Psalm 111:1-10
111 Prèise Yah, un pipel!+
א [Alef]Nanga mi heri ati mi o prèise Yehovah+
ב [Bet]Te mi de nanga den reti-ati sma di de krosibei+ fu en èn di kon na wán.+
ג [Gimel]
2 Yehovah e du bigi sani+
ד [Dalet]Èn ala sma di e prisiri nanga den sani di a du, e prakseri dipi fu den.+
ה [He]
3 Den sani di a e du,+ a e du nanga wartifasi èn nanga glori.+
ו [Waw]Fu têgo a e du san reti.+
ז [Sayin]
4 Fu ala ten a o meki sma memre den bigi sani di a du.+
ח [Ket]Yehovah na wan Gado di abi sari-ati nanga switifasi.+
ט [Tet]
5 A gi nyanyan na den sma di abi bigi lespeki gi en.+
י [Yod]Fu ala ten a o prakseri a frubontu fu en.+
כ [Kaf]
6 Nanga den sani di a du, a meki en pipel kon sabi a bigi krakti fu en,+
ל [Lamed]Di a gi den a kondre fu den trakondre sma leki gudu.+
מ [Mem]
7 Den sani di a e du, na sani di tru èn di reti.+
נ [Nun]Sma kan frutrow ala den komando di a e gi.+
ס [Samek]
8 Fu ala ten den komando no sa kenki.+
ע [Ayin]Den e sori taki en na wan Gado fu retidu, wan Gado di e taki san tru.+
פ [Pe]
9 Ensrefi du wan sani fu frulusu en pipel.+
צ [Tsade]A meki wan frubontu di musu tan ala ten.+
ק [Kof]A nen fu en santa èn sma musu abi bigi lespeki gi a nen disi.+
ר [Resj]
10 Bigi lespeki gi Yehovah na a bigin fu koni.+
ש [Sin]Ala sma di e hori den komando fu en, e frustan sani krin.+
ת [Taw]Fu têgo sma musu prèise en.+
