Aizaya 30:1-33

  • Obufihọ Ijipti u wo iruo vievie he (1-7)

  • Ahwo a siọ ovuẹ eruẹaruẹ na (8-14)

  • Evaifihọ e rẹ kẹ ẹgba (15-17)

  • Jihova o ti dhesẹ aruoriwo kẹ ahwo riẹ (18-26)

    • Jihova, Owuhrẹ Ologbo Oride na (20)

    • “Ọnana họ edhere na” (21)

  • Jihova o ti ru oware nọ o bruoziẹ riẹ kpahe Asiria (27-33)

30  “Uye u te emezae nọ i wo udu ogaga na,”+ ere Jihova ọ ta,“Enọ i re ru eware nọ mẹ ma omaa rai hi,+Enọ i re mu usu kugbe amọfa,* yọ orọnikọ ẹzi mẹ ọ kpọ rai hi,Re a ruẹsi fi uzioraha ba uzioraha.   A nya kpobọ Ijipti+ ababọ ẹvuẹ nọ a vuẹ omẹ,*+Re Fẹro ọ thọ ae,*Re a dhẹ ruọ otọ edhedhẹ Ijipti!   Rekọ ẹthọ nọ Fẹro ọ te thọ owhai na o ti zihe ruọ oware omovuọ kẹ owhai,Yọ otọ edhedhẹ Ijipti nọ wha dhẹ ro na o te wha omovuọ se owhai.+   Keme ikpahwo-esuo riẹ a rrọ Zoan,+Yọ enyukọ riẹ i te Henẹs no.   Ahwo nọ a rẹ sae wha erere ọvo se ai hiA ti ru oma vuọ aikpobi,Enọ obufihọ ọvo gbe erere ọvo o re no obọ rai ze he,Rekọ omovuọ gbe ekela ọvo.”+  Owhowhovia ẹdhoguo kpahe erao ẹwọ obọze ovatha-ọre: A wọ ekwakwa efe rai fihọ ehru eketekete sa-sa,Gbe emu rai fihọ ugbuke ekamẹle sa-saRọ nya ẹkwotọ uye gbe idhọvẹ vrẹ,Ẹkwotọ okpohrokpo, okpohrokpo nọ o bi do enu na,Ẹkwotọ ọriwhẹ gbe araomuomu nọ o wo erae nọ ọ be rra na.* Rekọ eware nana e te wha erere se ahwo na ha.   Keme obufihọ Ijipti u wo iruo vievie he.+ Fikiere me se ọnana nọ: “Rehab,+ ọnọ ọ keria kpoko.”   “Enẹna nya, re who kere iei fihọ ẹwẹ-utho ọkpakpala* evaọ iraro rai,Je kere iei fihọ obe,+Re o ruẹse jọ osẹri ebẹdẹ bẹdẹ+Evaọ ẹdẹ nọ ọ rrọ obaro tha.   Keme ahwo ọwọsuọ a rrọ,+ emezae eviẹhọ,+Emezae nọ e gwọlọ yo uzi* Jihova ha.+ 10  A be ta kẹ eruẹ-ude na nọ, ‘Wha ruẹ hẹ,’ Yọ a be ta kẹ eruẹaro na nọ, ‘Wha vuẹ omai eruẹaruẹ uzẹme he.+ Wha vuẹ omai eware nọ e rẹ were oma;* wha ruẹaro eviẹhọ.+ 11  Wha kuomarẹriẹ no edhere na; wha no edhere na no. Wha gbe fi Ọrẹri Izrẹl na họ aro mai hi.’”+ 12  Fikiere enẹ Ọrẹri Izrẹl ọ ta: “Nọ orọnọ wha siọ ẹme nana+Wha je fievahọ ewhariọ gbe eviẹhọ naJẹ be rẹroso ae na,+ 13  Oruthọ nana ọ rẹ te jọ kẹ owhai wọhọ ugbẹhẹ nọ o va no,Wọhọ ugbẹhẹ ukpekpehru nọ u nwo rẹrẹ no nọ o gwọlọ kie. U ti kie ẹsiẹvo, idudhe. 