛ mɔɔ bɛkɛnwu ye la.+ Bɛvɛlɛ ye wɔ mekɛ mɔɔ ɔbikye la.+   Maa amumuyɛnli ɛvi ye adenle ne azo+Na ɛtanevolɛ ɛhakyi ye adwenle;Maa ɔzia ɔrɛla Gyihova ɛkɛ, na ɔbaze ye anwunvɔne,+Maa ɔrɛla yɛ Nyamenle ne ɛkɛ, na ɔbava ye ɛtane yeahyɛ ye bɔkɔɔ.*+   “Ɔluakɛ tɛ me adwenle a le bɛ adwenle,+Yɛɛ tɛ bɛ ndenle a le me ndenle,” kɛ Gyihova se la ɛne.   “Ɔluakɛ kɛ mɔɔ anwuma kpogya tɛla azɛlɛ ye la,Zɔhane ala a me ndenle kpogya tɛla bɛ ndenleNa me adwenle kpogya tɛla bɛ adwenle a.+ 10  Ɔluakɛ kɛ mɔɔ ezule nee ezukɔtweaba vi anwuma tɔNa bɛnzia bɛngɔ ɛkɛ ne bieko kyesɛ bɛdoɔloa azɛlɛ ye bɛmaa ninyɛne fifi na ɔso,Bɛmaa ɛyazonlɛnli nyia ma na sonla nyia aleɛ di la, 11  Zɔhane ala a edwɛkɛ mɔɔ vi me nloa anu kɛvinde la bayɛ a.+ Ɔnrɛzia ɔnrɛra me ɛkɛ ne mgbane,+Emomu ɔbayɛ debie biala mɔɔ mekulo la,+Na yeamaa mɔɔ menzoanle ye kɛ ɔrayɛ la awie munli di. 12  Ɔluakɛ bɛbava anyelielɛ bɛahɔ,+Na bɛbava bɛ bɛazia bɛara anzodwolɛ nu.+ Awoka mgbole nee ngyikyi anye balie na bɛava fɛlɛkolilɛ bɛadeɛdea nu wɔ bɛ nyunlu,+Na ɛbɔ nu mbaka kɔsɔɔti babɔ bɛ sa nu.+ 13  Dwunipa mbaka bafifi ɛleka mɔɔ mbowule wɔ la,+Yɛɛ mɛtɛle mbaka bafifi ɛleka mɔɔ mbowunyɛma wɔ la. Na ɔbamaa Gyihova alie duma,*+Dahuu sɛkɛlɛneɛ mɔɔ ɛnrɛminli ɛlɛ.”

Ɔbodwɛkɛ

Anzɛɛ “ezukoa mɔɔ bɛfɛ bɛnyia la.”
Anzɛɛ “bɛ ɛkɛla.”
Hibulu aneɛ nu, “ɛnlome.”
Anzɛɛ “bɛfa bɛ nwo bɛto zo a ɔyɛ boɛ.”
Anzɛɛ “ɔbavi ye ahonle nu yeava yeahyɛ ye.”
Anzɛɛ “ɔbalie duma yeamaa Gyihova.”