Aizaya 29:1-24

  • Uye u te Eriẹl! (1-16)

    • Egagọ igbenu e rẹ were Ọghẹnẹ hẹ (13)

  • Idiezọ i ti yo ẹme; ituaro e te ruẹ ude (17-24)

29  “Uye u te Eriẹl,* Eriẹl okpẹwho nọ Devidi ọ fa evuẹ fihọ!+ No ukpe te ukpe;Jọ a ruabọhọ ehaa sa-sa nọ a re ru kukpe kukpe na.+   Rekọ mẹ te kẹ Eriẹl uye,+Uweri gbe enuobro e te jariẹ,+Ọ vẹ te jọ kẹ omẹ wọhọ enyerae agbada-idhe Ọghẹnẹ.+   Mẹ te fa evuẹ họ ofẹ kpobi rọsuọ owhẹ,Mẹ te rehọ ire di ogba ro ko owhẹ họJẹ ma ogba ro ko owhẹ họ.+   A te rọ owhẹ ziọ otọ;Obotọ whọ te ta ẹme no ze,Ẹkpẹ o ti ru ẹme nọ whọ be ta do didi. Obotọ na uvou ra u ti do no zeWọhọ uvou ohwo nọ o re lele izi ta ẹme,+Yọ eme ra i ti do no obọ ẹkpẹ na ze wọhọ ẹme nọ a bi se họ ohwo ozọ.   Ogbotu ewegrẹ* ra e te jọ wọhọ ovu,+Ogbotu ahwo egeva na a te jọ wọhọ ehọrọ nọ ofou o bi fou.+ Yọ ẹsiẹvo idudhe o te rọ via.+   Jihova olori egbaẹmo ọ te rẹriẹ ovao riẹ bru owhẹ ze re o siwi owhẹAvọ egbrara gbe otọ nọ u re nuhu gbe edo ọgaga,Avọ okpofou gbe ofou ọwhibo gbe erri ebruerae.”+   Kẹsena ogbotu erẹwho na kpobi nọ i bi fi Eriẹl ẹmo na+—Enọ i bi fi ei ẹmo na kpobi,Iwou ikpehru nọ a bọ ro koi họ na,Gbe enọ e be wha uye sei na—E te jọ wọhọ ewezẹ, eruẹaruẹ oke aso.   Ẹhẹ, o te jọ wọhọ epaọ ohwo nọ ohọo u bi kpe nọ ọ be wezẹ ewezẹ nọ ọ be re emu,Rekọ ọ vẹ rọwo ze avọ ohọo nọ u bi kpei,*Jẹ wọhọ epaọ ohwo nọ uruame u bi kpe nọ ọ be wezẹ ewezẹ nọ ọ be da ame,Rekọ ọ vẹ rọwo ze avọ oma nọ o rrọ riẹ no yọ uruame u bi kpei.* Ere o te via kẹ ogbotu erẹwho kpobiNọ i bi fi Ugbehru Zayọn ẹmo.+   Mudhe kpoko avọ igbunu;+Wha tu omobọ rai aro re wha tuaro no.+ Idi i bi mu ai, yọ orọnikọ a da enwaene he;A bi kpo geli geli, yọ orọnikọ a da udi ogaga ha. 10  Keme Jihova o ku ẹzi owezẹ udidi ku owhai no;+Ọ fare ibiaro rai no, koyehọ eruẹaro na,+Yọ o ruru izou rai no, koyehọ eruẹ-ude na.+ 11  Eruẹaruẹ kpobi e be jọ kẹ owhai wọhọ eme obe nọ a gba di.+ Nọ a tẹ rehọ iẹe kẹ ohwo nọ ọ riẹ obe ese, inọ: “Ivie se eme nana do via,” ọ te ta nọ: “Mẹ sai sei hi, keme a gba riẹ di.” 12  Nọ a jẹ rehọ obe na kẹ ohwo nọ ọ riẹ obe ese he, inọ: “Ivie se eme nana ze,” ọ te ta nọ: “Mẹ riẹ ese vievie he.” 13  Jihova ọ ta nọ: “Unu gheghe ahwo nana a bi ro bru omẹ zeYọ igbenu rai a be rọ kẹ omẹ ọghọ,+Rekọ udu rai u thabọ no omẹ gaga;Yọ ijaje ahwo-akpọ nọ a ro wuhrẹ ai no a bi lele rọ dhozọ mẹ.