Psalm 115:1-18

115  A no wi musu kisi glori, Yehovah, nôno, a no wi.+Ma na yu nen musu kisi glori,+Fu di yu na wan Gado di e sori sma bun-ati, iya, yu e taki san tru.+   Fu san ede den pipel fu grontapu musu taki:+„Pe a Gado fu den de now?”+   Ma a Gado fu wi de na hemel.+Ala san a ben wani du, na dati a du.+   Den popki fu den na fu solfru nanga gowtu,+Sani di libisma anu meki.+   Den abi mofo, ma den no man taki.+Den abi ai, ma den no man si.+   Den abi yesi, ma den no man yere.+Den abi noso, ma den no man smeri.+   Den abi anu, ma den no man firi.+Den abi futu, ma den no man waka.+Nowan babari man komoto na ini den gorogoro.+   Den sma di e meki den, o kon de neleki den.+Na dati o pasa nanga ala den sma di e frutrow na den tapu.+   Israel, frutrow na tapu Yehovah.+En na a yepiman fu yu èn a de a skelt fu yu.+ 10  Un sma fu Aron, frutrow na tapu Yehovah.+En na a yepiman fu unu èn a de a skelt fu unu.+ 11  Unu di abi lespeki gi Yehovah, frutrow na tapu Yehovah.+En na a yepiman fu unu èn a de a skelt fu unu.+ 12  Yehovah srefi prakseri wi. A o blesi wi.+Iya, a o blesi den Israelsma+Èn a o blesi den sma fu Aron.+ 13  Yehovah o blesi den sma di abi lespeki gi en,+Iya, den yonguwan nanga den owruwan.+ 14  Yehovah o meki unu kon tron wan bigi pipel,+Iya, unu nanga den pikin fu unu.+ 15  Unu na den wan di Yehovah blesi.+En na a Mekiman fu hemel nanga grontapu.+ 16  Hemel na fu Yehovah,+Ma grontapu a gi na libisma.+ 17  Den dedewan no man prèise Yah.+Nôno, nowan sma di de na ini grebi, man du dati.+ 18  Ma wi o prèise Yah+Now èn fu ala ten.+Prèise Yah, un pipel!+

Futuwortu