Yobu 40:1-24

  • Maulizo mengine yenye Yehova anauliza (1-24)

    • Yobu anakubali kama hana neno la kusema (3-5)

    • “Je, utatilia mashaka haki yangu?” (8)

    • Mungu anaeleza juu ya nguvu za Behemoti (15-24)

40  Yehova akaendelea kumujibu Yobu:   “Je, mutu mwenye kutafuta-tafuta makosa anapaswa kushindana na Mweza-Yote?+ Mwenye anataka kumukaripia Mungu ajibu.”+  Yobu akamujibu Yehova:   “Angalia! Mimi niko mutu wa bure kabisa.+ Nitakujibu nini? Ninatia mukono wangu juu ya kinywa changu.+   Niliongea mara moja, lakini sitajibu tena;Mara mbili, lakini sitasema neno lingine.”  Kisha Yehova akamujibu Yobu katika zoruba yenye upepo mukali:+   “Tafazali, ujitayarishe kama mwanaume;Nitakuuliza maulizo, na wewe uniambie.+   Je, utatilia mashaka haki yangu?* Je, utanihukumu kuwa muovu ili wewe ukuwe na haki?+   Je, uko na mukono wenye nguvu kama wa Mungu wa kweli,+Ao je, sauti yako inaweza kunguruma kama yake?+ 10  Tafazali, ujipambe, kwa utukufu na ukubwa;Ujivalishe heshima na uzuri. 11  Mwanga kasirani yako kali;Angalia kila mutu mwenye majivuno, na umushushe chini. 12  Angalia kila mutu mwenye majivuno, na umunyenyekeze,Na ukanyange waovu kwenye wanasimama. 13  Ufiche wote katika mavumbi;Uwafungie* katika mahali kwenye kufichwa, 14  Halafu hata mimi nitakubali mbele yako*Kwamba mukono wako wa kuume unaweza kukuokoa. 15  Angalia sasa, huyu ni Behemoti,* mwenye niliumba kama vile nilikuumba wewe. Yeye anakula majani kama ngombe-dume. 16  Angalia nguvu zenye kuwa katika viuno vyakeNa nguvu zenye kuwa katika mishipa ya tumbo lake! 17  Anakaza mukia wake kama mwerezi;Mishipa ya mapaja yake imesukwa pamoja. 18  Mifupa yake ni kama mianzi* ya shaba;Miguu yake ni fito za chuma. 19  Yeye ni wa kwanza kati ya* kazi za Mungu;Ni Muumbaji wake tu ndiye mwenye anaweza kumukaribia na upanga wake. 20  Kwa maana milima inazaa chakula kwa ajili yake,Mahali wanyama wote wa pori wanacheza. 21  Analala chini ya miti ya yungiyungi,Katika maficho ya matete ya tingitingi. 22  Miti ya yungiyungi inamufunika kwa kivuli,Na mierebi ya bonde* inamuzunguka. 23  Kama muto unakuwa na musukosuko, yeye hashituke. Haogope, hata kama maji ya Yordani+ yanajimwanga kwenye kinywa chake. 24  Je, kuko mutu mwenye anaweza kumukamata akiwa macho,Ao kumutoboa pua kwa ndoano?*

Maelezo ya Chini

Ao “Je, utafanya haki yangu kuwa bure?”
Tnn., “Ufunge nyuso zao.”
Ao “nitakupongeza.”
Pengine ni kiboko.
Ao “mabomba, mirija.”
Tnn., “Yeye ni mwanzo wa.”
Ao “bonde la muto.”
Tnn., “mutego.”