Ayezaya 5:1-30

  • Gyihova vanye egyinli ne anwo edwɛne (1-7)

  • Gyihova vanye egyinli ne gyakɔ (8-24)

  • Nyamenle ɛva ye menli ne anwo ɛya (25-30)

5  Bɛmaa mendo edwɛne memaa me kulovolɛ neMe kulovolɛ ne nee ye vanye egyinli ne anwo edwɛne.+ Ɛnee me kulovolɛ ne lɛ vanye egyinli wɔ boka bie mɔɔ kye aleɛ la azo.   Ɔvundunle azɛlɛ ne na ɔyeyele zolɛ awolɛ ne mɔ. Ɔluale vanye kpalɛ wɔ zolɛ,Ɔzile tawa wɔ ye avinli,Na ɔdule nwanye ɛhwihwinlɛ kuma wɔ nu.+ Na ɛnee ɔ nye la kɛ ɔbazo vanye ma kpalɛ,Noko ɔzole vanye ma mɔɔ ɛnle kpalɛ la.+   “Akee bɛmɛ Gyɛlusalɛmma nee Dwudama,Bɛbua me nee me vanye egyinli ne avinli edwɛkɛ.+   Duzu a anrɛɛ ɔwɔ kɛ meyɛ memaa me vanye egyinli neMɔɔ meanyɛ a?+ Duzu ati a mɔɔ me nye la kɛ ɔbazo vanye ma kpalɛ la,Ɔzole vanye ma mɔɔ ɛnle kpalɛ la ɛ?   Akee mesɛlɛ bɛ, bɛmaa mengaMɔɔ mebava meayɛ me vanye egyinli ne la mengile bɛ: Mebayeye nwolɛ bane ne,Na bɛayela ye.+ Mebabubu ye bolɛ bane ne,Na bɛatietia zolɛ.   Mebamaa yeayɛ azɛlɛ mɔɔ la ɛkɛ ne mgbane;+Bɛnrɛyeye vanye baka ne anwo anzɛɛ bɛnrɛlɔ ɔ bo. Mbowule nee ndile bafifi zolɛ,+Na mebaha meahile amungu ne kɛ ɔmmatɔ ezule ɔgua zolɛ.+   Ɔluakɛ ɛlɔne Gyihova vanye egyinli ne a le Yizilayɛma;+Dwudama a le ɛya ne* mɔɔ ɛnee ɔ nye die nwolɛ la. Ɛnee ɔ nye la kɛ ɔbanwu pɛlepɛlelilɛ,+Noko nea! ɔnwunle nzisi;Ɛnee ɔ nye la kɛ ɔbanwu tenleneyɛlɛ,Noko nea! ɔnwunle abodelɛ ɛzunlɛ.”+   Bɛdabɛ mɔɔ bɛfa sua ko bɛboka sua ko anwo+Na bɛfa ɛya ko bɛboka ko anwo+Kɔkpula kɛ ɛleka biala ɛnle ɛkɛNa bɛ ngomekye bɛtɛnla azɛlɛ ne azo la, bɛ gyakɔ!   Ɛlɔne Gyihova ɛha ndane ɛgua me nzo nu kɛAzua dɔɔnwo le mgbole nee ngɛnlɛma ɛdeɛ,Noko bɛbazɛkyeNa awie ɛnrɛdɛnla nu.+ 10  Ɔluakɛ vanye egyinli polu bulu* bazo baate ɛzuzudeɛ* ko,Yɛɛ ma homa ɛzuzudeɛ* ko bazo yifa ɛzuzudeɛ* ko ala.+ 11  Bɛdabɛ mɔɔ bɛdwazo nwonlomɔ mangyee kɛ bɛkanlo nza,Na bɛtɛnla nza nwo too awozinli fa bɛ kɔkpula kɛ bɛkɛbo la, bɛ gyakɔ!+ 12  Bɛlɛ haape nee getaa,*Akɛya, fulutu yɛɛ nwanye wɔ bɛ ɛkponledolɛ bo;Noko bɛndwenle Gyihova gyima nwo,Yɛɛ bɛnnwu ɔ sa anloa gyima. 13  Ɔti me menli ne bahɔ akɛlɛzonlenlɛ nuƆluakɛ bɛnlɛ adwenle;+Ɛhɔne bahu bɛ anyunlunyiama,+Yɛɛ nzuhɔne bahu bɛ menli ne amuala. 14  Yemɔti Nla* ne ɛbuke ɔ kunlu*Yɛɛ yebuke ɔ nloa wanaanwo;+Na ye menli titili, ye menli mɔɔ yɛ dede yɛɛ menli mɔɔ anye die bo zo laBawolo nuhua bɔkɔɔ. 15  Na sonla bado ɔ nwo aze,Bɛbabɛlɛ sonla aze,Na bɛbamaa sonla mɔɔ memaa ɔ nwo zo la aha ɔ nye aze. 16  Ɛlɔne Gyihova ndɛnebualɛ* ne bakpogya ye zo;Nɔhalɛ Nyamenle, Nwuanzanwuanza Ko ne+ balua tenleneyɛlɛ zo ade ɔ nwo.