+ 14  Fikiere, mẹ họ Ọnọ ọ te wariẹ ru eware igbunu kpahe ahwo nana,+Eware nọ i re gbunu gaga;Areghẹ ezae iwareghẹ rai ọ te raha no,Yọ a te kuọ otoriẹ ezae iwareghẹ rai dhere.”+ 15  Uye u te enọ e rẹ rọ oghẹrẹ kpobi kuọ omaa* rai dhere Jihova.+ Ebi a rẹ jọ ru iruẹru rai,Yọ a be ta nọ: “Ono ọ be ruẹ omai? Ono ọ riẹ kpahe omai?”+ 16  Rri epanọ wha be vẹ eware tu! Kọ epọvo na u fo nọ a re rri ọmebẹ na avọ ọviẹ na?+ Kọ u fo nọ oware nọ a ma o ta kpahe ọnọ ọ ma riẹ nọ: “Ọye ọ ma omẹ hẹ”?+ Kọ oware nọ a ma o rẹ ta kpahe ọnọ ọ ma riẹ nọ: “Ọ riẹ oware ovo ho”?+ 17  Nọ omoke kakao o tẹ vrẹ no, a ti zihe Lebanọn ruọ ọgbọ,+Yọ a ti rri ọgbọ na fihọ owhawho.+ 18  Evaọ ẹdẹ yena, enọ i diezọ i ti yo eme obe na,Yọ ibiaro enọ i tuaro e te ruẹ ude nọ ẹgho gbe ebi na ọ gbẹ riẹ hẹ.+ 19  Enọ e be romakpotọ e te ghọghọ gaga fiki Jihova,Yọ ọnọ ọ rrọ oyogbe evaọ udevie ahwo-akpọ ọ te ghọghọ fiki Ọrẹri Izrẹl na.+ 20  Keme ohwo ọgeva na ọ gbẹ te jariẹ hẹ,Ọnọ o re seha na o ti whu no,Yọ a te raha ahwo kpobi nọ a bi fiẹrohotọ re a ru eyoma,+ 21  Enọ e rẹ rehọ ẹme ọrue ro ru amọfa reabe,Enọ e rẹ kpahe eta kẹ ọthothọ* nọ ọ rrọ unuẹthẹ okpẹwho na,+Gbe enọ e rẹ vro avro ofofe ro ru nọ a gbe bru uvioziẹ kẹ okiẹrẹe he.+ 22  Fikiere enẹ Jihova, ọnọ ọ dẹ Abraham zihe ze na,+ ọ ta kẹ uwou Jekọp: “Oma o gbẹ te vuọ Jekọp ho,Yọ ovao riẹ u gbe ti sihọ ofa ha.*+ 23  Keme nọ ọ te ruẹ emọ riẹ,Enọ e rrọ iruo abọ mẹ, evaọ udevie riẹ,A ti ru odẹ mẹ fo;+Ẹhẹ, a ti ru odẹ Ọrẹri Jekọp na fo,Yọ ọwhewhe Ọghẹnẹ Izrẹl o ti mu ai.+ 24  Enọ i reghe no evaọ ẹzi a ti wo otoriẹ,Yọ enọ e be go e te jẹ uthubro rehọ.”

Eme-Obotọ

O sae jọ nọ otofa riẹ họ “Enyerae Agbada-Idhe Ọghẹnẹ,” o wọhọ nọ o be ta kpahe Jerusalẹm.
Evaọ Hibru, “erara.”
Evaọ Hibru, “nifẹsh riẹ nọ ọ rrọ ofofe.” Rri oria Otofa Eme.
Evaọ Hibru, “nifẹsh riẹ nọ ọ ya fia.” Rri oria Otofa Eme.
Hayo “ẹjiroro.”
Evaọ Hibru, “ọnọ ọ rẹ whọku.”
Koyehọ, fiki omovuọ gbe eware nọ e riẹ nya ha.