Aizaya 58:1-14
58 “Rehọ uvou ra kpobi bo via; who fibo ho!
Kpare uvou ra re u do wọhọ onware nọ a bi kporo.
Woro ọkparesuọ ahwo mẹ kẹ ae,+Je woro izieraha uwou Jekọp kẹ ae.
2 A be gwọlọ omẹ kẹdẹ kẹdẹ,Yọ a be ta nọ a gwọlọ riẹ idhere mẹ,Wọhọ ẹsenọ a rrọ orẹwho nọ u bi ru oware ukiẹrẹe vẹreNọ o re nyasiọ izi Ọghẹnẹ rai ba ha.+
A be ta nọ me bruoziẹ okiẹrẹe kẹ ae,Be gwọlọ nọ a re si kẹle Ọghẹnẹ,+ be nọ inọ:
3 ‘Fikieme whọ gbẹ be ruẹ omai hi nọ ma tẹ siọ emuọriọ ba?+
Kọ fikieme who gbe bi muẹrohọ họ nọ ma te bi gboja kẹ omamai?’*+
Fikinọ isiuru obọrai* wha re le evaọ ẹdẹ nọ wha siọ emuọriọ ba,Yọ wha bi kienyẹ iruiruo rai.+
4 Ẹwhọ gbe ohọre wha re ro ku emuọriọ-ọseba rai họ,Yọ obọgo umuomu wha rẹ fare rọ họre.
Wha sae siọ emuọriọ ba wọhọ epanọ wha bi ru nẹnẹ na a ve yo uvou rai evaọ obọ odhiwu hu.
5 Kọ enẹ emuọriọ-ọseba nọ mẹ salọ ọ rẹ jọ,Ẹdẹ nọ ohwo o re ro gboja kẹ omariẹ,Nọ o re ro gbuzou hotọ wọhọ ẹbe othethei,Nọ ọ rẹ rọ rehọ ehọ-ekpa* gbe enwo hwa ehwa riẹ?
Kọ onana họ oware nọ wha bi se emuọriọ-ọseba gbe ẹdẹ nọ Jihova ọ rẹ jẹrehọ?
6 Ijo, emuọriọ-ọseba nọ mẹ salọ họ:
Re a rra ifi emuemu no,Re a fariẹ eware nọ a rọ gba ọkpọ owhowha na no,+Re a siobọno enọ a bi kienyẹ,+Re a je wiri ọkpọ owhowha kpobi kpohọ ibro ivẹ;
7 Re wha jọ ebrẹdi rai kẹ ọnọ ohọo u bi kpe,+Re wha rehọ oyogbe na avọ ọnọ o wo uwou hu ziọ uwou rai,Re wha rehọ ohọ zuo ọnọ ọ rrọ ẹbẹba nọ wha tẹ ruẹ e riẹ,+Yọ wha re kiukeku imoni obọrai hi.
8 Ẹsiẹe elo rai o ti ro lo via wọhọ oke nọ o ke no,+Yọ usiwo rai o te va ze vẹrẹ vẹrẹ.
Ẹrẹreokie rai ọ te karo kẹ owhai,Oruaro Jihova o vẹ te jọ ọnọ o bi su owhai evaọ obemu.+
9 Kẹsena wha ve ti se, Jihova ọ vẹ kẹ uyo;Wha ti bo kẹ obufihọ, yọ ọ te ta nọ, ‘Mẹ na!’
Otẹrọnọ wha te si ọkpọ owhowha na no udevie raiJẹ siọ uziobọ rai ba ẹriẹ, jẹ siọ eme iyoma ba ẹta,+
10 Otẹrọnọ wha tẹ kẹ ọnọ ohọo u bi kpe oware nọ u bi si owhai omarai urru+Je ru ẹgwọlọ enọ e be reoja kẹ ae vọvọ,Ẹsiẹe elo rai o ti ro lo via makọ evaọ ebi dede,Yọ oke ebi rai o te jọ wọhọ udevie uvo kekeke.+
11 Jihova o ti su owhai ẹsikpobiJe ru ẹgwọlọ rai kẹ owhai* makọ evaọ otọ nọ o ya fia;+O ti ru igbenwa rai ga,Wha vẹ te jọ wọhọ ọgbọ nọ a bi ku ame ku ziezi,+Wọhọ eyeri-ame nọ ọ rẹ kpọ vievie he.
12 Fiki rai, a te wariẹ bọ eria nọ a raha anwọ oke anwae,+Yọ wha te wariẹ wọ etọhotọ nọ a raha anwọ ige buobu nọ e vrẹ no họ.+
A ti se owhai enọ e rẹ ruẹrẹ igbẹhẹ nọ i kporo no,+Enọ e rẹ wariẹ ru idhere nọ a rẹ rria.
13 Otẹrọnọ fiki Ẹdijala na wha siọ* isiuru obọrai* ba ele evaọ ẹdẹ ọrẹri mẹ,+Wha je rri Ẹdijala na wọhọ ẹdẹ omaweromẹ ologbo, ẹdẹ ọrẹri Jihova, ẹdẹ nọ a rẹ kẹ orro,+Wha jẹ kẹe orro viukpọ isiuru obọrai nọ wha re le, jẹ siọ eme nọ i fioka ha ba ẹta,
14 Ẹsiẹe wha ti wo omaweromẹ ologbo fiki Jihova,Yọ me ti ru owhai dhẹ evaọ ehru eria ikpekpehru otọakpọ na.+
Me ti ru owhai re emu evaọ* ukuoriọ Jekọp ọsẹ-esẹ rai,+Keme unu Jihova o ta riẹ no.”
