Psalm 18:1-50
Gi a fesiman fu den pokuman. Wan singi di Yehovah en futuboi David ben singi gi Yehovah na a dei di Yehovah frulusu en fu na anu fu ala den feanti fu en èn fu na anu fu Saul.+ David ben singi:
18 Yehovah, mi krakti,+ mi o sori taki mi lobi yu.
2 Yehovah na mi bigi ston èn mi fortresi. En na mi Frulusuman.+ Mi Gado na mi stonbergi. Na en mi o lon go kibri.+ En na mi skelt. Iya, en na a wan di e frulusu mi nanga en krakti.* A de wan bergi pe mi kan go kibri.+
3 Na Yehovah na a sma di musu kisi glori. Mi o kari en+Èn a o kibri mi gi den feanti fu mi.+
4 Den titei fu dede ben tai mi hori.+Leki bigi frudu, den wisiwasi man ben e kon na mi tapu tu fu frede mi doronomo.+
5 Den titei fu Grebi* ben tai mi hori.+Dede ben seti trapu gi mi.+
6 Di mi ben de na nowtu, mi tan kari Yehovah.Iya, mi tan kari mi Gado fu a yepi mi.+A ben de na ini en tempel di a yere mi sten.+A yere fa mi kari en fu a yepi mi.+
7 Ne grontapu bigin seki èn a bigin beifi.+Srefi den fondamenti fu den bergi bigin seki.+Den tan seki go-kon, fu di Gado ati ben e bron.+
8 Smoko ben e komoto na en noso-olo èn a faya di ben e komoto na en mofo, ben e bron ala sani di ben de na en pasi.+Faya krofaya ben e sutu komoto na en.
9 Ne a beni hemel go na ondro, dan a saka kon.+Na ondro en futu, ala sani ben dungru pikapika.
10 A rèi kon na tapu wan kerub-engel èn a frei kon.+A kon esi-esi na tapu den frei fu wan yeye.+
11 Dan a meki dungru kon tron wan kibripe gi en.+Dungru ben tapu en lontu, neleki wan tentiDi meki fu blaka wolku di lai nanga watra.+
12 A brenki leti di ben de lontu en, meki taki, yu ben kan si fa den wolku fu en ben e pasa+Èn fa pisipisi ijs nanga krofaya di ben e bron ben e fadon komoto fu hemel.+
13 Dan Yehovah meki dondru bari na hemel.+A Moro Heiwan bigin meki sma yere en sten+Èn pisipisi ijs nanga krofaya di ben e bron, fadon komoto fu hemel.
14 A tan seni en peiri kon na tapu den feanti fu mi, fu panya den go na ala sei.+A meki faya koti na hemel fu bruya den.+
15 A gron di ben tapu nanga watra ben kon de fu si+Èn den fondamenti fu grontapu ben kon de fu si,+Yehovah, di yu piri-ai gi den, iya, di wan tranga winti komoto na ini yu noso-olo.+
16 Komoto fu hemel a langa en anu fu hori mi.+A hari mi puru na ini bigi watra.+
17 A puru mi na ini na anu fu a tranga feanti fu mi+Èn fu den wan di abi bita-ati gi mi, fu di den ben tranga moro mi.+
18 Na a dei di problema miti mi, den tan suku fu du mi ogri,+Ma Yehovah ben e horibaka gi mi.+
19 Dan a tyari mi go na wan presi pe mi ben kan de fri.+A frulusu mi, fu di a ben lobi mi.+
20 Yehovah e pai mi fu a reti fasi fa mi e tyari misrefi.+A e pai mi, fu di mi ati krin,+
21 Bika ala ten mi waka den pasi fu Yehovah.+Mi no du ogri, nôno, mi no gowe libi mi Gado.+
22 Ala den krutubosroiti fu en de leti na mi fesi.+Mi no o poti den komando fu en na wan sei.+
23 Mi o tyari misrefi na wan fasi di a feni bun.+Mi o sorgu taki mi tyari misrefi na wan reti fasi.+
24 Meki Yehovah pai mi fu a reti fasi fa mi e tyari misrefi+Èn fu di mi ati krin.+
