Jeremias 3:1-25
3 An mga tawo napakiana: “Kon paiwason han usa nga lalaki an iya asawa ngan bayaan hiya niya ngan magin asawa han iba nga lalaki, angay pa ba hiya makigbalik ha iya asawa?”
Diri ba nagin mahugaw gud ito nga tuna?+
“Nagbuhat ka hin prostitusyon ha imo damu nga kaupod,+Ngan yana angay ka ba bumalik ha akon?” nasiring hi Jehova.
2 “Isiplat an imo mga mata ngadto ha mga bungtod nga waray tanom ngan kitaa.
Diin pa nga lugar waray ka lugosa?
Ha ligid han mga dalan liningkod ka nga naghuhulat ha ira,Pariho hin nagbuburobalhin nga tawo* ha kamingawan.
Padayon nga ginhuhugawan mo an tunaPinaagi han imo prostitusyon ngan han imo karaotan.+
3 Tungod hini ginpugngan an uran,+Ngan waray uran ha katsaringsing.
Nagios ka hin waray awod pariho* han usa nga asawa nga nagbubuhat hin prostitusyon;Diri ka naaawod.+
4 Kondi yana natawag ka ha akon,‘Amay ko, ikaw an akon kaupod tikang ha pagkabatan-on!+
5 Angay ka ba magtipig hin kasina ha kadayonan,O magdumot pirme?’
Ini an imo ginsisiring,Pero padayon nga ginbubuhat mo an ngatanan nga karaotan nga kaya mo buhaton.”+
6 Ha mga adlaw ni Hadi Josias,+ hi Jehova nagsiring ha akon: “‘Nakita mo ba an ginbuhat han rebelyoso nga Israel? Kinadto hiya ha bawbaw han tagsa nga hitaas nga bukid ngan ha ilarom han tagsa nga marampag nga kahoy basi magbuhat hin prostitusyon.+
7 Bisan katapos niya buhaton ini ngatanan, padayon ako nga nagsiniring ha iya nga bumalik ha akon,+ pero waray hiya bumalik; ngan an Juda padayon nga nagkinita ha iya diri maunungon nga bugto nga babaye.+
8 Han nakita ko ito, ginpaiwas ko an rebelyoso nga Israel dara an sertipiko han pagdiborsyo+ tungod han iya pag-adulteryo.+ Kondi an Juda nga iya diri maunungon nga bugto waray mahadlok; hiya liwat ginawas ngan nagbuhat hin prostitusyon.+
9 Ginhunahuna niya nga magaan la an iya ginbuhat nga prostitusyon, ngan padayon nga ginhugawan niya an tuna ngan padayon nga nag-adulteryo ha mga bato ngan ha mga kahoy.+
10 Bisan pa hini ngatanan, an Juda nga iya diri maunungon nga bugto waray bumalik ha akon ha bug-os niya nga kasingkasing, lugod pakunokuno la an iya pagbalik,’ nasiring hi Jehova.”
11 Katapos, hi Jehova nagsiring ha akon: “Iginpakita han rebelyoso nga Israel nga mas matadong hiya* kay han diri maunungon nga Juda.+
12 Lakat ngan ipasamwak ini nga mga pulong ngadto ha norte:+
“‘“Balik, O rebelyoso nga Israel,” nasiring hi Jehova.’+ ‘“Diri ako magkikita nga nasisina* ha iyo,+ kay maunungon ako,” nasiring hi Jehova.’ ‘“Diri ako magtitipig hin kasina ha kadayonan.
13 Basta karawata la an imo sala, kay nagrebelde ka kan Jehova nga imo Dios. Padayon ka nga nakigrelasyon* ha mga estranghero* ha ilarom han tagsa nga marampag nga kahoy, pero ha akon waray kamo sumugot,” nasiring hi Jehova.’”
