Psalm 71:1-24
71 Yehovah, na yu mi lon kon fu kisi kibri.+No meki mi kisi syen noiti.+
2 Yu na wan Gado fu retidu. Sobun, frulusu mi èn kibri mi.+Poti yesi arki mi èn yepi mi.+
3 Kon de gi mi wan fortresi di de na tapu wan stonbergi pe mi kan go kibri na ini ibri leisi baka.+Taigi sma fu kon yepi mi,+Bika yu na mi stonbergi èn mi fortresi.+
4 Mi Gado, puru mi na a anu fu den ogri sma.+Puru mi na a anu fu den sma di e du kruktu sani èn di e pina mi.+
5 Moro Hei Masra Yehovah, na yu e gi mi howpu.+ Na tapu yu mi e frutrow sensi di mi yongu.+
6 Na tapu yu mi frutrow sensi di mi komoto na ini mi mama bere.+Yu na a sma di puru mi na ini a bere fu mi mama.+Na yu mi e prèise ala ten.+
7 Furu sma fruwondru di den si san pasa nanga mi.+Ma yu na mi tranga fortresi.+
8 Nanga mi eigi mofo mi wani prèise yu.+Heri dei mi wani gi yu glori.+
9 No trowe mi gowe te mi kon owru.+No gowe libi mi te mi e kon swaki.+
10 Mi feanti e taki mi tori+Èn den sma di e suku fu kiri mi, kon makandra fu taki san den o du nanga mi.+
11 Den e taki: „Gado gowe libi en.+Hari go na en baka èn grabu en, fu di nowan sma de fu yepi en.”+
12 Gado, no tan farawe fu mi.+Mi Gado, mi e begi yu, kon yepi mi esi-esi.+
13 Meki den sma di e gens mi kisi syen èn meki den lasi libi.+Meki sma spotu den wan di wani taki ogri miti mi èn meki den fesi fadon.+
14 Ma mi fu mi sei, o wakti yu ala ten baka,+Èn mi o prèise yu moro ete.
15 Mi eigi mofo o taki fu den reti sani di yu du.+Heri dei mi o taki fa yu frulusu mi,+Bika mi no man teri omeni leisi yu frulusu mi.+
16 Moro Hei+ Masra Yehovah, mi o go fruteri sma fu a bigi makti fu yu.+Mi o fruteri den fu a retidu fu yu, iya, a retidu fu yu wawan.+
17 Mi Gado, yu gi mi leri sensi di mi yongu+Èn te now ete mi e fruteri sma fu den bigi sani di yu du.+
18 Mi Gado, mi e begi yu, awinsi mi kon owru èn awinsi ala mi ede-wiwiri kon weti, no gowe libi mi.+Gi mi na okasi fosi fu fruteri den sma di musu kon ete fu a makti fu yu,+Iya, gi mi na okasi fosi fu fruteri ala den sma di musu kon ete, fu a bigi makti fu yu.+
19 Gado, a retidu fu yu bigi so te, taki a e doro te na hemel.+Mi Gado, yu du furu bigi sani.+Suma de leki yu?+
20 Yu gi pasi taki furu nowtu nanga ogri miti mi.+Mi e begi yu fu gi mi krakti baka.+Puru mi baka na ini den dipi watra pe mi de na ini.+
21 Meki mi kisi moro grani.+Lontu mi èn trowstu mi.+
22 Mi o prèise yu tu nanga wan pokusani di gersi harpu,+Fu di yu na wan sma di e taki san tru, mi Gado.+Santawan fu Israel, mi o prei harpu fu prèise yu.+
23 Te mi e firi fu singi prèisesingi gi yu, mi mofobuba o bari fu prisiri.+Iya, mi o bari fu prisiri, fu di yu kibri mi libi.+
24 Heri dei mi o taki fu a retidu fu yu nanga wan safri sten,+Bika den sma di e suku fu du mi ogri, kisi syen èn den fesi fadon.+
