Aizaya 57:1-21
57 Ohwo okiẹrẹe na o whu no,Rekọ ohwo ọvo o bi roro kpahe iẹe evaọ udu riẹ hẹ.
A rehọ ezae nọ e be romakpotọ vrẹ no,*+Yọ ohwo ọvo o muẹrohọ họ inọ a rehọ ohwo okiẹrẹe na vrẹ noFiki* okpẹtu na.
2 O wo udhedhẹ no.
Ahwo kpobi nọ a bi ru oware nọ u kiehọ a bi serihọ evaọ ehwa* rai.
3 “Rekọ rọkẹ owhai, wha go ze,Whai emezae aye nọ ọ rẹ gbẹva,Whai emọ obruẹnwae gbe ogberẹ:
4 Ono wha bi ro jijehwẹ?
Ono wha rovie enu rai fihọ kẹkẹe je wolo ẹrọo rai ze be rọ ta ẹme wọso?
Kọ ogbẹrọnọ whai yọ emọ uzioraha,Emọ eviẹhọ,+
5 Enọ isiuru egaga kẹ owezẹ ọzae-avọ-aye e da oma fia evaọ otọ ire ilogbo na,+Evaọ otọ ure ulogbo kpobi,+Enọ i re kpe emọ evaọ ikiekpotọ* na,+Evaọ otọ eria nọ e bẹre rovie fihọ evaọ igbehru-itho na?
6 Itho eriẹriẹ ukiekpotọ* na họ ẹkẹ nọ whọ salọ.+
Ẹhẹ, enana họ eware nọ who wo.
Who re tube ku idhe udi kẹ ae dede jẹ kẹ ae ekẹ.+
Kọ a rẹ rehọ eware nana ru eva were omẹ?*
7 Whọ ruẹrẹ ehwa ra fihọ ehru ugbehru nọ u kpehru gaga,+Whọ tẹ nya kpobọ ehru riẹ nyai dhe idhe.+
8 Obemu ẹthẹ na avọ unuẹthẹ na whọ rehọ oka ekareghẹhọ ra ro vi.
Whọ nyasiọ omẹ ba, whọ tẹ ba ehọ ra no;Who kpobọ ehru, who te ru ehwa ra kẹkẹe.
Whọ tẹ re ọvọ kugbe ai.
O rẹ were owhẹ re who kiẹzẹ ehwa rai,+Yọ whọ rẹ tẹrovi oyọ na.*
9 Whọ wha ewhri lele oma bru Mẹlẹk*Jegbe udẹ nọ u re gbo ore awere buobu.
Who vi enyukọ ra vrẹ thethabọ,Whọ tẹ ruọ obọ Uki.*
10 Whọ ruẹ uye gaga no evaọ idhere ibuobu ra nọ who bi lele,Rekọ whọ ta ha inọ, ‘Nọ uye-oruẹ kufiẹ!’
Whọ wariẹ wo ẹgba.
Oyejabọ nọ o gbẹ be bẹ owhẹ hẹ na.*
11 Ozọ ono u mu owhẹNọ who ro mu ọrue họ ẹta?+
Whọ kareghẹhọ omẹ hẹ.+
Whọ jọ udu ra roro kpahe oware ovo ho.+
Kọ mẹ gbẹ fọ rirẹ jẹ rehọ oma?*+
O tẹ whae ze nọ whọ gbẹ jẹ dhozọ mẹ hẹ.
12 Me ti ru ahwo riẹ kpahe ẹrẹreokie iwhayo ra+ gbe iruo ra,+Yọ e te kẹ owhẹ erere he.+
13 Okenọ who ti bo kẹ obufihọ,Emedhọ ra nọ who kokohọ i ti siwi owhẹ hẹ.+
Ofou ọ te wọ ae kpobi kufiẹ,Ofou ẹwẹ gheghe o ti fou rai kufiẹ,Rekọ ọnọ ọ dhẹ bru omẹ ze ọ te rọ ẹkwotọ na reukuYọ o ti wo ugbehru ọrẹri mẹ.+
14 A rẹ te ta nọ, ‘Ru edhere, ru edhere! Ruẹrẹ edhere na kpahe!+
Si oware ọzadhe kpobi no edhere ahwo mẹ.’”
15 Keme enẹ Ọnọ o kpehru thesiwa na ọ ta,Ọnọ ọ rrọ uzuazọ* bẹdẹ bẹdẹ na,+ ọnọ odẹ riẹ o rrọ ọrẹri:+
“Mẹ be rria oria nọ u kpehru jẹ rrọ ọrẹri,+Rekọ mẹ tẹ jẹ be rria kugbe enọ e rrọ ọkora gbe uweri,Re me ru ẹzi oruori na dhidhivi,Re me je ru udu enọ e rrọ ọkora dhidhivi.+
16 Keme mẹ te wọso ae bẹdẹ bẹdẹ hẹHayo mu ofu kẹ ae ẹsikpobi hi;+Keme oma o te lọhọ ẹzi ohwo-akpọ fiki mẹ,+Makọ emama nọ e be wẹ nọ mẹ ma na.
17 Ofu o mu omẹ fiki erere ewhariọ+ riẹ nọ ọ jẹ rọ edhere omuomu wo,Fikiere mẹ tẹ kẹe uye, me te si ovao mẹ dhere, ofu o te je mu omẹ.
Rekọ ọ ruabọhọ jẹ nya wọhọ ohwo nọ ọ nyasiọ Ọghẹnẹ ba,+ bi lele onọ udu riẹ o ta kẹe.
18 Mẹ ruẹ idhere riẹ no,Rekọ me ti siwi ei+ je su ei+Je ti ru ei avọ ahwo riẹ nọ a rrọ uweri+ wariẹ wo omosasọ.”*+
19 “Me bi ru re eme ujiro e jọ igbenu na.
Mẹ rẹ te rehọ udhedhẹ nọ u wo oba ha kẹ ọnọ ọ rrọ ugbothabọ gbe ọnọ ọ rrọ ekẹloma,”+ ere Jihova ọ ta,“Yọ me ti siwi ei.”
20 “Rekọ irumuomu na e wọhọ abade nọ ẹkporo ọ be jọ fi nọ ọ rẹ sae fọ rirẹ hẹ,Nọ ame riẹ o re gbolo ẹbe-abade avọ ọloho kpotọ kpehru.
21 Udhedhẹ o rrọ kẹ irumuomu na ha,” ere Ọghẹnẹ mẹ ọ ta.+
Eme-Obotọ
^ Hayo o sae jọ nọ, “Ro no.”
^ Koyehọ, evaọ uwhu.
^ Koyehọ, evaọ uki.
^ Hayo “ito.”
^ Hayo “Kọ mẹ rẹ rehọ eware nana kẹ omamẹ omosasọ?”
^ Hayo “uto.”
^ O sae jọ nọ o be ta kpahe ẹdhọgọ.
^ Hayo o sae jọ nọ, “ovie na.”
^ Evaọ Hibru, “oma o gbẹ be rrọ owhẹ hẹ na.”
^ Hayo “ko eware nọ e via dhere?”
^ Hayo “ọ be rria.”
^ Hayo “Mẹ te rehọ omosasọ hwa zihe kẹe avọ ahwo riẹ nọ a rrọ uweri.”
