Psalm 149:1-9
149 Prèise Yah, un pipel!+Singi wan nyun singi gi Yehovah.+Meki den wan di tai hori na en, kon makandra fu prèise en.+
2 Meki Israel prisiri nanga a Gran Mekiman fu en.+Meki den manpikin fu Sion breiti nanga a Kownu fu den.+
3 Meki den dansi te den e prèise a nen fu en.+Meki den prei tyengretyengre nanga harpu te den e singi prèisesingi gi en,+
4 Bika Yehovah e prisiri nanga a pipel fu en.+A e moi den safri-ati sma fu di a e frulusu den.+
5 Meki den wan di tai hori na en breiti, fu di a gi den glori.Meki den bari fu prisiri te den e didon na tapu den bedi.+
6 Meki den opo den mofo fu singi prèisesingi gi Gado.+Meki den hori wan feti-owru na ini den anu di e koti na tu sei,+
7 So taki den kan pai den pipel fu grontapu gi den sani di den du+Èn so taki den kan piri-ai gi den sma fu den difrenti kondre fu grontapu.+
8 Meki den tai den kownu fu den pipel nanga keti+Èn den prenspari man fu den nanga isri bui.
9 Meki den strafu den soleki fa a skrifi.+Den sma di tai hori na Gado, o kisi a glori dati.+Prèise Yah, un pipel!+
