Psalm 109:1-31

Gi a fesiman fu den pokuman. Wan psalm fu David. Wan singi. 109  Mi Gado di mi e prèise,+ mi e begi yu, no tan tiri,+   Bika den ogri sma nanga den bedrigiman opo den mofo fu taki ogri fu mi.+Den opo den mofo fu taki lei fu mi.+   Doronomo den e taki sani fu mi, fu di den abi bita-ati gi mi.+Den e tan feti nanga mi, aladi mi no du den noti.+   Mi e sori taki mi lobi den. Toku den e tan gens mi.+Ma mi fu mi sei e tan begi Gado.+   Den e pai mi ogri fu bun+Èn den abi bita-ati gi mi, aladi mi sori taki mi lobi den.+   Poti wan ogri sma leki basi fu den ogriwan.Meki wan gensman+ tanapu na en reti-anusei fu krutu en.   Te den krutu en, dan meki ala sma kon sabi taki en na wan ogriman.+Meki a begi fu en tron wan sondu.   Meki den dei fu en kon syatu.+Meki wan tra sma teki a wroko fu en leki fesiman.+   Meki den manpikin fu en tron pikin di no abi papa moro+Èn meki a wefi fu en kon de wan uma di masra dede kaba.+ 10  Iya, den manpikin fu en musu wakawaka lontu.+Den musu tron begiman.Den musu komoto na a brokopresi fu den fu go suku nyanyan.+ 11  Meki a sma di leni na ogriwan moni, seti trapu gi en fu kan teki ala en sani+Èn meki sma di a no sabi,+ fufuru den sani di a wroko tranga fu kisi.+ 12  Nowan sma musu sori en bun-ati+Èn nowan sma musu du bun gi den manpikin fu en di no abi papa. 13  Nowan bakapikin fu en musu tan na libi.+Den nen fu den musu figi puru, so taki nowan sma o man memre den.+ 14  Meki Yehovah memre den fowtu fu den afo fu en.+Den sondu fu en mama,+ no meki Gado figi den puru.+ 15  Meki den sondu disi de na fesi Yehovah doronomo.+Meki a koti den ogri sma puru, so taki nowan sma na grontapu o memre den moro,+ 16  Fu di na ogriwan no ben prakseri fu sori trawan bun-ati.+Na presi fu dati a ben de nomonomo na baka den mofinawan nanga den pôtiman+Èn sosrefi na baka den wan di lasi-ati, soso fu kan kiri den.+ 17  Fu di a ben lobi fluku trawan,+ meki den srefi fluku dati kon na en tapu.+Fu di a no ben lobi blesi trawan,+Meki a no kisi blesi tu.+ 18  Den fluku kon de leki wan krosi na en skin.+Den kon de leki watra na ini en bere+Èn leki oli na ini en bonyo. 19  Meki den fluku kon de leki wan krosi di a domru ensrefi na ini+Èn leki wan banti di tai na en mindribere doronomo.+ 20  Disi na a fasi fa Yehovah o pai den sma di e gens mi+Èn den sma di e taki ogri fu mi.+ 21  Ma yu na Yehovah, a Moro Hei+ Masra.Du bun gi mi, so taki yu nen kan kisi grani.+Frulusu mi, fu di a bun-ati fu yu bigi,+ 22  Bika mi na wan mofina sma èn mi pôti.+Wan sani hati mi so te, taki mi e firi en te na ini mi ati.+ 23  Leki fa wan skaduw e pasa gowe te son e dongo, na so mi abi fu gowe te fu kaba.+Den seki mi puru neleki mi na wan sprenka. 24  Fu di mi tan sondro fu nyan,* meki mi kindi kon swaki.+Mi skin kon mangri èn nowan oli no de na tapu mi skin.+ 25  Den teki mi leki spotupopki.+Te den e si mi, den e bigin seki den ede.+ 26  Ke Yehovah mi Gado, yepi mi.+Frulusu mi, fu di yu na wan Gado di e sori sma bun-ati.+ 27  Na so sma musu kon sabi taki na yu frulusu mi.+Yehovah, den o sabi taki na yu srefi du dati.+ 28  Meki den fu den sei fluku mi.+Ma yu fu yu sei musu blesi mi.+Den opo kon gens mi, ma yu musu meki den kisi syen.+Meki yu futuboi prisiri.+ 29  Meki syen de leki wan krosi na a skin fu den sma di e gens mi.+Meki a syen di den kisi, kon de leki wan dyakti sondro mow pe den domru densrefi na ini.+ 30  Mi o opo mi mofo fu prèise Yehovah ala ten baka.+Na fesi furu sma mi o prèise en,+ 31  Bika a o tanapu na a reti-anusei fu den pôti sma+Fu frulusu den puru na a anu fu den sma di e krutu den soso fu kan kiri den.

Futuwortu

Noso: „faste.” Luku „Moro sani”, nr. 24.