Micas 2:1-13
2 “Kairo han mga nagpaplano hin nakakadaot,Nga naghuhunahuna hin maraot dida ha ira mga higdaan!
Pagpawa ha aga ira ito ginbubuhat,Kay may-ada hira gahum ha pagbuhat hito.+
2 Ginhihingyap nira an mga uma ngan ira ito gin-aagaw;+Pati mga balay, ngan ira ito ginkukuha;Ginlilimbongan nira an usa nga tawo basi makuha an iya balay,+Ngan basi makuha an iya panurundon.
3 Salit ini an siring ni Jehova:
‘Kitaa, naghuhunahuna ako kontra hini nga pamilya hin duro nga kakurian,+ nga tikang hito diri kamo makakapalagiw.*+
Diri na kamo maglalakat nga mapahitas-on,+ kay panahon ito han duro nga kakurian.+
4 Hito nga adlaw an mga tawo magyayakan hin darahunon mahitungod ha iyo,Ngan magngunguyngoy hira ha kasubo tungod ha iyo.+
Hira masiring: “Nadaot gud kami!+
Iya ginpahinabo nga an malon han akon katawohan mahingadto ha iba—ginkuha gud niya ito tikang ha akon!+
An amon mga uma iya iginhatag ha diri matinumanon.”
5 Salit waray bisan usa dida ha imo nga mag-uunat han higot nga isurukol,Basi bahin-bahinon an tuna dida ha kongregasyon ni Jehova.
6 “Ayaw na pagsangyaw!” nasiring hira,“Diri nira angay igsangyaw ini nga mga butang;Diri kita maaalohan!”
7 O panimalay ni Jacob, ini ba an ginsiring:
“Nawad-an ba hin pagpailob an espiritu ni Jehova?
Ini ba an iya mga buhat?”
Diri ba an akon mga pulong naghahatag hin kaopayan ha mga nagkikinabuhi hin matadong?
8 Pero diri pa la maiha, an akon katawohan nagrebelde sugad hin kaaway.
Dayag nga gintatangtang niyo an makaruruyag gud nga dekorasyon dida* ha badoTikang ha mga nalabay nga may kompyansa, pariho ha mga nabalik tikang ha girra.
9 An mga babaye dida ha akon katawohan ginpapaiwas niyo ha ira mga balay nga makalilipay pag-ukyan;Tikang ha ira mga anak iyo ginkuha an akon dungog ha kadayonan.
10 Buhát ngan larga, kay diri ini lugar nga pahuwayan.
Tungod han kahugaw,+ may-ada kabungkagan, duro nga kabungkagan.+
11 Kon an usa nga tawo magsisinunod ha hangin ngan ha panlimbong ngan magsusumat hini nga kabuwaan:
“Magsasangyaw ako ha imo mahitungod han bino ngan de-alkohol nga irimnon,”
Kon sugad, hiya gud an magigin magsarangyaw hini nga katawohan!+
12 Titirukon ko gud kamo ngatanan, O Jacob;Tatarampuhon ko gud an mga nanhibilin han Israel.+
Pag-uurusahon ko hira, pariho hin mga karnero ha toril,Pariho hin panon ha panabsaban hito;+Magigin maaringasa ito tungod han katawohan.’+
13 An tawo nga nagguguhang mag-uuna ha ira;Magguguhang hira ngan maagi ha ganghaan ngan magawas dida hito.+
An ira hadi maagi nga una ha ira,Ngan hi Jehova an nag-uuna ha ira.”+
