Psalm 29:1-11

Wan singi fu David. 29  Prèise Yehovah, un manpikin fu den trangawan.Prèise Yehovah gi a glori nanga a makti fu en.+   Prèise Yehovah gi a glori di en nen abi.+Weri santa krosi, dan yu boigi gi Yehovah.+   A sten fu Yehovah de fu yere na tapusei fu den wolku.+A bigi Gado+ srefi meki dondru bari.+Yehovah de na tapusei fu den dungru alenwolku.+   A sten fu Yehovah krakti.+A sten fu Yehovah moi pasa marki.+   A sten fu Yehovah e koti den sedrebon trowe.Iya, Yehovah e broko den sedrebon fu Libanon pisipisi.+   A e meki den dyompodyompo lontu leki pikin kaw.+A e meki Libanon nanga Sirion+ dyompodyompo lontu leki den pikin fu den mankaw fu a sabana.   A sten fu Yehovah e meki faya koti na hemel.+   A sten fu Yehovah e drai a sabana tapu.+Yehovah e drai Kades-sabana+ tapu.   A sten fu Yehovah e meki den dia skreki so te, taki den e bigin meki pikin+Èn a e koti wan heri busi trowe.+Ala sma di de na ini a tempel fu en e taki: „Gi Gado glori!”+ 10  Yehovah na a basi fu a bigi frudu.+Yehovah e tiri leki Kownu fu ala ten.+ 11  Na Yehovah srefi o gi en pipel krakti.+Na Yehovah srefi o blesi en pipel. A o meki sani waka bun gi den.+

Futuwortu