Aizaya 52:1-15

  • Rọwo ze, O Zayọn! (1-12)

    • Erru awọ enọ e be wha usi uwoma ze (7)

    • Iroroke Zayọn e be rọ unu ovo bo (8)

    • Enọ e be wọ ekwakwa Jihova e rẹ jọ fuafo hrọ (11)

  • A te kpare odibo Jihova kpehru (13-15)

    • A raha oma riẹ (14)

52  Rọwo ze! Rọwo ze! Ku ẹgba họ omara,+ O Zayọn!+ Ku iwu iwowoma ra họ,+ O Jerusalẹm, okpẹwho ọrẹri na! Keme ohwo nọ ọ yawo ho gbe ọnọ ọ fo ho ọ gbẹ te ruọ eva ra ofa ha.+   Kpama, voro ẹkpẹ no omara re whọ keria agbara, O Jerusalẹm. Fere ifi nọ e rrọ uriohọ ra na no, O ọmọtẹ Zayọn nọ a mu.+   Keme enẹ Jihova ọ ta: “Ọvọvẹ a zẹ owhẹ,+Yọ a te dẹ owhẹ zihe ze ababọ ugho.”+   Keme enẹ Jihova Olori nọ Ọ Mai Kpehru na ọ ta: “Oke ọsosuọ ahwo mẹ a kpobọ Ijipti re a rria obei wọhọ erara;+Rekọ Asiria o te je kienyẹ ae gheghe gheghe.”   “Nọ o rrọ ere na, eme mẹ rẹ jọ etenẹ ru?” ere Jihova ọ ta. “Keme a mu ahwo mẹ ọvọvẹ. Yọ enọ i bi su ai a bi bo ubo obokparọ,”+ ere Jihova ọ ta,“Yọ kẹse kẹse evaọ okpẹdoke na soso a bi rri odẹ mẹ vo.+   Fiki ẹjiroro yena, ahwo mẹ a te riẹ odẹ mẹ;+Fiki ẹjiroro yena, a te riẹ evaọ ẹdẹ yena inọ mẹ họ Ọnọ ọ be ta ẹme na. Rri, mẹ be ta ẹme na!”   Rri erru nọ ọ rrọ awọ ọnọ ọ be wha usi uwoma ze evaọ ehru igbehru na,+Ọnọ o bi whowho udhedhẹ,+Ọnọ ọ be wha usi uwoma oware nọ o mai woma ze,Ọnọ o bi whowho esiwo,Ọnọ ọ be ta kẹ Zayọn nọ: “Ọghẹnẹ ra o zihe ruọ Ovie no!”+   Gaviezọ! Iroroke ra e be kpare uvou rai. A be rọ unu ovo bo ubo oghọghọ,Keme a te ruẹ e riẹ vevẹ* okenọ Jihova o ti koko Zayọn họ zihe ze.   Wha wereva, wha rọ unu ovo bo ubo oghọghọ, whai eria Jerusalẹm nọ a raha,+Keme Jihova ọ sasa ahwo riẹ oma no;+ ọ dẹ Jerusalẹm zihe ze no.+ 10  Jihova o kpe ugbobọ ọrẹri riẹ fihọ no evaọ iraro erẹwho na kpobi;+Oka avọ oka otọakpọ na kpobi o te ruẹ iruẹru esiwo* Ọghẹnẹ mai.+ 11  Wha kuomarẹriẹ, wha kuomarẹriẹ, wha no etẹe no,+ wha dhobọte oware ugbegbe ovo ho!+ Wha no udevie riẹ no,+ wha ru omarai fo,Whai enọ e be wọ ekwakwa Jihova.+ 12  Keme wha te nyavrẹ avọ ozọ họ,Yọ o te gwọlọ nọ wha dhẹ hẹ,Keme Jihova ọ te karo kẹ owhai,+Yọ Ọghẹnẹ Izrẹl ọ te jọ ọnọ o bi su owhai evaọ obemu.+ 13  Rri! Odibo mẹ+ ọ te rọ otoriẹ udidi ru eware. A te kpare iẹe kpehru,A ti ru ei rro jẹ kpare iẹe kpehru gaga.+ 14  Nwane wọhọ epanọ ahwo buobu a je rri rie avọ igbunu na—Keme a raha oma riẹ vi orọ omọfa kpobi,A tẹ jẹ raha erru oma riẹ vi orọ ohwo-akpọ— 15  Ere ọvona o ti gbe erẹwho buobu unu.+ Ivie i ti ruru enu rai* evaọ aro riẹ,+Keme a te ruẹ oware nọ a re vuẹ ai hiJe roro kpahe oware nọ a ri ti yo ho.+

Eme-Obotọ

Hayo “ovao dhe ovao.”
Hayo “obokparọ.”
Hayo “e te ruẹ ẹme ta ha.”