Micas 6:1-16
6 Alayon, pamati ha ginsisiring ni Jehova.
Buhát, ipresentar an iyo kaso ha atubangan han kabukiran,Ngan mabatian unta han kabungtoran an iyo tingog.+
2 Pamatii, O kabukiran, an kaso ni Jehova,Kamo nga magrig-on nga mga pundasyon han tuna,+Kay hi Jehova may kaso ha iya katawohan;Kontra ha Israel nga hiya makikig-argumento:+
3 “Akon katawohan, ano an akon nabuhat ha iyo?
Ha ano nga paagi ginkapoy kamo tungod ha akon?+Pagtestigo kontra ha akon.
4 Kay igin-gawas ko kamo ha tuna han Ehipto,+Gintubos ko kamo tikang ha balay han pagkauripon;+Ginsugo ko ngada ha iyo hira Moises, Aaron, ngan Miriam.+
5 Akon katawohan, alayon hinumdumi, kon ano an ginplano ni Hadi Balak han Moab,+Ngan kon ano an ginbaton ha iya ni Balaam nga anak ni Beor+—Kon ano an nahitabo tikang ha Sitim+ tubtob ha Gilgal+—
Basi iyo mahibaroan an matadong nga mga buhat ni Jehova.”
6 Ano an akon dadad-on ha pag-atubang kan Jehova?
Ano an akon dadad-on kon mayukbo ako ha atubangan han Dios ha kahitas-an?
Makada ba ako ha iya atubangan dara an bug-os nga mga halad nga sinunog,Ngan nati nga mga baka nga usa ka tuig an edad?+
7 Malilipay ba hi Jehova ha yinukot nga karnero nga lalakí,Ha damu hinduro nga lana?+
Ihahatag ko ba an akon suhag nga lalaki tungod han akon pagrebelde,An bunga han akon lawas tungod han akon sala?*+
8 Ginsidngan ka niya, O tawo, kon ano an maopay.
Ngan ano an ginkikinahanglan* ha imo ni Jehova?
An pagpadapat la hin hustisya,*+ an paghigugma ha pagkamaunungon,*+Ngan an paglakat nga mapainubsanon+ kaupod han imo Dios!+
9 An tingog ni Jehova nagtatawag ha syudad;An mga may praktikal nga kinaadman magkakaada kahadlok ha imo ngaran.
Tagi hin atensyon an tungkod nga pansirot ngan hiya nga nagsugo hito.+
10 Aada pa ba gihapon an mga bahandi han karaotan ha balay han maraot
Ngan an kulang ha takos nga epah* nga mangil-ad?
11 Magigin limpyo ba ako ha moral* pinaagi hin diri tangkod nga mga timbangan,Pinaagi hin supot han maglimbong nga mga bato nga panimbang?+
12 Kay an riko nga mga tawo hito puno han kamadarahog,Ngan an mga umurukoy hito nagyayakan hin kabuwaan;+An ira dila ngan baba malimbungon.+
13 “Salit pauul-olan ko ikaw ngan masasamaran ka,+Pahihinaboon ko nga magin binayaan ka tungod han imo mga sala.
14 Makaon ka pero diri ka mabubusog;Maabat ka hin gutom.+
An mga butang nga imo nakuha basi tagoon, diri mo matitipigan,Ngan an imo nakuha, akon igtutubyan ha espada.
15 Magsasabwag ka hin binhi, pero diri ka mag-aani.
Magtatamak-tamak ka hin mga olibo, pero diri mo magagamit an lana;Ngan maghihimo ka hin bag-o nga bino, pero waray ka maiinom nga bino.+
16 Kay ginsusunod niyo an mga surundon nga iginhatag ni Omri ngan an ngatanan nga ginbubuhat han panimalay ni Ahab,+Ngan naglalakat kamo uyon ha ira sagdon.
Ito an hinungdan nga pahihinaboon ko nga an mga tawo mahadlok tungod han mahitatabo ha iyo
Ngan an mga umurukoy hito magigin taramayon;*+Ngan iyo aantuson an insulto han mga katawohan.”+
