Oseas 5:1-15
-
Panangukom ed Efraim tan Juda (1-15)
5 “Dengel yo iya, sikayo ran saserdote,+Imanoen yo, O sankaabungan na Israel,Talineng yo, O sankaabungan na ari,Ta nipaakar ed sikayo so panangukom;Lapud sakey kayon patit ed MizpaTan sakey ya iket a sinmakbong ed Tabor.+
2 Tan saramay sinmian* et nigalet la* ed panagpatey,Tan papasakbayan* ko ran amin.
3 Kabkabat koy Efraim,Tan agniyamot ed siak so Israel.
Ta natan, O Efraim, akiakdol kad nanduruman totoo;*Dinutakan na Israel so sarili to.+
4 Saray pidedeneng da so mangaamper ed sikara diad ipawil dad Dios da,Lapud walad sikara so espiritu na prostitusyon;*+Tan agda binidbir si Jehova.
5 Say inkamapaatagey na Israel so nantasi sumpad sikato;*+Atumba so Israel tan Efraim ed kasalanan da,Tan kaiba ran atiror so Juda.+
6 Linma ran nananap ed si Jehova a kaiba da ray karnero tan baka ra,Balet sikatoy agda naromog.
Sikatoy inmarawi lad sikara.+
7 Ag-ira nanmatoor ed si Jehova,+Ta nanilalak ira na saray dayon ananak.
Natan, akmonen ira na sakey bulan* a kaiba na saray apag* da.
8 Paknol yod Gibea so tambuyog,+ say trumpeta diad Rama!+
Ikelyaw yod Bet-aven+ so eyag parad guerra—ontumbok kamid sika, O Benjamin!
9 O Efraim, magmaliw ka a bengatlan pakataktakotan diad agew na pananusa.+
Impakabat ko no antoy seguradon nagawa ed saray tribu na Israel.
10 Saray prinsipe na Juda et singa saramay mangiyaalis na ketegan.+
Ikalbok a singa danum so sanok kod sikara.
11 Say Efraim et apairap, abuyak lapud panangukom,Ta sikatoy determinadon ontumbok ed kalaban to.+
12 Kanian singa ak makaderal a bigis ed EfraimTan singa bokbok ed sankaabungan na Juda.
13 Sanen anengneng na Efraim so sakit to, tan anengneng na Juda so giri to,Linmay Efraim ed Asirya,+ tan angibaki na mensahero ed sakey a makapanyarin ari.
Balet agkayo apaabig na satan ya ari,Tan agto atambal so giri yo.
14 Ta magmaliw ak a singa malangwer a leon ed Efraim,Tan singa mabiskeg a leon* diad sankaabungan na Juda.
Bingbingkasen ko ra insan ak ontaynan;+Ibatik ko ra, tan anggapoy makapangisalba ed sikara.+
15 Ontaynan ak tan ompawil ak ed ayaman ko anggad akoen day resulta na kasalanan da,Insan anapen day panangabobon ko.*+
Anapen da ak sano wala rad kairapan.”+
Paimanod leksab
^ Odino “saray rebelde.”
^ Odino “alablabas ya akibiang.”
^ Odino “disiplinaen.”
^ Odino “nanggawa kay imoral; nanggawa kay prostitusyon.”
^ Odino “imoralidad.”
^ Literal, “ed lupa to.”
^ Odino posiblin, “Naakmon ira diad loob na sakey bulan.”
^ Odino “saray uma.”
^ Odino “mabiskeg tan malangwer a leon.”
^ Literal, “lupak.”
