Jeremias 49:1-39
49 Para ha mga Ammonita,+ ini an siring ni Jehova:
“Waray ba mga anak nga lalaki an Israel?
Waray ba hiya eredero?
Kay ano nga hi Malcam+ an nagtatag-iya han Gad?+
Ngan kay ano nga an iya katawohan naukoy ha mga syudad han Israel?”
2 “‘Salit kitaa! maabot an mga adlaw,’ nasiring hi Jehova,‘Nga ipapabati ko an tunog nga sinyales han girra* kontra ha Raba+ han mga Ammonita.+
Magigin binayaan hiya nga bungdo,Ngan susunugon an iya sakop* nga mga bungto.’
‘Ngan pagtatag-iyahon han Israel an tuna han mga nagkuha han iya tuna,’+ nasiring hi Jehova.
3 ‘Pagnguyngoy, O Hesbon, kay an Ai ginbungkag!
Pangaraba, O mga bungto nga sakop han Raba.
Pagsul-ot hin sako nga panapton.
Pagnguyngoy ngan paglibot-libot ha mga toril nga bato,*Kay hi Malcam madidistyero,Kaupod an iya mga saserdote ngan an iya mga prinsipe.+
4 Kay ano nga iginhahambog mo an mga walog,*An imo naawas nga kapatagan, O diri matinumanon nga anak nga babaye,Nga nasarig ha iya mga bahandiNgan nasiring: “Hin-o an maatake ha akon?”’”
5 “‘Kitaa, magdadara ako ha imo hin makaharadlok nga butang,’ nasiring an Soberano nga Ginoo, hi Jehova han mga hugpo,‘Tikang ha ngatanan ha imo palibot.
Igpapatlaag kamo ha tagsa nga direksyon,Ngan waray magtitirok han mga mamamalagiw.’”
6 “‘Kondi katapos hito titirukon ko an mga nabihag ha mga Ammonita,’ nasiring hi Jehova.”
7 Para ha Edom, ini an siring ni Jehova han mga hugpo:
“Waray na ba kinaadman ha Teman?+
Nahanaw na ba an maopay nga sagdon tikang ha mga may pagsabot?
Nadunot na ba an ira kinaadman?
8 Pamalagiw kamo, atras kamo!
Pakadto ha hamubo nga mga lugar ngan ukoy didto, O mga naukoy ha Dedan!+
Kay magpapahinabo ako hin kadaot kan EsauPag-abot han panahon nga sisirotan ko na hiya.
9 Kon an mga mag-arani han ubas kumada ha imo,Diri ba hira magsasalin hin mga ubas basi kuhaon han iba?
Kon an mga kawatan kumada ha gab-i,Makakapandaot hira tubtob la nga makuha nira an kadamu nga ira karuyag.+
10 Pero kukuhaon ko kan Esau an ngatanan.
Ibubuhayhag ko an iya tagoan nga mga lugar,Basi diri hiya makatago.
An iya mga anak ngan an iya kabugtoan ngan an iya mga amyaw bubungkagon ngatanan,+Ngan mawawaray na hiya.+
11 Bayai an imo kabataan nga waray tatay,Ngan titipigan ko hira nga buhi,Ngan an imo mga balo nga babaye masarig ha akon.”
12 Kay ini an siring ni Jehova: “Kitaa! Kon an mga waray sentensyahi nga uminom han kopa kinahanglan uminom hito, papabay-an ka la ba nga diri gud masirotan? Diri ka papabay-an nga diri masirotan, kay kinahanglan uminom ka hito.”+
13 “Kay nanumpa ako ha akon kalugaringon,” nasiring hi Jehova, “nga an Bozra magigin makaharadlok nga kagubaan,+ tatamayon, magigin bungkag nga lugar, ngan igsusumpa; ngan an ngatanan niya nga syudad magigin kagubaan ha kadayonan.”+
14 Nakabati ako hin sumat tikang kan Jehova,May representante nga ginsugo ha mga nasud, nga nasiring:
“Pagtirirok kamo ngan atakeha hiya;Pag-andam ha pakiggirra.”+
15 “Kay kitaa! ginhimo ko ikaw nga minos ha butnga han mga nasud,Tinamay ha butnga han mga tawo.+
16 An pangurog nga imo ginpahinabo naglimbong ha imo,An pagkamapahitas-on han imo kasingkasing,O ikaw nga naukoy ha mga buho han hitaas nga bato,Nga naukoy ha pinakahitaas nga bungtod.
Bisan kon an imo salag ginhihimo mo ha hitaas nga lugar pariho hin agila,Iglulusad ko ikaw tikang didto,” nasiring hi Jehova.
17 “Ngan an Edom magigin makaharadlok nga kagubaan.+ An kada tagsa nga nalabay ha iya magkikita nga nahahadlok ngan magtatamay* tungod han ngatanan niya nga peste.
18 Pariho han pagkabungkag han Sodoma ngan Gomorra ngan han mga bungto nga kahigrani hito,”+ nasiring hi Jehova, “waray bisan usa nga magigin residente didto, ngan waray tawo nga maukoy didto.+
19 “Kitaa! May maatake ha talwas nga mga panabsaban pariho hin leon+ nga tikang ha magrabong nga mga tanom ha ligid han Jordan, pero ha usa la ka dali pahihinaboon ko nga bumaya hiya* tikang ha iya. Ngan an pinili itutoka ko basi sakupon hiya. Kay hin-o an pariho ha akon, ngan hin-o an mangangayat ha akon? Hin-o nga paraataman hin panon an makakatindog ha akon atubangan?+
20 Salit pamatii niyo, O mga tawo, an desisyon* ni Jehova kontra ha Edom ngan an iya ginhunahuna kontra ha mga naukoy ha Teman:+
Sigurado nga an mga nati han panon dadanason pahirayo.
