Psalm 49:1-20
Gi a fesiman fu den pokuman. Wan psalm fu den bakapikin fu Korak.+ Wan singi.
49 Un pipel, un kaka un yesi.+Un alamala di e libi na grontapu,* un poti yesi arki,
2 Iya, ala libisma, a heri libisma famiri,Un guduwan makandra nanga un pôtiwan.+
3 Nanga mi eigi mofo mi o taki koni sani.+Na soso dipi tori mi o sidon prakseri.+
4 Mi o poti yesi arki wan odo.+Mi o prei harpu fu tyari a raitori fu mi kon na krin.+
5 Fu san ede mi musu frede te ogri e miti mi,+Noso te den ogri di mi feanti e du, e lontu mi?+
6 Sma de di e poti den frutrow na ini den sani di den abi+Èn di e dyaf taki den abi bun furu gudu,+
7 Ma nowan fu den kan frulusu wan tra sma, awinsi san den e du+Èn den no man pai Gado fu bai a sma disi kon fri.
8 (A paiman di musu pai fu bai wan sma baka, hei so te,+Taki noiti wan libisma o man pai en.)
9 Den no man pai Gado fu meki a sma libi fu têgo èn fu no meki a go na ini grebi-olo.+
10 Den e si taki srefi den koniwan e dede+Èn taki srefi den donwan nanga den wan di no abi frustan e kisi pori.+Na libi den e libi den gudu fu den na baka gi trawan.+
11 Na ini den ati den e winsi taki den oso fu den kan tan fu ala ten+Èn taki ala den pikin nanga bakapikin fu den kan kisi den tanpe fu den.+Soleki fa den ben nen, na so a gron fu den ben nen tu.+
12 Ma awinsi libisma abi biginen, toku den no man tan na libi fu ala ten.+Fu tru, den de leki meti di sma kiri.+
13 Disi na a pasi di sma e teki te den no abi frustan+Èn den wan di lobi dyaf neleki den, e teki a srefi pasi disi. Sela.
14 Den de leki skapu di sma e tyari go kiri. Den o saka go na ini Grebi.*+Dede o de a skapuman fu den.+Na mamanten den reti-ati sma o basi den+Èn dyonsro a skin fu den o pori gowe.+Na ini Grebi den o tan, na presi taki den o libi na ini oso di moi srefisrefi.+
15 Ma Gado srefi o frulusu mi* puru na ini Grebi, so taki mi tan na libi.+A o sorgu gi mi. Sela.
16 No frede te yu si taki wan trawan e kon gudu,+Noso te na oso fu en e kon moro moi dei fu dei.+
17 Te a dede, a no man tyari noti gowe kwetikweti.+A no o man tyari den gudu fu en go nanga en.+
18 Di a ben de na libi, a ben lobi fu gi ensrefi grani ala ten.+(Sma o prèise yu, fu di sani e waka bun nanga yu.)+
19 Te fu kaba a srefi sani di miti den afo fu en, o miti en tu.+Noiti moro a o si a leti fu dei.+
20 Awinsi libisma abi biginen, ma den no abi frustan,+Toku den de leki meti di sma kiri.+
Futuwortu
^ Luku „Moro sani”, nr. 14
^ Hebrew wortu: syeol. Luku „Moro sani”, nr. 10.
^ Luku „Moro sani”, nr. 8.
