Psalm 141:1-10

Wan singi fu David. 141  Ke Yehovah, na yu mi bari kari.+Mi e begi yu, kon yepi mi esi-esi.+Tangitangi, poti yesi arki mi te mi e kari yu.+   Meki den begi fu mi kon de leki switismeri+ di sma e bron spesrutu gi yu.+Te mi e opo mi anu go na loktu fu begi, dan dati musu de gi yu leki nyanyan-ofrandi di sma e tyari na mofoneti.+   Mi e begi yu, Yehovah, poti wan waktiman gi mi mofo.+Poti wan sma fu hori wakti na a doro fu mi mofobuba.+   No meki mi prakseri ogri,+So taki mi go du ogri sani+Makandra nanga den sma di e du hati sani nanga trawan.+No meki mi nyan a switi nyanyan fu den.+   Efu den reti-ati sma ben o naki mi, dan na sori den e sori mi bun-ati.+Efu den ben o piri-ai gi mi, dan dati ben o de leki switi oli na tapu mi ede.+Mi no ben o weigri fu den kanti en na tapu mi ede.+Te ogri ben o miti den, mi ben o begi gi den.+   Sma trowe den krutuman fu a pipel komoto fu a stonbergi.+Ma a pipel yere den sani di mi taki èn den kon si taki den bun.+   Te sma e koti èn e priti udu na tapu a gron, dan pisipisi udu e frei go na ala sei,Na so den bonyo fu wi didon panyapanya na a mofo fu Grebi.*+   Ma Yehovah, a Moro Hei Masra,+ mi ai e luku go na yu.+Na yu mi suku kibri.+Mi e begi yu fu no meki mi lasi mi libi.+   No meki den ogri sma kisi mi nanga a trapu di den seti gi mi.+No meki mi fadon go na ini a trapu fu den sma di e du hati sani nanga trawan.+ 10  Ala den ogri sma o fadon go na ini den eigi nèt.+Ma mi fu mi sei, o waka pasa den nèt fu den.

Futuwortu

Hebrew wortu: syeol. Luku „Moro sani”, nr. 10.