Aizaya 10:1-34
10 Uye u te enọ i re fi ijaje imuomu họ,+Enọ i re kere izi okienyẹ kẹse kẹse,
2 Re oyogbe o gbe wo uvẹ gu ẹkẹ unu riẹ hẹ,Re a siọ uvioziẹ ba ebru kẹ oruori nọ ọ rrọ udevie ahwo mẹ,+A be kwa eware eyae-uku wọhọ egbo-ẹmoJẹ be kwa eware emọ nọ i wo esẹ hẹ* rehọ!+
3 Ẹvẹ who ti ru evaọ ẹdẹ nọ who ti gu epanọ who ru te,*+Okenọ ọraha o ti no obọ ugbothabọ ze?+
Ono whọ te dhẹ bru kẹ obufihọ,+Kọ diẹse whọ te nyasiọ ekwakwa efe* ra ba?
4 Oware ovo u kiọkọ họ ajokpaọ ekieviẹ nọ o ti kieviẹ evaọ udevie enọ e rrọ uwou-odiHayo ekie nọ o ti kie fihọ udevie enọ a kpe fihọ otọ.
Fiki eware nana kpobi, ofu riẹ o ri hrẹ hẹ,Obọ riẹ o gbẹ rriẹ fihọ re ọ kẹ ae uye.+
5 “Rri! Ohwo Asiria na,+Ọkpọ nọ me ti ro dhesẹ ofu mẹ via,+Yọ ubiọkpọ nọ ọ rrọ obọ rai na me ti ro dhesẹ obrukpe mẹ!
6 Me ti vi ei rọsuọ orẹwho nọ o siọ orọwọ no,+Rọsuọ ahwo nọ a ru omẹ eva dha gaga;Mẹ te ta kẹe nọ ọ kwa egbo-ẹmo buobu gbe eware buobuRe o je thihi ae nyaotọ wọhọ ọloho nọ ọ rrọ iyẹrẹ.+
7 Rekọ ọ te gwọlọ ru onana ha,Yọ omaa utiona o te jọ udu riẹ hẹ;Keme oware nọ o rrọ udu riẹ họ re ọ raha muotọ,Re o bru erẹwho buobu kufiẹ, orọnikọ umutho ho.
8 Keme ọ ta nọ,‘Kọ ikpahwo-esuo mẹ kpobi ogbẹrọnọ ivie a rrọ?+
9 Kọ Kalno+ ọ gbẹ wọhọ Kakẹmish?+
Kọ Hemat+ ọ gbẹ wọhọ Apad?+
Kọ Sameria+ ọ gbẹ wọhọ Damaskọs?+
10 Obọ mẹ u kru ekwotọ-ivie erọ eghẹnẹ nọ i fioka ha na no,Enọ emema rai nọ a kare i bu vi erọ Jerusalẹm gbe Sameria!+
11 Kọ me gbe ti ru Jerusalẹm avọ emedhọ riẹWọhọ epanọ me ru Sameria avọ eghẹnẹ riẹ nọ i fioka ha na?’+
12 “Okenọ Jihova o te ku iruo riẹ kpobi họ no evaọ Ugbehru Zayọn gbe Jerusalẹm, Ọ* te kẹ ovie Asiria uye fiki udu ogaga riẹ gbe uriwo omorro riẹ.+
13 Keme ọ ta nọ,‘Ogaga obọ mẹ me ti ro ru onanaGbe areghẹ mẹ, keme me wo areghẹ.
Me ti si iwhru etọ ahwo no+Mẹ vẹ kwa eware aghae rai rehọ,+Yọ me ti mu ahwo nọ a be rria ae wọhọ ọgba.+
14 Obọ mẹ u ti kru ekwakwa ahwo na,Wọhọ ohwo nọ o bi dhobọ họ uwou ọvra;Me ti koko otọakpọ na soso họ,Wọhọ ohwo nọ o bi koko ike nọ a gbabọkẹ no họ!
Ọvuọvo ọ te rọ ibekpe riẹ rra ha hayo rovie unu riẹ hẹ hayo bo ho.’”
15 Kọ ewhe ọ rẹ kpare omariẹ kpehru vi ọnọ ọ be rehọ iẹe ko ure?
Kọ esọ ọ rẹ kpare omariẹ kpehru vi ọnọ ọ be rehọ iẹe bru oware?
Kọ ubiọkpọ+ ọ sai vughu ohwo nọ ọ tọlọ e riẹ?
Hayo kọ ọkpọ ọ sae wọ ọnọ a rọ ure ru hu kpehru?
