Oseas 14:1-9
14 “Pawil kad si Jehova a Dios mo, O Israel,+Ta atumba ka lapud kasalanan mo.
2 Pawil kayod si Jehova tan ibalikas yo irayan salita,Ibaga yod sikato, ‘Perdonam komon so kasalanan mi+ tan awat mo no antoy maabig a manlapud sikami,Tan iyapay mi so panangidayew na saray bibil mi+ a singa pangiyaapay mi na saray kilaw a kalakian a baka.*
3 Agkami iliktar na Asirya.+
Agkami onlugan ed saray kabayo,+Tan agmi la ibagan: “O Dios mi!” ed samay ginawa na saray lima mi,Ta sika so mangipatnag na panangasi ed ugaw ya ulilad ama.’+
4 Paabigen ko rad agda inkamatoor.+
Mabulbulos ko ran aroen,+Ta naandi lay sanok kod sikato.+
5 Magmaliw ak a singa linaew parad Israel;Sikatoy ombuskag a singa rosas,Tan paaralemen to iray lamot to a singa saray kiew na Lebanon.
6 Ondakel iray sanga to,Magmaliw a singa kiew ya olibo so kagalangan to,Tan singa saray kiew na Lebanon so balingit to.
7 Manayam ira lamet ed sirom na anino to.
Mantanem ira na bukel tan ombuna ran singa sengeg na ubas.+
Magmaliw a singa alak na Lebanon so inkabantog* to.
8 Ibaga na Efraim, ‘Anto ni pibabalik ed saray idolo?’+
Onebat ak tan sikatoy bantayan ko.+
Singa ak sakey a mabunan kiew ya enebro.
Naromog ed siak iray bunga yo.”
9 Siopay marunong? Natalosan to komon irayan bengatla.
Siopay makabat? Naamtaan to komon iraya.
Ta maptek iray dalan nen Jehova,+Tan manakar ditan iray matunong;Balet natumba ditan iray makasalanan.
