Psalm 139:1-24

Gi a fesiman fu den pokuman. Wan psalm fu David. Wan singi. 139  Yehovah, yu ondrosuku mi èn yu sabi mi dorodoro.+   Yu sabi o ten mi e saka sidon èn o ten mi e opo baka.+Yu de farawe, ma toku yu sabi fa mi e prakseri.+   Yu e luku te mi e waka fu a wan presi go na a trawan èn te mi e go didon.+Yu kon sabi ala san mi e du.+   Yehovah, fosi mi opo mi mofo,+Yu sabi kaba san mi wani taki.+   Yu tapu mi lontu na ala sei.Yu poti yu anu na mi tapu.   Mi no man frustan ala den sani disi.+Den kefalek so te, taki mi no man frustan den.+   Pe mi kan go kibri gi a yeye fu yu+Èn pe mi kan lon go, so taki yu no si mi?+   Efu mi ben o opo go na hemel, yu ben o de drape.+Efu mi ben o seti mi bedi na ini Grebi,* dan yu ben o de drape tu.+   Efu mi ben o teki den frei+ fu musudeiFu frei go na a moro farawe se,+ 10  Dan drape srefi yu eigi anu ben o tyari mi+Èn yu ben o grabu mi hori nanga yu reti-anu.+ 11  Awinsi mi ben o taki: „Dungru o tapu mi esi-esi”,+Dan toku a ben o de leki mi de na ini leti na neti.+ 12  Awinsi a ben o dungru pikapika, toku a no ben o dungru tumusi gi yu.+Ma neti srefi ben o krin leki dei.+Dungru ben o de leki deiten.+ 13  Na yu ben meki den niri fu mi.+Yu ben kibri mi na ini mi mama bere.+ 14  Mi o prèise yu, fu di yu meki mi na wan tumusi wondru fasi di e meki mi kisi bigi lespeki gi yu.+Den sani di yu du, bigi srefisrefi.+Dati mi* sabi heri bun.+ 15  Den bonyo fu mi no ben kibri gi yu+Di yu meki mi sondro fu tra sma sabi.+Yu brei mi leki wan krosi na ini den moro dipi presi+ fu grontapu. 16  Yu ai ben si mi di mi ben de na ini mi mama bere.+Srefi di nowan pisi fu mi skin ben de ete,Yu ben skrifi kaba na ini a buku fu yu+Taki ala den difrenti pisi fu mi skin ben o kon de. 17  Dati meki den prakseri fu yu warti trutru gi mi!+Fu tru, mi Gado, den furu srefisrefi!+ 18  Efu mi ben o pruberi fu teri den, dan den ben o furu moro leki santi.+Te mi ben o wiki mamanten, mi ben o teri den ete.+ 19  Mi Gado, mi winsi taki yu kiri den sma di e du ogri.+Dan den wan di abi brudu-paiman+ o komoto na mi tapu. 20  Den e taki ogri fu yu nanga takru prakseri.+Den taki fu yu nen na wan fasi di no fiti.+ Den na yu feanti.+ 21  Yehovah, yu sabi taki mi no wani abi noti fu du nanga den wan di no lobi yu kwetikweti.+Yu sabi taki mi e tegu gi den wan di e gens yu.+ 22  Mi no lobi den kwetikweti.+Den tron bigi feanti fu mi.+ 23  Mi Gado, ondrosuku mi èn kon sabi mi ati.+Luku mi finifini èn kon sabi den sani di e moro mi.+ 24  Luku efu wan sani de di kan hati mi bakaten.+Sori mi a pasi+ fu têgo libi.

Futuwortu

Hebrew wortu: syeol. Luku „Moro sani”, nr. 10.
Hebrew wortu: nefesj. Luku „Moro sani”, nr. 8.