Oseas 12:1-14
12 “Mamangan na dagem so Efraim.
Sanagew ton uusilan so dagem a manlalapud bukig.
Paparakelen to so tila tan karuksaan.
Akisipanan irad Asirya+ tan angiyakar ira na larak diad Ehipto.+
2 Mikuentaan si Jehova ed Juda;+Dusaen toy Jacob unong ed saray dalan to,Tan sikatoy balesen to unong ed saray kagagawa to.+
3 Inegnaan tod mukor so agi to diad dalem na eges,+Tan akibalsakan ed Dios diad amin a biskeg to.+
4 Intultuloy toy akibalsakan ed anghel anggad sikatoy analo.
Sikatoy nanakis tan akikasi pian nagamoran toy panamendisyon.”+
Sikatoy aromog na Dios diad Bethel, tan akitongtong ed sikatayo diman so Dios,+
5 Si Jehova a Dios na saray armada,+Jehova so ngaran a pakanodnonotan ed sikato.+
6 “Kanian pawil kad Dios mo,+Pansiansiam so matoor a panangaro tan inkahustisya,+Tan naynay kan manilalo ed Dios mo.
7 Balet sankaegnaan na managlako* so masaol a simbangan;Labalabay toy manloko.+
8 Ibabaga na Efraim, ‘Yinmaman ak la;+Akaromog ak na kayamanan.+
Tan anggapoy nanengneng dan makapuy odino mauges diad amin ya impansagpot ko.’
9 Balet siak si Jehova a Dios mo manlapu la nen wala kad dalin na Ehipto.+
Panayamen ta ka lamet ed saray toldaSinga diad saray agew na sakey ya aturon panaon.*
10 Nansalita ak ed saray propeta,+Pinarakel ko iray pasingawey ya anengneng da,Tan sinalitak iray parabolo diad panamegley na saray propeta.
11 Walay panagsaol* tan katilaan diad Gilead.+
Angiyapay ira na saray baka diad Gilgal,+Tan saray altar da et singa bunton na saray bato a walad gulis na saray binaka diad uma.+
12 Binmatik si Jacob diad teritorya* na Aram,*+Nanlingkor diman si Israel+ parad asawaen to,+Tan parad asawaen to et sikatoy nampastol na karnero.+
13 Impaway nen Jehova so Israel manlapud Ehipto ed panamegley na sakey a propeta,+Tan asalimbengan ed panamegley na sakey a propeta.+
14 Pinasanok a maong na Efraim so Dios;+Mansiansia ed sikato so impankasalanan tod dala;Ombales ed sikato so Katawan to lapud panamabanday to.”+