25 Te sma e tai hori na yu, dan yusrefi o tai hori na den.+Te wan man e tyari ensrefi na wan reti fasi, dan yu o du sani gi en na wan reti fasi tu.+
26 Te sma e libi wan krin libi, dan yu o meki den kon sabi yu leki wan Gado di krin.+Te sma e du kruktudu, dan yu o sori taki yu koni moro den.+
27 Yu e frulusu den mofina sma.+Ma yu e lagi den sma di abi heimemre.+
28 Yehovah, na yu o leti mi lampu.+Na a Gado fu mi o meki leti skèin gi mi te mi de na dungru,+
29 Bika na yu e meki taki mi man lon go feti nanga ogri-ati fufuruman.+Na mi Gado e meki taki mi man kren wan skotu.+
30 A pasi fu a tru Gado bun dorodoro.+Yehovah e taki sani di soifri.+A de wan skelt gi ala sma di e suku kibri na en.+
31 Sortu Gado de, boiti Yehovah+Èn suma na wan stonbergi, boiti wi Gado?+
32 Leki wan banti di tai na mi mindribere, na so a tru Gado e gi mi krakti+Èn a o meki a pasi fu mi kon bun dorodoro.+
33 A e meki mi futu kon gaw leki den di fu dia.+Te mi de na presi di hei tumusi gi mi, dan na en e hori mi tanapu.+
34 A e leri mi fa fu feti.+Nanga mi anu mi beni wan kopro bo go na gron.+
35 Yu o gi mi yu skelt fu frulusu mi.+Yu reti-anu o horibaka gi mi.+Na a sakafasi fu yu o meki mi kon bigi.+
36 Yu o meki wan bradi pasi gi mi fu mi waka na tapu.+Mi aifutu no o degedege srefisrefi.+
37 Mi o lon go na baka den feanti fu mi fu kiri denÈn mi no o drai kon baka, solanga mi no kiri den alamala.+
38 Mi o broko den pisipisi, so taki den no o man opo tanapu moro.+Den o fadon èn mi o trapu na den tapu.+
39 Leki wan banti di tai na mi mindribere, na so yu o gi mi krakti fu go na feti.Yu o meki den wan di opo densrefi teige mi, fadon na mi futusei.+
40 Yu o meki den feanti fu mi lon gi mi.+Mi o tapu a mofo fu den wan di abi bita-ati gi mi.+
41 Den e bari suku yepi, ma nowan sma no de fu frulusu den.+Den e bari kari Yehovah, ma te yu luku en bun, a no e piki den.+
42 Mi o stampu den kon tron leki a fini doti di winti e wai gowe.+Mi o kanti den trowe, leki a tokotoko di de na mindri strati.+
43 Yu o frulusu mi te a pipel e krutu mi.+Yu o meki mi tron na edeman fu difrenti pipel.+Wan pipel di mi no ben sabi, o dini mi.+
44 Na yere sma o yere fu mi nomo, dan den o gi yesi na mi kaba.+Srefi trakondre sma o kroipi kon na mi.+
45 Den trakondre sma o lasi gowe.Beifibeifi den o komoto na ini den fortresi fu den.+
46 Yehovah na wan libilibi Gado.+ Blesi fu a Stonbergi fu mi.+Prèise a Gado di e frulusu mi.+
47 A tru Gado na a sma di e pai den feanti fu mi baka gi den ogri di den e du nanga mi.+En na a wan di e meki sma saka densrefi na mi ondro.+
48 Na en e frulusu mi te mi feanti ati e bron nanga mi.+Yu o opo mi moro hei leki den wan di opo densrefi teige mi.+Yu o puru mi na ini na anu fu a man di e du ogri.+
49 Yehovah, na fu dati ede mi o prèise yu na mindri den pipel.+Mi o singi fu prèise yu nen.+
50 Gado na a sma di du bigi wondru fu frulusu a kownu fu en+Èn ala ten a e sori a salfuwan fu en, bun-ati.+Iya, gi David nanga den bakapikin fu en.+
