Oseas 9:1-17
9 “Agka manliliket, O Israel,+Agka manggagayaga a singa saray totoo.
Ta inmarawi kad Dios mo lapud prostitusyon.*+
Labalabay mo ray bayar ed prostitusyon a gagawaen mo diad kada panag-ilikan.+
2 Balet ag-ira napakan na panag-ilikan tan panagpespesan na ubas,Tan sikatoy agnapenek na balon alak.+
3 Ag-ira mansiansia ed dalin nen Jehova;+Imbes, ompawil so Efraim ed Ehipto,Tan mangan ira na bengatlan agmalinis diad Asirya.+
4 Agla ra mangiyibung na alak bilang apay dad si Jehova;+Saray bagat da et agla makapaliket ed sikato.+
Singa iratan tinapay ed panaon na paneermen;Amin a mamangan ed satan et dutakan day sarili ra.
Ta say tinapay da et parad sikara labat;*Ag-itan niyakar ed abung nen Jehova.
5 Antoy gawaen yo diad agew na pantitipon,*Diad agew na piesta a parad si Jehova?
6 Ta ombatik ira lapud kadederal.+
Tiponen ira na Ehipto,+ tan ikotkot ira na Memfis.+
Alaen na saray makaturok a tanaman iray ankablin kagawaan dan pilak,Tan ontubo iray masabit a dika ed saray tolda ra.
7 Onsabi panaon na pikuentaan,+Onsabi panaon na panangibales,Tan naamtaan iya na Israel.
Magmaliw a makulangkulang so propeta ra, tan naambagel so pinuyanan a laki;Lapud agaylay inkauges mo, dakel so pamusolan ed sika.”
8 Say managbantay+ na Efraim et kaiba nensaman na Dios ko.+
Balet natan, say amin a dalan na saray propeta to+ et singa saray patit na manag-erel na manok;Walay panagbusol diad abung na Dios to.
9 Linmereg la ran maong ed makaderal a kagagawa, a singa diad saray agew na Gibea.+
Nonoten toy impakasumlang da tan dusaen to ra lapud saray kasalanan da.+
10 “Aromog koy Israel a singa saray ubas ed kalawakan.+
Anengneng ko iray inmuunan atateng yo a singa say inmunan bunga na kiew ya igos diad unonan panaon na impanbunga to.
Balet linma ra ed si Baal na Peor;+Indedika ray sarili ra diad samay makapabaing a bengatla,*+Tan nagmaliw iran makapadimla a singa samay aaroen da.
11 Tinmikyab a singa manok so gloria na Efraim;Anggapo lay mananak, manlukon, tan mannginew.+
12 Anggano mamabaleg ira na ananak,Paandien kod sikara so ananak da anggad anggapoy natilak a too;+On, pakaskasi ira sano taynanan ko ra!+
13 Say pakanengneng ko nensaman ed Efraim, a nitanem ed panagpastolan, et singa Tiro;+Natan et iyakar na Efraim so ananak to diad panagpateyan.”
14 Iter mod sikara, O Jehova, no antoy nepeg mon iter;Sakey ya eges a naekalan tan saray pagew ya amagaan.*
15 “Amin a kaugsan da et agawa ed Gilgal,+ kanian binusol ko ra ditan.
Pataynanen ko rad abung ko lapud mauges a kagagawa ra.+
Agko la ra aroen;+Benger so amin a prinsipe ra.
16 Nageba so Efraim.+
Namagaan so lamot da, tan agla ra manbunga.
Anggano mananak ira, pateyen ko iray pinabli ran ananak.”
17 Ipulisay ira na Dios ko,Ta ag-ira dinmengel ed sikato,+Tan magmaliw iran takas ed saray nasyon.+
Paimanod leksab
^ Odino “imoralidad.”
^ Odino “parad dilin kamarerwa ra.”
^ Odino “niganan ponsia yo.”
^ Odino “makapabaing a dios.”
^ Odino “kinmebet.”