Psalm 135:1-21

135  Prèise Yah, un pipel!+Prèise a nen fu Yehovah.+Un futuboi fu Yehovah, un prèise en,+   Unu di e wroko na ini na oso fu Yehovah,+Iya, unu di de na ini den dyari lontu na oso fu wi Gado.+   Prèise Yah, bika Yehovah bun.+Singi prèisesingi di e taki fu a nen fu en, bika en nen e gi wi prisiri.+   Yah teki Yakob puru na mindri trawan.+A teki Israel leki a spesrutu gudu fu en.+   Mi sabi heri bun taki Yehovah na wan bigi Gado.+A Masra fu wi bigi moro ala tra gado.+   Ala san Yehovah ben wani du, na dati a du+Na ini hemel èn na grontapu, na ini se èn na ini ala den dipi watra.+   Te na den moro farawe presi fu grontapu a e meki dampu opo go na loktu.+A meki den sroisi fu na alen.+A e meki winti wai komoto na den maksin fu en.+   En na a sma di kiri den fosi pikin na ini Egepte,+Den fosi pikin fu libisma nanga meti.+   Un sma fu Egepte, leti na un mindri a du bigi sani èn a du wondru.+A meki den sani disi pasa nanga a kownu fu Egepte èn nanga ala den futuboi fu en.+ 10  Gado na a sma di puru furu pipel na pasi+Èn di kiri tranga kownu.+ 11  A kiri Kownu Sihon fu den Amorietsma+Nanga Kownu Ok fu Basan+Èn a wini ala den kownukondre fu Kanan.+ 12  Dan a teki a kondre fu den sma disi+Èn a gi en na en pipel Israel leki gudu.+ 13  Yehovah, yu nen e tan fu ala ten.+Yehovah, fu ala ten sma o memre yu.+ 14  Yehovah o koti krutu gi a pipel fu en+Èn a o firi sari gi den futuboi fu en.+ 15  Den popki fu den pipel fu grontapu na fu solfru nanga gowtu,+Sani di libisma anu meki.+ 16  Den abi mofo, ma den no man taki noti.+Den abi ai, ma den no man si noti.+ 17  Den abi yesi, ma den no man yere noti.+Den no man hari bro nanga a noso fu den.+ 18  Den sma di e meki den, o kon de neleki den.+Na dati o pasa nanga ala den sma di e frutrow na den tapu.+ 19  Un Israelsma, un prèise Yehovah.+Un sma fu Aron, un prèise Yehovah.+ 20  Un sma fu Leifi, un prèise Yehovah.+Un sma di abi lespeki gi Yehovah, un prèise Yehovah.+ 21  Un alamala di de na Sion, un prèise Yehovah,+Di e tan na Yerusalem.+Prèise Yah, un pipel!+

Futuwortu