Aizaya 60:1-22
60 “O aye, kparoma,+ lo via, keme elo ra ọ ze no.
Oruaro Jihova u bi lo mu owhẹ.+
2 Keme rri! ebi o ti ruru otọakpọ na,Ebi ọlala o ve ti ruru erẹwho na;Rekọ Jihova o ti lo mu owhẹ,Yọ a te jọ oma ra ruẹ oruaro riẹ.
3 Erẹwho e te nyabru elo ra+Ivie+ e vẹ te nyabru erru ra nọ o bi lo.*+
4 Kpare aro ra re who rri wariẹ oma ra họ!
A koko i rai kpobi họ no; a be nyabru owhẹ ze.
Emezae ra i gbe bi no obọ ugbothabọ ze ọvo,+Yọ a wọ emetẹ ra fihọ abefẹ.+
5 Evaọ oke yena whọ te ruẹ, who ve ti lo nwranwranwra,+Yọ udu ra o te vọ avọ evawere gbe oghọghọ,Keme a te kpọ ekwakwa efe abade na bru owhẹ ze;Eware erẹwho na i ti bru owhẹ ze.+
6 Ekamẹle buobu gbidi gbidi e te vọ ẹkwotọ ra* soso,Ekamẹle ezae erọ Midian gbe Ifa.+
Ahwo kpobi nọ a no obọ Shiba ze—a te nyaze;A te wọ igoru gbe frankinsẹns.
A ti whowho ujiro Jihova.+
7 A ti koko ithuru erao Kida+ kpobi họ bru owhẹ ze.
Igbo Nebeyọt+ e te gbodibo kẹ owhẹ.
Mẹ te jẹ ae rehọ nọ a tẹ nyaze agbada-idhe mẹ,+Yọ me ti ru uwou mẹ nọ u wo oruaro na* wo erru.+
8 Nọ amono a be rra vrẹ wọhọ ẹgho na,Wọhọ irueruẹ nọ e be rra kpobọ iwou rai?*
9 Keme mẹ ikoliko na i ti fi ẹruore họ;+Ekọ ilogbo Tashish e kobaro,*Re a rehọ emezae ra no ugbothabọ ze,Avọ isiliva rai gbe igoru rai,Ro se odẹ Jihova Ọghẹnẹ ra je ro se Ọrẹri Izrẹl na,Keme o ti ru owhẹ wo oruaro.*+
10 Ahwo erẹwho efa a te ma igbẹhẹ ra,+Yọ ivie rai e te gbodibo kẹ owhẹ,Keme fiki evedha mẹ, mẹ rọ kẹ owhẹ uye,Rekọ fiki aruoriwo* mẹ, mẹ te re owhẹ ohrọ.+
11 A ti kpe inuethẹ ra fihọ kẹse kẹse;+A te kare ae evaọ uvo hayo evaọ aso ho,Re a rehọ eware erẹwho na bru owhẹ ze,Yọ ivie rai e te kobaro.+
12 Keme orẹwho kpobi gbe uvie kpobi nọ o te gbodibo kẹ owhẹ hẹ a te raha iẹe no,Yọ a te raha erẹwho na muotọ.+
13 Oruaro Lebanọn u ti bru owhẹ ze,+Te ure junipa, ure ash, gbe ure siprẹs,+Re i fi erru họ oria aruẹri mẹ;Me ti ru oria nọ me re fi awọ mẹ họ wo oruaro.+
14 Emezae ahwo nọ a bi kienyẹ owhẹ e te nyaze ti guzou kpotọ evaọ aro ra;Ahwo kpobi nọ a be kẹ owhẹ adhẹẹ hẹ a ti kigwẹ fihọ aro ra hrọ,Yọ a ti se owhẹ okpẹwho Jihova,Zayọn ọrọ Ọrẹri Izrẹl na.+
15 Ukpenọ whọ rẹ jọ oria nọ a gbabọkẹ je mukpahe, nọ ohwo ọvo ọ rẹ nyavrẹ hẹ,+Me ti ru owhẹ fihọ oria nọ a re ro seha bẹdẹ bẹdẹ,Oria nọ o rẹ lẹliẹ ahwo ghọghọ evaọ ige kpobi.+
16 Whọ te ginẹ da ame-ivie erẹwho na,+Who re ti vi evie ivie;+Yọ whọ te ginẹ riẹ nọ, mẹ Jihova họ Osiwi ra,Ọnọ Ọ Rrọ Ọgba Jekọp họ Ọnọ ọ dẹ owhẹ zihe ze.+
17 Ukpọ ekọpa na, mẹ te rehọ igoru ze,Yọ ukpọ ayọno na, mẹ te rehọ isiliva ze,Ukpọ ure na, kọ ekọpa,Ukpọ itho na, kọ ayọno;Yọ mẹ te rehọ udhedhẹ mu re ọ jọ esẹro raJẹ rehọ ẹrẹreokie mu re ọ jọ enọ i re dhe iruo kẹ owhẹ.+
18 A gbe ti yo edo ozighi evaọ ẹkwotọ ra ofa ha,Hayo kọ edo ọraha avọ ekporo kuotọ evaọ udevie iwhru ra ha.+
Yọ who ti se igbẹhẹ ra Esiwo,+ inuethẹ ra kọ Ujiro.
19 Keme ọre na ọ gbẹ te kẹ owhẹ elo evaọ oke uvo ho,Yọ elo ọvẹre na ọ gbẹ te kẹ owhẹ elo ho,Keme Jihova o ti zihe ruọ elo ebẹdẹ bẹdẹ kẹ owhẹ,+Yọ Ọghẹnẹ ra ọ te jọ erru ra.+
20 Ọre ra o gbe ti kiediwi ofa ha,Yọ ọvẹre ra o gbe ti kpo ho,Keme Jihova o ti zihe ruọ elo ebẹdẹ bẹdẹ rọkẹ owhẹ,+Evaọ oke yena yọ edẹ uweri ra i kuhọ no.+
21 Ahwo ra kpobi a ti kiẹrẹe;A ti wo ẹkwotọ na bẹdẹ bẹdẹ.
Ae họ ubi nọ mẹ kọ nọ o dhẹ ze,Onọ o rrọ iruo abọ mẹ,+ re o whẹ erru họ omẹ oma.+
22 Ọnọ ọ rrọ kakao na o ti zihe ruọ odu,Yọ ọnọ o tulo ho na o ti zihe ruọ orẹwho ulogbo.
Mẹ omamẹ, Jihova, me ti ru ei re o via vẹrẹ nọ oke riẹ u te te.”
