Yobu 28:1-28

  • Yobu anaonyesha tofauti kati ya hazina za dunia na hekima (1-28)

    • Bidii za wanadamu za kuchimba majiwe yenye samani (1-11)

    • Hekima iko na samani kubwa kuliko lulu (18)

    • Kumuogopa Yehova ndiyo hekima ya kweli (28)

28  “Kuko mahali pa kuchimba fezaNa mahali pa zahabu yenye wanasafisha;+   Chuma kinatoshwa katika udongo,Na shaba inayeyushwa* kutoka katika miamba.+   Mwanadamu anashinda giza;Anachunguza sana ndani ya weusi na giza,Akitafuta jiwe lenye samani.*   Anachimba shimo mbali na makao ya watu,Mahali kwenye kumesahauliwa, mbali na mahali kwenye watu wanatembea;Watu fulani wanashuka ndani ya shimo na wanayumba-yumba wakiwa wenye kuninginia.   Chakula kinakomaa juu ya udongo;Lakini kule chini, kuko musukosuko kama wa moto.*   Katika majiwe hayo kuko yakuti,Na mavumbi yake yako na zahabu.   Hakuna ndege mwenye kuwinda mwenye anajua njia ya kuenda kule;Jicho la mwewe mweusi halijaiona.   Wanyama wa pori wenye nguvu hawajakanyanga juu yake;Mwana-simba hajatembea kule kwa kuvizia-vizia.   Mwanadamu anagonga mwamba mugumu kwa mukono wake;Anapindua milima kwenye misingi yake. 10  Anachimba mifereji ya maji+ ndani ya mwamba;Macho yake yanaona kila kitu chenye samani. 11  Anafunga chemchemi za mitoNa analeta kwenye mwangaza kitu chenye kufichwa. 12  Lakini hekima—inaweza kupatikana wapi,+Na chanzo cha uelewaji kiko wapi?+ 13  Hakuna mwanadamu mwenye anajua samani yake,+Na haipatikane katika inchi ya wazima. 14  Maji yenye kuenda chini sana yanasema, ‘Haiko ndani yangu!’ Na bahari inasema, ‘Haiko ndani yangu!’+ 15  Haiwezi kununuliwa kwa zahabu safi;Wala feza haiwezi kupimwa kuwa bei yake.+ 16  Haiwezi kununuliwa kwa zahabu ya Ofiri+Wala kwa majiwe ya shohamu na yakuti yenye kuwa vigumu kupatikana. 17  Zahabu na kioo haviwezi kulinganishwa nayo;Wala chombo chochote cha zahabu safi* hakiwezi kubadilishwa nayo.+ 18  Marijani na fuwele havistahili kutajwa,+Kwa maana mufuko wenye kujaa hekima ni wenye samani kubwa kuliko mufuko wenye kujaa lulu. 19  Topazi+ ya Kushi haiwezi kulinganishwa nayo;Haiwezi kununuliwa hata kwa zahabu safi. 20  Lakini hekima inatoka wapi,Na ni nini chanzo cha uelewaji?+ 21  Imefichwa mbali na macho ya kila kiumbe chenye uzima+Na kufichwa mbali na ndege wa mbinguni. 22  Uharibifu na kifo vinasema,‘Masikio yetu yamesikia tu habari zake.’ 23  Mungu anaelewa njia ya kuipata;Yeye peke yake ndiye anajua kwenye inakaa,+ 24  Kwa maana yeye anaangalia mupaka kwenye miisho ya dunia,Na anaona kila kitu chini ya mbingu.+ 25  Wakati aliweka nguvu* ya upepo+Na kupima maji,+ 26  Wakati aliweka sheria kwa ajili ya mvua+Na kuweka njia kwa ajili ya wingu la zoruba yenye kunguruma,+ 27  Kisha aliona hekima na kuifasiria;Aliisimamisha na kuipima. 28  Na alimuambia mwanadamu: ‘Angalia! Kumuogopa Yehova—ndiyo hekima,+Na kuacha ubaya ni uelewaji.’”+

Maelezo ya Chini

Tnn., “inamwangwa.”
Tnn., “jiwe.”
Inaonekana kwamba maneno haya yanahusu uchimbaji wa majiwe yenye samani.
Ao “yenye ilisafishwa.”
Tnn., “uzito.”