Hihimoon niya nga binayaan an ira urukyan nga lugar tungod ha ira.+
21 Tungod han aringasa han ira kapukan, an tuna nabay-og.
May-ada guliat!
Nabatian ito tubtob ha Dagat nga Pula.+
22 Kitaa! Pariho hin agila magtitipaigbaw hiya ngan malaksi nga magtitipaubos,+Ngan bubuklaron niya an iya mga pako ha bawbaw han Bozra.+
Hito nga adlaw an kasingkasing han mga girriro han EdomMagigin pariho han kasingkasing hin babaye nga nag-aanak.”
23 Para ha Damasco:+
“An Hamat+ ngan an Arpad iginbutang ha kaarawdan,Kay nakabati hira hin maraot nga sumat.
Natutunaw hira tungod ha kahadlok.
Mabalud an dagat ngan diri napapalinaw.
24 An Damasco nawad-an hin kaisog.
Pinalagiw hiya, pero nalilisang hiya.
Naabat hiya hin kasakit ngan kaul-ol,Pariho hin babaye nga nag-aanak.
25 Kay ano nga an darayawon nga syudad waray bayai,An bungto nga puno hin kalipay?
26 Kay an iya batan-on nga mga lalaki magkakamatay ha iya mga plasa,Ngan an ngatanan nga sundalo mahahanaw hito nga adlaw,” nasiring hi Jehova han mga hugpo.
27 “Susuritan ko an pader han Damasco,Ngan uugtangon han kalayo an magrig-on nga mga torre ni Ben-hadad.”+
28 Para ha Kedar+ ngan ha mga ginhadian han Hazor, nga ginsakop ni Hadi Nabucodonosor* han Babilonya, nasiring hi Jehova:
“Buhát, pakadto ha Kedar,Ngan bungkaga an mga anak han Este.
29 An ira mga tolda ngan an ira mga panon kukuhaon,An ira pantolda nga mga tela ngan an ngatanan nira nga gamit.
An ira mga kamelyo pangunguhaon,Ngan maguliat hira ha ira, ‘May-ada duro nga kahadlok ha bug-os nga palibot!’”
30 “Pamalagiw kamo, pahirayo kamo!
Pakadto ha hamubo nga mga lugar ngan ukoy didto, O mga naukoy ha Hazor,” nasiring hi Jehova.
“Kay hi Hadi Nabucodonosor* han Babilonya naghimo hin estratihiya kontra ha iyo,Ngan may ginpaplano hiya kontra ha iyo.”
31 “Buhát, atakeha an nasud nga may kamurayawan,Nga naukoy nga may seguridad!” nasiring hi Jehova.
“Waray ito mga purtahan o mga trangka; naukoy hira nga nahibubulag.
32 An ira mga kamelyo pangunguhaon,Ngan an ira damu nga hayop magigin dinag-an.
Igsasarang ko hira ha tagsa nga hangin,*Adton nag-aahit han ira buhok ha may sentido,+Ngan tikang ha tagsa nga direksyon pahihinaboon ko an ira kadaot,” nasiring hi Jehova.
33 “Ngan an Hazor magigin luruk-an han mga tsakal,*Usa nga lugar nga binayaan ha kadayonan.
Waray bisan usa nga magigin residente didto,Ngan waray tawo nga maukoy ha iya.”
34 Ini an pulong ni Jehova nga inabot kan Jeremias nga propeta mahitungod ha Elam+ ha tinikangan han pagmando ni Hadi Zedekias+ han Juda:
35 “Ini an siring ni Jehova han mga hugpo, ‘Kitaa, akon babarion an bawog han Elam,+ an burabod* han ira pagkagamhanan.
36 Dadad-on ko ngada ha Elam an upat nga hangin tikang ha upat nga sidsid han kalangitan, ngan igsasarang ko hira ngada hini ngatanan nga hangin. Waray nasud nga diri kakadtoan han nagpatlaag nga katawohan han Elam.’”
37 “Pahihinaboon ko nga an mga Elamita mahadlok gud ha atubangan han ira mga kaaway ngan ha atubangan han mga nag-iikaparatay ha ira;* ngan magpapahinabo ako hin kadaot ha ira, an akon naglalaga nga kasina,” nasiring hi Jehova. “Ngan susugoon ko an espada basi lanaton hira tubtob nga mapoo ko hira.”
38 “Ngan ibubutang ko ha Elam+ an akon trono, ngan tikang didto bubungkagon ko an hadi ngan an mga prinsipe,” nasiring hi Jehova.
39 “Kondi ha ultimo nga bahin han mga adlaw, titirukon ko an mga nabihag ha Elam,” nasiring hi Jehova.
Mga footnote
^ O posible nga “an aringasa han singgit han pakiggirra.”
^ O “nakapalibot.”
^ O “mga toril han mga karnero.”
^ O “hamubo nga mga kapatagan.”
^ Lit., “magtataghoy.”
^ Posible nga nagtutudlok ha mga Edomita.
^ O “katuyoan.”
^ Lit., “Nabucodorosor,” usa pa nga ginagamit nga ispeling.
^ Lit., “Nabucodorosor,” usa pa nga ginagamit nga ispeling.
^ O “ha tagsa nga direksyon.”
^ Ha Ingles, jackal.
^ Lit., “tinikangan.”
^ O “namimiling han ira kalag.”
