Psalm 138:1-8
Wan psalm fu David.
138 Mi o prèise yu nanga mi heri ati.+Na fesi ala tra gado mi o singi prèisesingi gi yu.+
2 Mi o boigi go na a sei fu a santa tempel fu yu.+Mi o prèise yu nen,+Fu di yu e sori sma bun-ati+ èn yu e taki san tru ala ten.+Den pramisi di meki na ini yu nen+ bigi, ma te den pramisi disi kon tru, dan dati na wan moro bigi sani srefi.+
3 A dei di mi ben bari kari yu, yu piki mi.+Yu gi mi deki-ati èn yu gi mi krakti.+
4 Yehovah, ala den kownu fu grontapu o prèise yu+Te den yere san yu taki.
5 Den o singi fu den sani di Yehovah du,+Bika Yehovah abi bigi glori.+
6 Yehovah hei èn toku a e si den wan di abi sakafasi.+Ma a no wani sabi noti fu den sma di abi bigimemre.+
7 Awinsi mi ben o de na nowtu, toku yu ben o hori mi na libi.+Efu den feanti fu mi ati bron nanga mi, dan yu o langa yu anu fu yepi mi.+Nanga yu reti-anu yu o frulusu mi.+
8 Yehovah o du gi mi ala san a abi na prakseri.+Yehovah, yu bun-ati de fu têgo.+No gowe libi den sani di yu meki nanga yu eigi anu.+
