Yobu 24:1-25
24 “Sababu gani Mweza-Yote haweke wakati?+
Sababu gani wale wenye kumujua hawaone siku yake?*
2 Watu wanasogeza alama za mipaka;+Wanaiba makundi kwa ajili ya malisho yao.
3 Wanafukuzia mbali punda wa watoto wenye hawana babaNa wananyanganya ngombe-dume wa mujane kusudi akuwe kitu chenye kinawekeshwa kwa ajili ya mukopo.+
4 Wanasukuma maskini waondoke katika barabara;Watu wazaifu wa dunia wanalazimika kujificha mbali nao.+
5 Maskini wanatafuta chakula kama punda wa pori+ katika jangwa;Wanatafutia watoto wao chakula katika jangwa.
6 Wanalazimika kuvuna katika mashamba ya wengine*Na kuokota masalio katika shamba la mizabibu la waovu.
7 Wanalala usiku wakiwa uchi, bila nguo;+Hawana kitu cha kujifunika wakati wa baridi.
8 Wanalowanishwa na mvua ya milima;Wanashikamana sana na miamba kwa sababu ya kukosa mahali pa kujificha.
9 Mutoto mwenye hana baba anaondolewa kwa nguvu kwenye maziwa ya mama yake;+Na nguo za maskini zinakamatwa ili zikuwe kitu chenye kinawekeshwa kwa ajili ya mukopo,+
10 Wanawalazimisha kutembea uchi, bila nguo,Na wakiwa na njaa, wakati wanabeba mafungu ya nafaka.
11 Wanafanya kazi ya jasho kati ya kuta za matuta wakati wa joto;*Wanakanyanga vikamulio vya divai, lakini wanabakia na kiu.+
12 Wenye kuwa karibu kufa wanaendelea kulia kwa maumivu katika muji;Wenye waliumizwa sana wanalilia* musaada,+Lakini Mungu haone kama hilo ni kosa.*
13 Kuko wale wenye wanakataa mwangaza;+Hawatambue njia zake,Na hawafuate barabara zake.
14 Muuaji anaamuka asubui sana;Anaua watu wenye hawana uwezo na maskini,+Na wakati wa usiku anafanya kazi ya kuiba.
15 Jicho la muzinifu linangojea mangaribi wakati giza linaanza,+Anasema, ‘Hakuna mwenye ataniona!’+
Na anafunika uso wake.
16 Wanavunja* nyumba wakati wa giza;Muchana wanajifungia ndani.
Hawajue mwangaza ni nini.+
17 Kwa maana wanaona asubui kuwa sawa na giza nzito;Wanajua vitu vyenye kuogopesha vya giza nzito.
18 Lakini wanabebwa kwa vyepesi na maji.*
Sehemu yao ya inchi italaaniwa.+
Hawatarudia kwenye mashamba yao ya mizabibu.
19 Kama vile ukame na joto vinakausha teluji* yenye kuyeyuka,Ni vile pia Kaburi* linachukua wenye wametenda zambi!+
20 Mama yake atamusahau;* na funza* atafanya karamu juu yake.
Hatakumbukwa tena.+
Na ukosefu wa haki utavunjwa kama vile muti.
21 Anatesa mwanamuke tasa,Na anamutendea mubaya mujane.
22 Mungu* atatumia nguvu zake ili kuharibu wenye nguvu;Hata wakisimama, hawana uhakika wa kuishi.
23 Mungu* anawaacha wajitumainie na kujisikia salama,+Lakini macho yake yako juu ya matendo yao yote.*+
24 Wanatukuzwa kwa wakati mufupi, kisha hawako tena.+
Wanashushwa chini+ na kukusanywa kama watu wengine;Wanakatwa kama vichwa vya nafaka.
25 Sasa ni nani anaweza kuonyesha kama mimi niko muongoAo kupinga maneno yangu?”
Maelezo ya Chini
^ Ni kusema, siku yake ya hukumu.
^ Ao pengine, “wanavuna chakula cha mifugo katika shamba.”
^ Ao pengine, “Wanakamua mafuta kati ya kuta za matuta.”
^ Ao “Nafsi za wenye waliumizwa sana zinalilia.”
^ Ao pengine, “Mungu halaumu mutu yeyote kuwa muovu.”
^ Tnn., “Wanatoboa.”
^ Tnn., “Yeye ni mwepesi juu ya uso wa maji.”
^ Ao “neige.”
^ Ao “Sheoli,” ni kusema, kaburi la wanadamu wote. Angalia Maana ya Maneno.
^ Tnn., “Tumbo la uzazi litamusahau.”
^ Ao “muvunyu.”
^ Tnn., “Yeye.”
^ Tnn., “Yeye.”
^ Tnn., “juu ya njia zao.”
