Psalm 20:1-9
Gi a fesiman fu den pokuman. Wan singi fu David.
20 Meki Yehovah piki yu te yu de na nowtu.+Meki a nen fu a Gado fu Yakob kibri yu.+
2 Meki a seni yepi gi yu komoto fu a santa presi+Èn meki wan sma komoto na Sion fu horibaka gi yu.+
3 Meki a memre den ofrandi di yu tyari gi en+Èn meki a teki den fatu bron-ofrandi fu yu.+ Sela.
4 Meki a gi yu ala san yu ati wani+Èn meki a sorgu taki ala sani di yu abi na prakseri fu du, waka bun.+
5 Wi o bari fu prisiri, fu di yu frulusu wi+Èn wi o prèise a nen fu wi Gado.+Meki Yehovah gi yu ala san yu aksi en.+
6 Now mi sabi taki Yehovah e frulusu a salfuwan fu en.+A e piki en komoto fu en santa presi na hemel.+Nanga en reti-anu a e du bigi sani fu kibri en.+
7 Son sma e meki bigi fu den asiwagi fu den. Trawan e meki bigi fu den asi di den abi.+Ma wi o prèise a nen fu Yehovah wi Gado.+
8 Ala den sma di e meki bigi, naki futu èn den fadon.+Ma wi opo èn wi tan tanapu leti-opo.+
9 Yehovah, wi e begi yu, frulusu a kownu!+A o piki wi te wi kari en.+
