Psalm 127:1-5
Wan singi fu den wan di e kren go na a foto. Wan psalm fu Salomo.
127 Efu Yehovah srefi no bow na oso,+Dan na fu soso den bowman e wroko tranga fu bow en.+Efu Yehovah srefi no hori wakti gi a foto,+Dan na fu soso a waktiman tan na ai.+
2 Un man, efu Gado srefi no blesi unu, dan na fu soso unu e opo frukufruku mamanten.+Na fu soso unu e sidon te lati neti.+Na fu soso unu e wroko so tranga fu kan feni nyanyan.+Na so a de tu taki Gado e meki den wan di a lobi, sribi switi.+
3 Luku, pikin de a gudu di Yehovah gi yu.+Den pikin di e komoto na ini yu bere, na wan blesi fu en.+
4 Den pikin di yu kisi di yu ben de wan yonkuman ete,+De leki peiri na ini na anu fu wan tranga man.+
5 Koloku fu a man di furu+ en peirikokro nanga den.Den no o firi syen,+Bika den pikin fu den o de na den portu fu taki nanga den feanti fu den.
