Maghuhukom 5:1-31
5 Nianang adlawa si Debora+ uban ni Barak+ nga anak ni Abinoam miawit:+
2 “Dayega si Jehova!Tungod kay miboluntaryo ang Israel+Ug tungod sa mga manggugubat nga dunghay ug buhok!*
3 Pamati, mga hari! Paminaw mong mga magmamando!
Mag-awit ko kang Jehova.
Awitan nakog mga pagdayeg si* Jehova,+ ang Diyos sa Israel.+
4 Oh Jehova, sa imong paggawas sa Seir,+Sa imong paggikan sa teritoryo sa Edom,Ang yuta nauyog ug ang langit nagpaulan,Ang mga panganod nagpabundak ug ulan.
5 Ang kabukiran natunaw* sa atubangan ni Jehova,+Bisan ang Sinai sa atubangan ni Jehova,+ ang Diyos sa Israel.+
6 Sa mga adlaw ni Samgar+ nga anak ni Anat,Sa mga adlaw ni Jael,+ walay mangagi sa dagkong dalan,Ug ang mga nagabiyahe mangagi sa gagmayng dalan.
7 Wala nay namuyo sa mga baryo sa Israel;Wala na sila hangtod nga ako, si Debora,+ miabot,Hangtod nga miabot ko ingong inahan sa Israel.+
8 Mipili silag bag-ong mga diyos;+Unya dunay gubat sa mga ganghaan.*+
Walay taming o bangkaw nga makitaDiha sa 40,000 ka lalaki sa Israel.
9 Ang akong kasingkasing dapig sa mga komandante sa Israel,+Nga kinabubut-ong miuban sa katawhan.+
Dayega si Jehova!
10 Kamong nagsakay sa pughaw-brawon nga mga asno,Kamong naglingkod sa maayong klase nga mga karpet,Ug kamong naglakaw sa dalan,Tagda kini:
11 Ang tingog sa mga nagkalos ug tubig para sa mga hayop madungog diha sa mga kalosanan;Ginahisgotan nila ang matarong nga mga buhat ni Jehova,
Ang matarong nga mga buhat sa iyang katawhan nga namuyo sa mga baryo sa Israel.Dayon ang katawhan ni Jehova miadto sa mga ganghaan.
12 Mata na, mata na, Oh Debora!+
Pagmata, pagmata, ug pag-awit!+
Tindog, Barak!+ Dad-a ang imong mga binihag, ikaw nga anak ni Abinoam!
13 Unya kadtong nahibiling buhi miadto sa mga halangdon;Ang katawhan ni Jehova mianhi kanako aron makig-away sa mga gamhanan.
14 Ang mga kaliwat ni Epraim naa sa walog;*Nagsunod sila nimo, Oh Benjamin, uban sa imong katawhan.
Ang mga komandante sa mga kaliwat ni Makir+ milugsong,Apil sab ang mga kaliwat ni Zabulon nga naglista sa mga magsundalo.*
15 Ang mga prinsipe sa Isacar kauban ni Debora,Ug sama kang Isacar, kauban pod si Barak.+
Gipaadto siya sa patag.*+
Apan sa tribo ni Ruben daghan ang nagduhaduha.*
16 Nganong naglingkod ka taliwala sa duha ka karga*Ug naminaw sa honi sa plawta para sa mga karnero?+
Sa tribo ni Ruben daghan ang nagduhaduha.*
17 Si Gilead nagpabilin sa tabok sa Jordan;+Ug si Dan, nganong naa ra siya sa mga barko?+
Si Aser nagpungko sa baybayon,Ug nagpabilin ra sa iyang mga pantalan.*+
18 Ang katawhan ni Zabulon nagpameligro sa ilang kinabuhi bisan pag mamatay sila;Si Neptali sab+ nagpameligro sa iyang kinabuhi didto sa bukid.+
19 Ang mga hari nangabot, sila nakiggubat;Ang mga hari sa Canaan nakiggubat+Didto sa Taanak, daplin sa katubigan sa Megido.+
Wala silay nailog nga plata.*+
20 Gikan sa langit ang mga bituon nakiggubat;Gikan sa langit* sila nakiggubat kang Sisera.
21 Ang bul-og* sa Kison mibanlas kanila,+Ang karaang bul-og,* ang bul-og* sa Kison.
Akong gitamaktamakan ang gamhanan.
22 Unya midahunog ang tunob sa mga kabayoSamtang nagdasdas ang iyang mga laking kabayo.+
23 ‘Tungloha ang Meroz,’ miingon ang anghel ni Jehova,‘Oo, tungloha ang mga namuyo niini,Kay wala sila moanhi sa pagtabang kang Jehova,Sa pagtabang kang Jehova uban sa mga gamhanan.’
24 Si Jael+ ang labing bulahan sa mga babayeAng asawa ni Heber+ nga Kenihanon;Siya ang labing bulahan sa mga babaye nga nagpuyo sa tolda.
25 Tubig ang gipangayo, gatas ang iyang gihatag.
Sa dakong pangkombira nga panaksan nagdalit siyag nanibuok nga gatas.*+
26 Gikab-ot niya ang ugsok nga pangtolda,Ang iyang tuong kamot iyang gikab-ot sa maso.
Ug iyang gidukdok ang ugsok kang Sisera, iyang gidugmok ang iyang ulo,Iyang gidukdok ug gitugsok ang iyang mga tampihak.+
27 Sa tiilan ni Jael siya nalup-og; siya natumba ug nagbuy-od;Sa iyang tiilan siya nalup-og ug natumba;Kon asa siya nalup-og, didto siya namatay.
28 Gikan sa bentana may babaye nga milantaw,Ang inahan ni Sisera milili sa bentana,*‘Nganong dugay miabot ang iyang karo?
Nganong wala pa nako madungog ang dahunog sa iyang mga karo?’+
29 Ang labing maalamon sa iyang halangdong mga babaye motubag kaniya;Oo, siya sab moingon sa iyang kaugalingon,
30 ‘Tingali nag-apod-apod pa sila sa ilang mga nailog,Usa ka babaye,* duha ka babaye,* para sa matag sundalo,Gitina nga panapton para kang Sisera, gitina nga panapton,Usa ka binordahang sinina, gitina nga panapton, duha ka binordahang sininaPara sa mga liog sa mga mangingilog.’
31 Busa malaglag unta ang tanan nimong kaaway,+ Oh Jehova,Apan kadtong mga nahigugma nimo mahisama unta sa adlaw nga misubang ug misidlak.”
Ug ang yuta nakapahulay sulod sa 40 ka tuig.+
Mga Footnote
^ Posible nga ilhanan ni sa panaad o pagpahinungod ngadto sa Diyos.
^ O “Motugtog ko para kang.”
^ O posible, “nauyog.”
^ Iningles, gate.
^ O “ubos nga patag.”
^ O posible, “nagdala sa galamiton sa eskriba.”
^ O “ang ilang kasingkasing dili makadesisyon.”
^ O “ubos nga patag.”
^ Mga ginakarga sa hayop.
^ O “ang ilang kasingkasing dili makadesisyon.”
^ O “dunggoanan.”
^ Iningles, silver.
^ O “Gikan sa ilang mga orbito.”
^ O “sapa.”
^ O “sapa.”
^ O “sapa.”
^ O “nagdalit siyag krema.”
^ O “rehasrehas.”
^ Literal, “tagoangkan.”
^ Literal, “tagoangkan.”
