Psalm 73:1-28

Wan singi fu Asaf.+ 73  Fu tru, Gado e du bun gi Israel, iya, gi den wan di ati krin.+   Mi dati, pikinmoro mi futu ben komoto na tapu a pasi.+Pikinmoro mi futu meki mi grati fadon,+   Bika mi ben kon dyarusu na tapu den sma di ben e dyaf.+Mi ben e dyarusu di mi si a switi libi fu den ogri sma.+   Den sma disi no e pina fosi den dede.+Den bere bigi.+   Den no abi den broko-ede di libisma gwenti abi+Èn den no e pina leki fa tra sma e pina.+   Na fu dati ede bigifasi kon de leki wan keti na den neki.+Ogridu kon de leki wan krosi na den skin.+   Den fatu so te, taki den ai fu den pusu kon na doro.+Den kon abi moro leki san den ben prakseri na ini den ati.+   Den e spotu trawan èn na soso ogri sani den e taki.+Den e meki bigi fa den e bedrigi trawan.+   A dyaf di den e dyaf, e doro te na hemel srefi.+Den e waka lontu na grontapu e taki ala sortu sani nanga den tongo.+ 10  Dati meki a e tyari a pipel fu en kon baka.Den e kanti bun furu watra puru gi den. 11  Den taki: „Fa a kan taki Gado sabi a tori?+Fa a du kon taki a Moro Heiwan sabi ala den sani disi?”+ 12  Luku, na so den ogri sma tan. Noiti den abi broko-ede.+Den kon kisi moro gudu.+ 13  Na fu soso mi du muiti fu kon abi wan krin ati.+Na fu soso mi wasi mi anu fu sori taki mi no du noti.+ 14  Heri dei a sani disi ben e moro mi.+Ibri mamanten mi musu taki nanga misrefi fu kan kisi misrefi baka.+ 15  Efu mi ben taki: „Mi o fruteri tra sma a tori disi”,Dan mi no ben o du bun+Nanga den manpikin fu yu. 16  Na so mi tan prakseri a tori disi.+A hati mi, 17  Teleki mi go na ini a gran santa presi fu Gado.+Mi ben wani kon sabi fa sani o waka nanga den bakaten.+ 18  Yu meki den tanapu na wan grati presi.+Yu meki den fadon, so taki den kisi pori.+ 19  Ala sma fruwondru fu si san kon pasa nanga den wantronso.+Den no de moro. Na den ogri di miti den, puru den na pasi wantronso! 20  Yehovah, leki wan dren di wan sma e frigiti te a wiki,+Na so yu o frigiti den tu te yu wiki èn yu o wisiwasi den.+ 21  Mi ben kon abi bita-ati.+Te na ini mi niri mi firi pen.+ 22  Mi no ben man denki krin moro èn mi no ben sabi fa sani ben de trutru.+Gi yu, mi ben kon de leki wan meti di no abi frustan.+ 23  Toku mi de nanga yu doronomo.+Yu grabu mi hori na mi reti-anu.+ 24  Yu o sori mi fa mi musu waka.+Bakaten yu o meki mi kisi glori srefi.+ 25  Suma mi abi na ini hemel, boiti yu?+Boiti yu, nowan sma de na grontapu di e gi mi prisiri.+ 26  Mi heri skin nanga mi ati kon swaki.+Gado na wan stonbergi di mi e frutrow nanga mi heri ati. Fu ala ten, en na a gudu fu mi.+ 27  Luku, den srefi sma di e hori yu na feanti, o dede gowe.+Yu o kiri iniwan sma di e drai baka* gi yu.+ 28  Ma a bun gi mi fu kon krosibei na Gado.+Na a Moro Hei Masra Yehovah mi e si leki mi kibripe.+Dati meki mi o fruteri sma ala san yu du.+

Futuwortu

Noso: „di e tyari ensrefi leki wan sutaman.”