Psalm 22:1-31
Gi a fesiman fu den sma di e prei „Dia fu musudei”-poku. Wan singi fu David.
22 Mi Gado, mi Gado, fu san ede yu gowe libi mi?+Fu san ede yu no kon frulusu mi?+Fu san ede yu no poti prakseri na a tranga babari fu mi?+
2 Mi Gado, heri dei mi e kari yu. Ma yu no e piki mi.+Te neti srefi mi no tapu fu kari yu.+
3 Ma yu de santa.+Na ala sei fu Israel, sma de di e prèise yu.+
4 Na yu den afo fu wi ben e frutrow.+Den frutrow yu èn ibri tron baka yu frulusu den.+
5 Na yu den bari kari+ èn den kisi kibri.+Na yu den frutrow èn den no kisi syen.+
6 Ma mi na wan woron.+ Mi a no wan libisma.Den e si mi leki wan soso sani èn den e wisiwasi mi.+
7 Den wan di e si mi, e spotu mi.+Den e bradi den mofo opo èn den e tan seki den ede.+ Den e taki:
8 „A ben e frutrow na tapu Yehovah?+ We, dan meki Gado yepi en now!+Efu a Gado fu en lobi en so kefalek, dan meki a Gado dati frulusu en!”+
9 Na yu hari mi puru na ini mi mama bere.+Di mi ben de na mi mama bobi ete, dan na yu ben meki mi firi taki noti no man pasa nanga mi.+
10 Na yu e sorgu mi, sensi di mi mama meki mi.+Sensi di mi ben de na ini mi mama bere, na yu na mi Gado.+
11 No tan farawe fu mi, bika nowtu e kon miti mi+Èn tra sma no de fu yepi mi.+
12 Furu yongu mankaw e lontu mi.+Den tranga mankaw fu Basan srefi kon tanapu na mi lontu.+
13 Den piri den mofo opo fu tapu skreki gi mi,+Neleki wan lew di e priti wan meti pisipisi èn di e meki bigi babari.+
14 Leki watra den kanti mi trowe.+Ala mi bonyo lusu komoto na makandra.+Mi ati kon tron kandrafatu.+A smèlter gowe na ini mi skin.+
15 Mi no abi krakti moro. Mi kon de leki wan pikin pisi fu wan broko prapi.+Mi tongo fasi na a tapusei pisi fu mi inimofo.+Yu tyari mi kon te na a mofo fu a grebi.+
16 Mi feanti lontu mi neleki dagu.+Wan bigi grupu ogri-ati sma tapu mi lontu.+Neleki wan lew den e beti mi anu nanga mi futu.+
17 Mi kan teri ala mi bonyo.+Mi feanti e tanapu e luku, iya, den e tanapu e luku mi nomo.+
18 Den e prati mi krosi na den mindri+Èn den e iti lòt fu luku suma o kisi den krosi fu mi.+
19 Ma Yehovah, mi e begi yu fu no tan farawe fu mi.+Yu di e gi mi krakti,+ mi e begi yu, kon yepi mi esi-esi.+
20 Mi e begi yu, kibri mi libi gi a feti-owru.+Iya, puru a warti libi disi fu mi na ini a mofo fu a krasi dagu.+
21 Puru mi na ini a mofo fu a lew.+Piki mi èn kibri mi gi den tutu fu den mankaw fu a sabana.+
22 Mi o meki a nen+ fu yu bekènti na den brada fu mi.+Na mindri den sma di kon makandra mi o prèise yu.+
23 Un alamala di e lespeki Yehovah, un prèise en!+Ala un bakapikin fu Yakob, un gi en glori!+Abi bigi lespeki gi en, un alamala di de bakapikin fu Israel.+
24 A no tapu en ai gi a mofina fasi fa den mofinawan e libi+Èn a no tegu gi a fasi fa den e libi.+A no tapu en fesi gi den+Èn a arki den di den ben bari suku yepi na en.+
25 Na fu yu ede meki mi man prèise yu na mindri a bigi grupu sma di kon makandra.+Leti na fesi den sma di abi dipi lespeki gi Gado, mi o du den sani di mi ben pramisi fu du.+
26 Den safri-ati sma o nyan teleki den bere furu.+Den wan di e suku Yehovah o prèise en.+Meki a de so, taki un ati tan naki fu têgo.+
27 Yehovah, sma o memre yu te na den moro farawe presi fu grontapu èn den o drai kon baka na yu.+Ala den lo fu grontapu o boigi gi yu,+
28 Bika Yehovah na a kownu,+Na en e tiri den pipel fu grontapu.+
29 Ala den sma fu grontapu di e prodo nanga den gudu fu den, o nyan den bere furu èn den o saka kindi boigi gi Gado.+Ala sma di e doro na ini a grebi te fu kaba, o boigi gi en.+Nowan fu den o man hori densrefi na libi.+
30 Bakapikin o de di o dini en.+Sma o fruteri den wan di e kon bakaten, fu Yehovah.+
31 Den o kon fruteri sma fu a retidu fu en.+Den o taigi den pipel di musu gebore ete, taki na en du ala den sani disi.+
