Ayezaya 45:1-25

  • Bɛkpokpa Saelɛse kɛ ɔli Babelɔn anwo zo konim (1-8)

  • Ɔnle kɛ ndɛtɛlɛ ne nee Nwovolɛ ne dwudwu (9-13)

  • Maanle mɔɔ ɛha la banwu Yizilayɛ (14-17)

  • Nyamenle ka abɔdeɛ nwo edwɛkɛ nee yekile mɔɔ le nɔhalɛ (18-25)

    • Ɔbɔle azɛlɛ ne kɛ bɛdɛnla zolɛ (18)

45  Edwɛkɛ mɔɔ Gyihova ɛha ɛhile Saelɛse mɔɔ yekpokpa ye,+Ahenle mɔɔ mezɔ ɔ sa fema ne anu+Kɛ medi maanle maanle anwo zo konim wɔ ɔ nyunlu,+Mealie arelemgbunli tumi,Meabukebuke nlenkɛ mɔɔ bɔ nwo nwiɔ meagua nwo meamaa ye,Amaa bɛando nlenkɛ mgbole ne mɔ anu la ɛne:   “Mebali ɛ nyunlu+Na meaha awoka ngyikyi ne mɔ aze. Mebabubu kɔbele nlenkɛ ne mɔ,Na meapepɛ nlenkɛ nzi mbulalɛ.+   Mebava anwonyia mɔɔ vea awozinli nuNee anwonyia mɔɔ bɛvea zo la meamaa wɔ,+Amaa wɔanwu kɛ medame a mele Gyihova a,Yizilayɛ Nyamenle ne mɔɔ ɛlɛfa wɔ duma avɛlɛ wɔ la.+   Me sonvolɛ Gyekɔbo nee Yizilayɛ mɔɔ mekpa ye la ati,Melɛfa wɔ duma meavɛlɛ wɔ. Ɛnze me ɛdeɛ, noko melɛmaa wɔ duma mɔɔ enililɛ wɔ nu la.   Medame a mele Gyihova a, na awie bieko ɛnle ɛkɛ. Ɛye me a Nyamenle bieko ɛnle ɛkɛ.+ Ɛnze me bɔbɔ ɛdeɛ, noko mebamaa wɔ anwosesebɛ,   Amaa menli anwu yeƆvi aduduleɛ kɔdwu adɔleɛKɛ ɛye me a awie bieko ɛnle ɛkɛ.+ Medame a mele Gyihova a, na awie bieko ɛnle ɛkɛ.+   Mebɔ wienyi+ nee awozinli,+Memaa anzodwolɛ+ nee ngyegyelɛ ba;+Medame Gyihova a melɛyɛ ninyɛne ɛhye mɔ amuala a.   Anwuma, bɛdɔ ezule bɛgua aze;+Bɛmaa amungu ne ɛdɔ tenleneyɛlɛ ɛgua aze. Bɛmaa azɛlɛ ɛbuke na ɔzo ngoanelielɛ,Na ɔmaa tenleneyɛlɛ ɛfifi mekɛ ko ne ala.+ Medame Gyihova a mebɔ a.”   Sonla mɔɔ nee ye Yɛvolɛ ne* dwudwu* la gyakɔ,Ɔluakɛ ɔle kɛ buakɛ ebuleMɔɔ la buakɛ mɔɔ ɛbubu ɛgua aze la avinli la ala! Asoo ɔwɔ kɛ ndɛtɛlɛ ka kile Nwovolɛ ne* kɛ: “Duzu a ɛlɛyɛ a?”+ Anzɛɛ ɔwɔ kɛ wɔ gyima ka kɛ: “Ɔnlɛ ɛsalɛ”?* 10  Sonla mɔɔ ka kile selɛ kɛ: “Duzu a ɛwole ye a?” Anzɛɛ raalɛ kɛ: “Duzu a ɛlɛwo ye a?”* la gyakɔ! 11  Edwɛkɛ mɔɔ Gyihova, Yizilayɛ Nwuanzanwuanza Ko ne,+ Ahenle mɔɔ bɔle ye la ɛha la ɛne: “Asoo bɛbabiza me ninyɛne mɔɔ ɛlɛba la anwo edwɛkɛNa bɛahile me mɔɔ ɔwɔ kɛ mefa me mra mrenyia+ nee me sa anloa gyima meyɛ la ɔ? 12  Medame a membɔle azɛlɛ+ na membɔle sonla mendole zo a.+ Menvale me sa a mendɛlɛle anwuma anu a,+Na memaanle nwɔlɔra nee debie biala mɔɔ wɔ nu la* adehilelɛ a.”