14 “Balik, kamo nga rebelde nga mga anak,” nasiring hi Jehova. “Kay ako nagin iyo tinuod nga agaron;* ngan kukuhaon ko kamo, usa tikang ha usa nga syudad ngan duha tikang ha usa nga tribo, ngan dadad-on ko kamo ha Zion.+
15 Ngan tatagan ko kamo hin mga paraataman han panon nga nagbubuhat uyon ha akon kaburut-on,*+ ngan magtatagana hira ha iyo hin kahibaro ngan hin hilarom nga pagsabot.
16 Magdadamu kamo ngan mamumunga ha tuna hito nga mga adlaw,” nasiring hi Jehova.+ “Diri na hira masiring, ‘An arka han kasabotan ni Jehova!’ Diri ito masulod ha kasingkasing, ngan diri hira mahinunumdom hito o mamimingaw hito, ngan diri na ito hihimoon utro.
17 Hito nga panahon an Jerusalem ira tatawagon nga trono ni Jehova;+ ngan an ngatanan nga nasud titirukon basi pasidunggan an ngaran ni Jehova ha Jerusalem,+ ngan diri na nira susundon an katig-a han ira mismo maraot nga kasingkasing.”
18 “Hito nga mga adlaw maglalakat hira nga magkaupod, an panimalay ni Juda kaupod han panimalay ni Israel,+ ngan tikang ha tuna ha norte magkaupod hira nga maabot ha tuna nga akon iginhatag ha iyo mga kaapoy-apoyan sugad nga panurundon.+
19 Ngan naghunahuna ako, ‘Iginbutang ko gud ikaw ha butnga han akon mga anak ngan iginhatag ha imo an makaruruyag nga tuna, an pinakamatahom nga panurundon dida ha mga nasud!’*+ Naghunahuna liwat ako nga tatawagon niyo ako, ‘Amay ko!’ ngan diri kamo mabaya tikang ha pagsunod ha akon.
20 ‘Kondi ha pagkamatuod, pariho hin diri maunungon nga asawa nga nabaya ha iya bana,* kamo liwat, O panimalay ni Israel, nagin diri maunungon ha akon,’+ nasiring hi Jehova.”
21 Ha mga bungtod nga waray tanom may hinbabatian nga aringasa,An panangis ngan an pakimalooy han katawohan han Israel,Kay ira ginbaliko an ira dalan;Ira ginkalimtan hi Jehova nga ira Dios.+
22 “Balik, kamo nga rebelyoso nga mga anak.
Tatambalon ko an iyo rebelyoso nga kahimtang.”+
“Aadi kami! Kinanhi kami ha imo,Kay ikaw, O Jehova, an amon Dios.+
23 Ha pagkamatuod an mga bungtod ngan an kasamok ha mga bukid kabuwaan la.+
Ha pagkamatuod aada kan Jehova nga amon Dios an katalwasan han Israel.+
24 Kondi gin-ubos han makaarawod nga butang* an ginkapoyan han amon mga kaapoy-apoyan tikang pa ha amon pagkabatan-on,+An ira mga karnero ngan an ira mga baka,An ira mga anak nga lalaki ngan an ira mga anak nga babaye.
25 Mahigda kami nga naaawod,Ngan tatabonan kami han amon kaalohan,Kay nakasala kami kan Jehova nga amon Dios,+Kami ngan an amon mga amay tikang ha amon pagkabatan-on tubtob yana,+Ngan waray kami sumugot kan Jehova nga amon Dios.”
Mga footnote
^ Lit., “hin Arabiano.”
^ Lit., “Nagin imo an agtang.”
^ O “an iya kalag.”
^ Lit., “Diri magmumud-ot an akon nawong.”
^ Lit., “nga nagpasarang han imo mga dalan.”
^ O “ha iba nga mga dios.”
^ O posible nga “iyo bana.”
^ Lit., “akon kasingkasing.”
^ Lit., “han mga kasundalohan han mga nasud.”
^ Lit., “kaupod.”
^ O “makaarawod nga dios.”
