Psalm 116:1-19
116 Fu tru mi lobi Yehovah, bika a e arki+Mi sten te mi e begi en.+
2 Iya, a poti yesi arki mi.+Mi heri libi langa, mi o bari kari en.+
3 Den titei fu dede ben tai mi hori.+Sani ben e moro mi so te, taki a ben gersi leki mi ben de na ini Grebi.*+Ibri yuru sani ben e moro mi. Na soso sari mi ben e sari.+
4 Ma dan mi bigin kari a nen fu Yehovah. Mi taki:+„Ke Yehovah, frulusu mi!”+
5 Yehovah abi switifasi èn a de wan Gado fu retidu.+A Gado fu wi na wan sma di abi sari-ati.+
6 Yehovah e kibri den sma di no abi ondrofeni.+Mi ben kon de na bigi nowtu, ma a yepi mi.+
7 Mi taigi misrefi: Drai go baka na a presi pe yu ben e rostu,+Bika Yehovah du bun gi yu.+
8 Yu kibri mi, so taki mi no dede.+Iya, yu kibri mi, so taki mi ai no lon watra èn taki mi no naki futu.+
9 Mi wani waka+ nanga Yehovah na ini den kondre fu den libiwan.+
10 Fu di mi ben bribi Gado,+ meki mi taki.+Mi ben pina srefisrefi.
11 Ma di mi ben kon bruya, mi taki:+„Ibri libisma na wan leiman.”+
12 San mi o pai Yehovah baka+Fu ala bun di a e du gi mi?+
13 Mi o dringi na ini a kan,* so taki mi kan taki en tangi taki a frulusu+ mi.Mi o kari a nen fu Yehovah.+
14 Mi o du gi Yehovah san mi sweri fu du,+Iya, san mi sweri fu du na fesi en pipel.
15 Yehovah e si a dede fu den sma di tai hori na en,Leki wan seryusu sani.+
16 Ke Yehovah,+Mi na yu futuboi.+Mi na yu futuboi, a manpikin fu yu umasrafu.+Yu lusu den banti di ben e tai mi hori.+
17 Na gi yu mi o tyari ofrandi fu taki yu tangi.+Mi o kari a nen fu Yehovah.+
18 Mi o du gi Yehovah san mi sweri fu du,+Iya, san mi sweri fu du na fesi en pipel,+
19 Na ini den dyari lontu na oso fu Yehovah,+Mindrisei fu Yerusalem.+Prèise Yah, un pipel!+
