Yobu 36:1-33

  • Elihu anatukuza ukubwa wa Mungu wenye hauwezi kuchunguzwa (1-33)

    • Wenye kutiii wanakuwa na maisha ya muzuri; wenye hawamuogope Mungu wanakataliwa (11-13)

    • ‘Ni mwalimu gani anaweza kufundisha kama Mungu?’ (22)

    • Yobu anapaswa kumutukuza Mungu (24)

    • “Mungu ni mukubwa kuliko namna tunaweza kujua” (26)

    • Mungu anaongoza mvua na umeme wa radi (27-33)

36  Elihu akaendelea kusema:   “Univumilie kidogo wakati ninaendelea kueleza,Kwa maana ningali na maneno ya kusema kwa ajili ya Mungu.   Nitasema mingi juu ya mambo yenye ninajua,Na nitamutangaza Mutengenezaji wangu kuwa mwenye haki.+   Kwa kweli maneno yangu hayako ya uongo;Ule Mwenye kuwa mukamilifu katika ujuzi+ iko* hapa mbele yako.   Kwa kweli, Mungu ni mwenye nguvu+ na hakatae mutu yeyote;Yeye ni mukubwa katika nguvu zake za uelewaji;*   Hatalinda uzima wa watu waovu,+Lakini anapatia watu wenye kuteseka haki.+   Yeye haondoe macho yake juu ya watu wenye haki;+Anawaweka juu ya viti vya ufalme pamoja na wafalme,*+ nao wanatukuzwa milele.   Lakini kama wamefungwa kwa pinguNa kukamatwa katika kamba za mateso,   Anawafunulia mambo yenye wamefanya,Makosa yenye walitenda kwa sababu ya kiburi chao. 10  Anafungua masikio yao ili yasikie karipioNa anawaambia waache kutenda maovu.+ 11  Kama wanatii na kumutumikia yeye,Wataishi siku zao zote katika hali ya muzuri,Na miaka yao itakuwa yenye kupendeza.+ 12  Lakini kama hawatii, wataharibiwa kwa upanga*+Na watakufa bila ujuzi. 13  Watu wenye hawamuogope Mungu* katika moyo wao wataweka kinyongo. Hawalilie musaada hata wakati anawafunga. 14  Wanakufa* wakati wangali vijana,+Wanapitisha* maisha yao kati ya makahaba wanaume wa hekalu.+ 15  Lakini Mungu* anaokoa watu wenye kuteseka katika mateso yao;Anafungua sikio lao wakati wanakandamizwa. 16  Anakuokoa wakati unakaribia kuingia katika taabu+Na kukupeleka mahali kwenye nafasi kubwa, kwenye hakuna kizuizi,+Kwenye meza yenye chakula kingi kizuri ili kukufariji.+ 17  Kisha utatosheka na hukumu yenye itapata watu waovu,+Wakati hukumu itatolewa na haki kutetewa. 18  Lakini ukuwe muangalifu ili kasirani isikufanye ukuwe na chuki,*+Na usiruhusu rushwa* kubwa ikupotoshe. 19  Je, kilio chako cha kuomba musaadaAo bidii yako nyingi inaweza kukuzuia usipatwe na taabu?+ 20  Usitamani usiku,Wakati watu wanaangamia kutoka mahali pao. 21  Ukuwe muangalifu kwamba usigeuke ili kufanya maovu,Kwa kuchagua maovu pahali pa mateso.+ 22  Angalia! Mungu ni mwenye kuinuliwa katika nguvu zake;Ni mufundishaji gani iko* kama yeye? 23  Ni nani ameongoza* njia yake+Ao kumuambia, ‘Jambo lenye umefanya ni kosa’?+ 24  Usisahau kutukuza matendo yake,+Yenye wanadamu wameimba.+ 25  Wanadamu wote wameyaona,Mwanadamu mwenye anaweza kufa ameyaangalia kwa mbali. 26  Ndiyo, Mungu ni mukubwa kuliko namna tunaweza kujua;+Hatuwezi hata kidogo kuelewa* hesabu ya miaka yake.+ 27  Anakusanya juu matone ya maji;+Yanagandamana katika kunguku yake na kufanyiza mvua; 28  Kisha mawingu yanamwanga maji hayo chini;+Yananyesha kwa wingi juu ya wanadamu. 29  Je, mutu anaweza kuelewa namna mawingu yametandikwa,*Mungurumo wa radi kutoka katika hema yake?*+ 30  Ona namna anasambaza juu yake umeme wake wa radi*+Na kufunika sehemu za chini kabisa za* bahari. 31  Kupitia njia hizo anatunza* vikundi vya watu;Na kuwapatia chakula kwa wingi.+ 32  Anafunika umeme wa radi kwa mikono yake,Na anaiongoza ili ipige shabaha yake.+ 33  Mungurumo wa radi yake unaeleza habari juu yake,Hata mifugo inaeleza mwenye anakuja.*

Maelezo ya Chini

Ao “eko.”
Tnn., “moyo wake.”
Ao pengine, “Anaweka wafalme juu ya viti vya ufalme.”
Ao “kwa silaha.”
Ao “Waasi-imani.”
Ao “Nafsi zao zinakufa.”
Ao pengine, “Wanamalizia.”
Tnn., “Yeye.”
Ao “upige mikono kwa zarau.”
Ao “kata-midomo.”
Ao “eko.”
Ao pengine, “amemulaumu; amemuomba atoe hesabu kuhusu.”
Ao “kuchunguza.”
Ao “tabaka za mawingu.”
Tnn., “kibanda chake.”
Tnn., “mwangaza wake.”
Tnn., “mizizi ya.”
Ao pengine, “anatetea kesi ya hukumu ya.”
Ao pengine, “kitu chenye kinakuja.”