16 Fikiere Olori uzẹme na, Jihova olori egbaẹmo,O ti ru ahwo riẹ nọ a rrọ fuẹfu dọ,+Yọ o ti koko ebruerae họ otọ oruaro riẹ.+
17 Elo Izrẹl+ o ti zihe ruọ erae,+Ọrẹri riẹ o ve ti zihe ruọ erri erae;O te ware, o vẹ mahe ebe ẹwọ riẹ gbe ire inwe riẹ muotọ evaọ ẹdẹ ọvo.
18 O ti si erru owhawho riẹ gbe egbọ ekakọ riẹ no riẹriẹriẹ;O te jọ wọhọ epaọ ohwo nọ ọ be mọ nọ o bi dhe ẹdẹdọ.+
19 Ire owhawho riẹ nọ i ti kiọkọE te kawo te epanọ ọmaha ọ sai ro kele ai mu.
20 Evaọ ẹdẹ yena, enọ i kiọkọ evaọ IzrẹlAvọ enọ e zọ evaọ uwou JekọpA gbẹ te rẹroso ọnọ ọ kẹ rai uye na ha;+Rekọ a te rẹroso Jihova,Ọrẹri Izrẹl na, avọ ọtẹruo.
21 Ikiọkotọ jọ ọvo i ti zihe,Ikiọkotọ Jekọp i ti zihe bru Ọghẹnẹ Ologbo na.+
22 Keme dede nọ ahwo ra, O Izrẹl,A wọhọ uwẹkpẹ abade,Ikiọkotọ jọ ọvo evaọ usu rai i ti zihe.+
A jiroro nọ a ti kpe ahwo ra muotọ no,+Yọ uvioziẹ* u ti ruru ai.+
23 Ẹhẹ, iroro nọ Olori nọ Ọ Mai Kpehru na, Jihova olori egbaẹmo ọ jẹ inọ a ti kpe ai muotọ na,A ti ru ei gba evaọ ẹkwotọ na soso.+
24 Fikiere enẹ Olori nọ Ọ Mai Kpehru na, Jihova olori egbaẹmo ọ ta: “Jọ ozọ u mu owhai hi, whai ahwo mẹ nọ a be rria Zayọn, fiki ohwo Asiria na, ọnọ ọ jẹ hae rehọ ọkpọ fa owhai,+ nọ ọ jẹ hae kpare ubiọkpọ riẹ kpehru rọsuọ owhai wọhọ epanọ Ijipti o ru.+
25 Keme omoke kakao u kiọkọ re obrukpe na o te oba; mẹ vẹ te kpọ ofu mẹ rri rai re mẹ raha ai no.+
26 Jihova olori egbaẹmo o ti kru oviaviẹ rọ fae,+ wọhọ epaọ okenọ o fi Midian kparobọ evaọ akotọ utho Orẹb.+ Ubiọkpọ riẹ o te rriẹ rri abade na, yọ ọ te kpare iẹe wọhọ epanọ o ru evaọ okenọ o fi Ijipti kparobọ.+
27 Evaọ ẹdẹ yena, owha riẹ u ti no ẹkoko ra,+Owhowha riẹ u ti no uriohọ ra,+Yọ a ti wiri owhowha na+ fiki ewhri na.”
28 Ọ nyaziọ Aiyat no;+Ọ nya Migrọn vrẹ no;Ọ wọ ewha riẹ fihọ Mikmash.+
29 A nya eria ekpakpafua na vrẹ no;A rrọ Giba evaọ aso na;+Rema o bi nuhu, Gibiah+ ọrọ Sọl ọ dhẹ no.+
30 Bo via jẹ va, O ọmọtẹ Galim!
Gaviezọ, O Leasha!
O Anatọt nọ uye o be bẹ!+
31 Madmina ọ dhẹ no.
Ahwo nọ a be rria Gibim a ruẹ uwou nọ a rẹ jọ no.
32 Ọ te daji Nọb+ omojọ evaọ ẹdẹ nana.
Ọ fare obọgo kẹ ugbehru ọmọtẹ Zayọn,Ukpehru Jerusalẹm.
33 Rri! Olori uzẹme na, Jihova olori egbaẹmo,O bi ko egha ire fihọ otọ avọ edo imuozọ nọ i bi ru;+A bi ko ire nọ e mai theri fihọ otọ,Yọ a be rehọ enọ e rrọ kpekpehru ziọ otọ.
34 Ọ be rọ okwakwa ayọno* ko ire owhawho na fihọ otọ,Yọ ọgba o ti gele Lebanọn kie.
Eme-Obotọ
^ Hayo “emọ nọ i wo esẹgbini hi.”
^ Hayo “a te kẹ owhẹ uye.”
^ Hayo “oruaro.”
^ Evaọ Hibru, “Mẹ.”
^ Hayo “Uye nọ a te kẹ ae.”
^ Hayo “ewhe.”