Psalm 129:1-8
Wan singi fu den wan di e kren go na a foto.
129 „A no tide den e libi takru nanga mi. Sensi mi yongu den e du dati kaba.”+Meki Israel taki disi ete wan tron:+
2 „A no tide den e libi takru nanga mi. Sensi mi yongu den e du dati kaba.+Ma toku den no ben man wini mi.+
3 Den man di e plugu gron, plugu na tapu mi baka.+Den meki den gotro fu den kon moro langa.”
4 Yehovah na wan Gado fu retidu.+A koti a titei fu den ogri sma pisipisi.+
5 Ala den sma di abi bita-ati gi Sion+O firi syen èn den o drai gowe baka.+
6 Den o kon de leki grun grasi na tapu den daki fu den oso,+Leki grasi di drei kaba fosi sma hari en puru,+
7 Iya, leki grasi di kotiman no wani tyari kon na wán.+Srefi sma di e tai bosu, no e tyari en kon na wán.
8 Iya, nowan sma di waka pasa, taki:„Meki Yehovah blesi unu.+Wi blesi unu na ini a nen fu Yehovah.”+