+ 13  “Mekpa awie wɔ tenleneyɛlɛ nu,+Na mebamaa ye ndenle muala adenrɛ fɔɔnwo. Ɔdaye a ɔbakyekye me suakpole ne+Na yeagyakyi me menli+ mɔɔ hɔle akɛlɛzonlenlɛ nu mɔɔ ɔnrɛlie ezukoa anzɛɛ belaebo a,”+ ɛlɔne Gyihova a se a. 14  Edwɛkɛ mɔɔ Gyihova ɛha la ɛne: “Yigyibiti nvasoɛ* ne nee Yiteyopea gualilɛ ninyɛne* yɛɛ Sibama, menli ndendenle ne,Bara wɔ ɛkɛ na bɛayɛ wɔ ɛdeɛ. Bɛbagua bɛ kyeenyi na bɛali ɛ nzi. Bɛbara na bɛahoto wɔ.+ Bɛbaha ye wɔ asɔneyɛlɛ nu bɛahile wɔ kɛ, ‘Amgba Nyamenle nee wɔ lua,+Na awie bieko ɛnle ɛkɛ; Nyamenle gyɛne biala ɛnle ɛkɛ.’” 15  Nɔhalɛ nu, ɛle Nyamenle mɔɔ ɛfa ɛ nwo ɛfea,O Yizilayɛ Nyamenle, Ngoanedievolɛ.+ 16  Bɛ muala bɛbabɔ anyiemgba na bɛ nyunlu agua aze;Menli mɔɔ yɛ ananze la kɔsɔɔti babɔ anyiemgba.+ 17  Noko Gyihova bava dahuu ngoanelielɛ alie Yizilayɛ.+ Bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.+ 18  Edwɛkɛ mɔɔ GyihovaMɔɔ bɔle anwuma,+ nɔhalɛ Nyamenle neMɔɔ nwonle azɛlɛ ne, ye Bɔvolɛ ne mɔɔ vale ziele ɛkɛ ne kpundii,+Ahenle mɔɔ yeambɔ ye mgbane,* emomu ɔbɔle kɛ bɛdɛnla zo+ la ɛha la ɛne: “Medame a mele Gyihova a, na ɛye me a awie bieko ɛnle ɛkɛ. 19  Meanga ye wɔ fealeranu,+ azɛlɛ mɔɔ awozinli wɔ zo la azo;Meanga meangile Gyekɔbo abozoamra kɛ,‘Bɛkpondɛ me mgbane.’ Medame a mele Gyihova mɔɔ meka edwɛkɛ mɔɔ le tenlene na mebɔ mɔɔ tenrɛ la nolo a.+ 20  Bɛboɔboa bɛ nloa na bɛrɛla. Bɛmɛ mɔɔ bɛnriandi bɛvi maanle maanle ne mɔ anu la, bɛbɔ nu bɛrɛla.+ Bɛdabɛ mɔɔ bɛsoa ananze mɔɔ bɛze la bɛkpɔsaNa bɛsɛlɛ nyamenle mɔɔ ɛngola ɛnlie bɛ la ɛnze ɛhwee.+ 21  Bɛha bɛ edwɛkɛ, bɛva nwolɛ daselɛ bɛrɛla. Bɛmaa bɛbɔ nu bɛva adwenle. Nwane a hanle ɛhye dole ɛkɛ ne dɛbadɛbaNa ɔbɔle ye nolo ɔvi tete ne a? Asoo tɛ medame Gyihova ɔ? Ɛye me a Nyamenle gyɛne biala ɛnle ɛkɛ;Tenlene Nyamenle nee Ngoanedievolɛ,+ ɛye me a awie bieko ɛnle ɛkɛ.+ 22  Azɛlɛ ye amuala, bɛrɛla me ɛkɛ na bɛnyia ngoane,+Ɔluakɛ medame a mele Nyamenle a, na awie bieko ɛnle ɛkɛ.+ 23  Meva me nwo meha ndane;Edwɛkɛ ɛvi me nloa anu wɔ tenleneyɛlɛ nuNa menrɛhwe menrɛzia:+ Egyakɛ kpɔkɛ biala bahoto me,Ɛtafinlimalɛ biala baha ndane kɛ ɔbali nɔhalɛ+ 24  Na yeaha kɛ, ‘Nɔhalɛ nu, Gyihova anu a nɔhalɛ tenleneyɛlɛ nee anwosesebɛ wɔ a. Menli kɔsɔɔti mɔɔ ɛva ɔ nwo ɛya la bava anyiemgba ara ɔ nyunlu. 25  Gyihova anu a bɛbabua Yizilayɛ abozoamra kɔsɔɔti benle a,+Na bɛbava ye bɛadu bɛ nwo.’”

Ɔbodwɛkɛ

Anzɛɛ “Ahenle mɔɔ nwonle ye la.”
Anzɛɛ “su kpolera.”
Anzɛɛ “ahenle mɔɔ nwonle ye la.”
Anzɛɛ ɔkola ɔkile, “Anzɛɛ ɔwɔ kɛ ndɛtɛlɛ ne ka kɛ: ‘Wɔ gyima ne ɛnlɛ ɛsalɛ’?”
Anzɛɛ “Duzu a ɛlɛmaa wɔade awolɛ nyane a?”
Hibulu aneɛ nu, “nuhua ɛlɔne ne”
Anzɛɛ ɔkola ɔkile, “gyimayɛvoma.”
Anzɛɛ ɔkola ɔkile, “gualilɛma.”
Anzɛɛ ɔkola ɔkile, “yeambɔ kɛ ɔla ɛkɛ mgbane.”