Jeremias 13:1-27
13 Ini an siring ni Jehova ha akon: “Lakat ngan palit hin lino nga paha ngan itakgong ito ha imo hawak, kondi ayaw ito itunlob ha tubig.”
2 Salit ginpalit ko an paha uyon ha ginsiring ni Jehova ngan igintakgong ito ha akon hawak.
3 Ngan an pulong ni Jehova inabot ha akon ha ikaduha nga higayon:
4 “Tanggala an imo sul-ot nga paha nga imo ginpalit ngan buhát, pakadto ha Eufrates, ngan itago ito ha usa nga gutak han daku nga bato didto.”
5 Salit kinadto ako ngan igintago ito hirani ha Eufrates, sugad han iginsugo ni Jehova ha akon.
6 Kondi paglabay hin damu ka adlaw hi Jehova nagsiring ha akon: “Buhát, pakadto ha Eufrates, ngan kuhaa didto an paha nga iginsugo ko ha imo nga itago didto.”
7 Salit kinadto ako ha Eufrates ngan gin-ukad an paha ngan ginkuha ito ha lugar nga akon gintagoan hito, ngan nakita ko nga ruba na an paha; diri na gud ito magagamitan.
8 Katapos, an pulong ni Jehova inabot ha akon:
9 “Ini an siring ni Jehova, ‘Ha pariho nga paagi bubungkagon ko an iginhahambog han Juda ngan an iginhahambog gud han Jerusalem.+
10 Ini nga maraot nga katawohan nga nagdudumiri pagsugot ha akon mga pulong,+ nga ginsusunod an katig-a han ira mismo kasingkasing,+ ngan nasunod ha iba nga mga dios pinaagi han pag-alagad ngan pagyukbo ha ira, magigin pariho gud hini nga paha nga diri na gud magagamitan.’
11 ‘Kay sugad la nga an paha nakupkop ha hawak han tawo, ginpakupkop ko liwat ha akon an bug-os nga panimalay ni Israel ngan an bug-os nga panimalay ni Juda,’ nasiring hi Jehova, ‘basi magin usa nga katawohan,+ usa nga ngaran,+ usa nga kadayawan, ngan usa nga butang nga matahom ha akon. Kondi waray hira sumugot.’+
12 “Ngan kinahanglan mo liwat isumat ha ira ini nga mensahe, ‘Ini an siring ni Jehova nga Dios han Israel: “An tagsa nga tadyaw sadang pun-on hin bino.”’ Ngan mabaton hira ha imo, ‘Diri ba kami maaram nga an tagsa nga tadyaw sadang pun-on hin bino?’
13 Katapos sidnga hira, ‘Ini an siring ni Jehova: “Kitaa, pupun-on ko hin bino an ngatanan nga naukoy hini nga tuna,+ an mga hadi nga nalingkod ha trono ni David, an mga saserdote ngan an mga propeta, ngan an ngatanan nga naukoy ha Jerusalem tubtob nga mahubog hira.
14 Ngan igrarantok ko hira ha usa kag usa, an mga amay ngan an mga anak,” nasiring hi Jehova.+ “Diri ako magpapakita hin pagpaid o masusubo o malolooy ha ira; waray makakapugong ha akon ha pagbungkag ha ira.”’+
15 Pamati kamo ngan paghatag hin atensyon.
Ayaw pagpahitaas, kay hi Jehova nagyakan.
16 Himayaa hi Jehova nga iyo DiosAntes hiya magpahinabo hin kasisidmanNgan antes an iyo mga tiil* mahipakdol ha kabukiran ha pagtikagab-i.
Maglalaom kamo han kalamrag,Pero magpapahinabo hiya hin duro nga kasirom;An kalamrag hihimoon niya nga madulom gud.+
17 Ngan kon magdumiri kamo ha pagpamati,Magtatangis ako* hin sekreto tungod han iyo pagkamapahitas-on.
Magtitinangis gud ako, ngan maturo an mga luha ha akon mga mata,+Kay an panon ni Jehova+ gindara nga bihag.
18 Sidnga an hadi ngan an nanay nga rayna,+ ‘Lingkod ha hamubo nga lugar,Kay an iyo maopay nga korona mahuhulog tikang ha iyo ulo.’
19 An mga syudad ha sur ginpansadhan,* ngan waray bisan usa nga makakaabri hito.
An bug-os nga Juda igindistyero, hira ngatanan igindistyero.+
20 Isiplat an imo mga mata ngan kitaa an mga tiabot tikang ha norte.+
Hain an panon nga iginhatag ha imo, an imo magtahom nga mga karnero?+
21 Ano an imo isisiring kon umabot na an pagsirot ha imoTikang hadton gintatagad mo nga duok nga kasangkayan tikang pa hadto?+
Diri ka ba maabat hin mga kaul-ol ha pag-anak, pariho han inaabat hin babaye nga nag-aanak?+
22 Ngan kon sumiring ka ha imo kasingkasing, ‘Kay ano nga nahitabo ha akon ini nga mga butang?’+
Tungod ito han imo daku nga sayop salit an ubos nga bahin han imo bado ginhukas ha imo+Ngan an imo mga tikod ginpasakitan gud.
23 Mababalyoan ba han usa nga Cusita* an iya panit, o han leopardo an burutikbutik hito?+
Kon oo, makakabuhat liwat kamo hin maopay,Kamo nga ginbansay ha pagbuhat hin maraot.
24 Salit igsasarang ko hira pariho hin uhot nga iginpapalid han hangin ha disyerto.+
25 Ini an imo bahín, an malon nga akon ginsukol para ha imo,” nasiring hi Jehova,“Kay imo ako ginkalimtan+ ngan nasarig ka ha mga buwa.+
26 Salit aalsahon ko an ubos nga bahin han imo bado ngada ha imo nawong,Ngan an imo kaarawdan makikita,+
27 An imo mga pag-adulteryo+ ngan an imo paghirihiri tungod han malaw-ay nga hingyap,An imo malaw-ay* nga prostitusyon.
Ha mga bungtod, ha kapatagan,Nakita ko an imo mangil-ad nga paggawi.+
Kairo mo, O Jerusalem!
Tubtob san-o ka magpapabilin nga mahugaw?”+
