Ayezaya 4:1-6

  • Mraalɛ nsuu bazɔ nrenyia ko (1)

  • Deɛ mɔɔ Gyihova bamaa yeafifi la bayɛ kɛnlɛma (2-6)

4  Kenle zɔhane, mraalɛ nsuu bazɔ nrenyia ko+ na bɛaha kɛ: “Yɛdayɛ yɛbali yɛ aleɛNa yɛawula yɛ adɛladeɛ;Wɔmɔ fa wɔ duma to yɛ nwo zo alaAmaa yɛ anyiemgba ne avi yɛ nwo zo.”*+  Kenle zɔhane, deɛ mɔɔ Gyihova bamaa yeafifi la bayɛ kɛnlɛma nee anyunlunyia debie, na azɛlɛ ne azo ma bayɛ Yizilayɛma mɔɔ ɛnyia bɛ ti la kɛnlɛma na bɛava bɛadu bɛ nwo.+  Awie biala mɔɔ ɛha Zayɔn na bɛgyakyi ye wɔ Gyɛlusalɛm la, bɛbavɛlɛ ye nwuanzanwuanza, bɛdabɛ mɔɔ bɛwɔ Gyɛlusalɛm mɔɔ bɛhɛlɛ bɛ aluma kɛ bɛbanyia ngoane la amuala.+  Saa Gyihova dua ye ndɛnebualɛ sunsum ne nee ye ɛyelalɛ* sunsum ne azo wowo Zayɔn mraalɛ evinli* ne+ na ɔnrinzi mogya mɔɔ Gyɛlusalɛm ɛha ɛgua la ɔfi ye avinli a,+  akee Gyihova bamaa amungu nee esike aheda Zayɔn Boka ne azo amuala nee ye nyianu ɛleka ne mɔ wɔ alehyenlɛ nu na sendɔlɔra ada ɛkɛ ne aledwolɛ nu;+ ɔluakɛ anyunlunyia ne amuala banyia banebɔlɛ.  Na alehyenlɛ nu, bɛbanyia kpɔda mɔɔ ɔbamaa bɛ alubo wɔ wuluwulu mekɛ nu,+ na yeayɛ feabelɛ nee banebɔlɛ wɔ ahumu nee ezule mekɛ nu.+

Ɔbodwɛkɛ

Ɛhye kile, anyiemgba mɔɔ bɛbabɔ kɛ bɛangɔ agyalɛ yɛɛ bɛanwo mralɛ la.
Anzɛɛ “bɔkɔbɔkɔyɛlɛ.”
Hibulu aneɛ nu, “bakazo.”