Psalm 99:1-9
99 Yehovah srefi tron kownu.+ Meki den pipel beifi.+A e sidon na tapu den kerub-engel.+ Meki grontapu seki.+
2 Na Sion Yehovah sori taki a bigi.+A hei èn a e tiri ala pipel.+
3 Meki den prèise yu nen.+A bigi, a santa èn sma musu abi bigi lespeki gi en.+
4 Neleki wan tranga kownu, Gado lobi fu krutu sma na wan reti fasi.+Yu sori krin taki yu na wan sma di lobi du san reti.+Yusrefi koti krutu gi Yakob èn yu sori retidu.+
5 Prèise Yehovah wi Gado+ èn boigi na fesi a futubangi fu en.+En na wan santa Gado.+
6 Moses nanga Aron ben de priester fu en.+Samuel ben de wan fu den sma di ben e kari en nen.+Te den ben e bari kari Yehovah, dan a ben e piki den.+
7 A ben e taki nanga den komoto fu a wolku di gersi wan pilari.+Den ben e hori den wèt nanga den markitiki di a ben gi den.+
8 Yehovah wi Gado, na yu piki den.+Yu gi den pardon,+Ma yu strafu den gi den ogri fu den.+
9 Prèise Yehovah wi Gado+Èn boigi gi en na en santa bergi,+Bika Yehovah wi Gado na wan santa Gado.+