+ 17  Na mboane mralɛ badidi kɛ asɛɛ bɛwɔ bɛ adidileka la;Nyɛvolɛ badidi wɔ ɛleka mɔɔ ɛnee nane mɔɔ ɛlɔ la wɔ na ɛkɛ ne ɛdɔ mgbane la. 18  Bɛdabɛ mɔɔ bɛfa mɛlɛbɛla nyɛma bɛtwe bɛ fɔlɛlilɛNa bɛfa ehwili nyɛma bɛtwe bɛ ɛtane la, bɛ gyakɔ; 19  Bɛdabɛ mɔɔ bɛka kɛ: “Maa ɔha ɔ nwo ɔyɛ ye gyima ne ndɛndɛ;Ɔmaa ɔrɛla ndɛndɛ amaa yɛanwu ye. Maa Yizilayɛ Nwuanzanwuanza Ko ne bodane ne ɛrɛla nuAmaa yɛanwu ye la!”+ 20  Bɛdabɛ mɔɔ bɛka kɛ kpalɛ le ɛtane yɛɛ ɛtane le kpalɛ,+Bɛdabɛ mɔɔ bɛfa awozinli bɛyɛ wienyi na bɛfa wienyi bɛyɛ awozinli,Bɛdabɛ mɔɔ ɛnwonle yɛ bɛ menlemenle yɛɛ menlemenle yɛ bɛ ɛnwonle la, bɛ gyakɔ! 21  Bɛdabɛ mɔɔ bɛle nrɛlɛbɛvolɛma wɔ bɛ nye zoNa bɛbu bɛ nwo kɛ bɛle badwema la, bɛ gyakɔ!+ 22  Bɛdabɛ mɔɔ bɛle katakyiema wɔ nwanye ɛnlonlɛ nuYɛɛ bɛdabɛ mɔɔ bɛze kɛzi bɛfa nza ngakyile bɛfonla nu bɛno la, bɛ gyakɔ!+ 23  Bɛdabɛ mɔɔ bɛdie belaebo bɛgyakyi amumuyɛnli+Na bɛnli pɛlepɛle bɛmmaa tenlenenli la!+ 24  Yemɔti, kɛ mɔɔ senle yela ndileNa ndile welera sɔ wɔ sendɔlɔra nu la,Bɛ ndinli bakpɔlɔ,Na bɛ ndotolo abɔ asande kɛ pawoda la,Ɔluakɛ bɛkpole ɛlɔne Gyihova mɛla* neYɛɛ bɛambu Yizilayɛ Nwuanzanwuanza Ko ne edwɛkɛ ne bie.+ 25  Zɔhane ati Gyihova ɛya kpole ne bara ye menli ne anwo zo,Na ɔbadende ɔ sa wɔ bɛ nwo zo na yeahu bɛ.+ Awoka ne mɔ bawoso,Na bɛ avunli bayɛ kɛ ewula wɔ awɔdenle ne mɔ azo.+ Ɔlua ɛhye amuala ati, ɔnrɛmaa ye ɛya ne ɛnrɛha,Na ɔ sa ne mɔɔ yedende kɛ ɔku bɛ la tɛbɔ ɛkɛ. 26  Yemaa sɛkɛlɛneɛ bie zo yehile maanle bie mɔɔ wɔ moamoa la;+Yebɔ nvonloma yevɛlɛ bɛ kɛ bɛvi azɛlɛ ne anloa nehane bɛrɛla;+Na nea! bɛlɛ ɛnriandilɛ bɛlɛba.+ 27  Bɛ nuhua bie ɛtɛfɛle yɛɛ bie ɛtɛtɔle aze. Bɛ nuhua biala ɛmbɔ ngɔsɔkɛ anzɛɛ ɛnla. Bɛlɛte mɔɔ hye bɛ nze zo la anu ɛtɛtole,Yɛɛ bɛ mgbɔlaboa zo nyɛma ɛtɛtetele. 28  Bɛ ɛda mbaka ne mɔ amuala yɛ nla,Yɛɛ bɛkpo* bɛ ɛda ne mɔ amuala. Bɛ mgbɔnwɔ ne mɔ agyakɛ le kɛ bolɛ ɛsesebɛ,Yɛɛ bɛ ehwili ne mɔ le kɛ ahumu.+ 29  Bɛteɛdea nu kɛ awenade;Bɛkpo kɛ awenade ngakula* la.+ Bɛkulu na bɛkye naneNa bɛ nee ye kɔ mɔɔ awie ɛngola ye die. 30  Kenle zɔhane bɛbahulu ɔ nwo zoKɛ nyevile mɔɔ ɛlɛkulu la.+ Awie biala mɔɔ banlea azɛlɛ ne azo la banwu awozinli kabii;Amungu ne bamaa wienyi ne bɔbɔ ayɛ awozinli.+

Ɔbodwɛkɛ

Anzɛɛ “deɛ ne mɔɔ ɔluale.”
Azɛlɛ polu ko le azɛlɛ mɔɔ nlankɛ nwiɔ bahola ayɛ zolɛ gyima kenle ko la.
Tete ɛdeɛ ne le ngakyile fi ɛnɛ mekɛ ye getaa nwo.
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ “ye ɛkɛla.”
Anzɛɛ “pɛlepɛlelilɛ.”
Anzɛɛ “adehilelɛ.”
Anzɛɛ “bɛziezie bɛ nwo kɛ bɛto.”
Anzɛɛ “awenade ngakula mɔɔ anwo yɛ se.”