14  U ti kporo no wọhọ othẹ ologbo nọ ọmebẹ ọ ma,U ti kporo hẹhẹhẹ te epanọ a gbẹ te rọ ruẹ ohẹhẹ ovoNọ a rẹ rọ wọ erae no enyerae ze heHayo onọ a rẹ rọ sẹrẹ ame no ọmọgọdọ ame ze.” 15  Keme enẹ Jihova Olori nọ Ọ Mai Kpehru na, Ọrẹri Izrẹl na ọ ta: “Nọ wha te zihe bru omẹ ze je serihọ, me ti siwi owhai;Nọ wha tẹ fọ je fievahọ omẹ, wha ti wo ẹgba.”+ Rekọ o ruọ owhai hi.+ 16  Ukpoye, wha ta nọ: “Ijo, enyenya ma te rọ dhẹ!” Fikiere wha te ginẹ dhẹ.“Yọ enyenya nọ i re siawọ ma te dhẹ!”+ Ere ahwo nọ a ti le owhai a ti siawọ re.+ 17  Nọ omọvo o te guegue ahwo odu, a ti nuhu;+Nọ imasoi i je guegue owhai, wha vẹ te dhẹBẹsenọ ahwo rai nọ a kiọkọ a te rọ jọ wọhọ ọkpọ nọ o dikihẹ goli evaọ ehru ugbehru,Wọhọ ọkpọ oka nọ ọ rrọ ehru ukpehru.+ 18  Rekọ Jihova ọ be rọ odiri hẹrẹ owhai* re o dhesẹ aruoriwo kẹ owhai,+Yọ ọ rẹ te kparoma re o dhesẹ ohrọ kẹ owhai.+ Keme Jihova yọ Ọghẹnẹ uvioziẹ.+ Eva e were ahwo kpobi nọ a bi rẹro riẹ.*+ 19  Okenọ ahwo na a te rria Zayọn, evaọ Jerusalẹm,+ whọ te viẹ vievie he.+ O ti dhesẹ aruoriwo kẹ owhẹ hrọ nọ o te yo ubo nọ who bi bo kẹ obufihọ; o ti yo kẹ owhẹ nọ ọ tẹ nwani yo ubo na.+ 20  Dede nọ Jihova ọ te kẹ owhai uye wọhọ ebrẹdi gbe okienyẹ wọhọ ame,+ Owuhrẹ Ologbo Oride ra ọ gbẹ te ko omariẹ dhere he, yọ whọ te rọ ibiaro obọra ruẹ Owuhrẹ Ologbo Oride+ ra. 21  Yọ ezọ obọra i ti yo ẹme jọ evaọ obemu ra inọ, “Ọnana họ edhere na.+ Wha nya evaọ eva riẹ,” otẹrọnọ wha reghe kpohọ obọze hayo otẹrọnọ wha reghe kpohọ ẹkpẹlobọ.+ 22  Wha ti zue isiliva nọ a rọ tamu* oma emema rai nọ a kare gbe igoru nọ a rọ tamu oma emema ayọno rai.*+ Wha ti gbolo ai kufiẹ wọhọ ohọ aye nọ ọ rrọ oke riẹ,* wha vẹ te ta kẹ ae nọ, “Wha nyavrẹ!”*+ 23  O ve ti ru oso rrọ fihọ ibi nọ wha kọ fihọ otọ na,+ yọ emu* nọ o ti no otọ na ze ọ te jọ buobu, jẹ te jọ emamọ emu.*+ Evaọ ẹdẹ yena, erao rai e te re ẹbe evaọ etọ nọ e rrọ lelele.+ 24  Yọ iruẹ gbe eketekete nọ i re kporo otọ na e te re emu-erao nọ a gua ẹbe sorẹl kugbe, emu-erao nọ a rehọ eshọvẹle avọ efọko rọ frẹ erara no. 25  Yọ ito gbe iko-ame e te jọ ehru ugbehru ukpekpehru kpobi gbe ehru ukpehru ukpekpehru kpobi+ evaọ ẹdẹ nọ a ti kpe ahwo buobu na nọ iwou ikpehru na i ti kie. 26  Elo ọvẹre nọ o ghelie no ọ te jọ wọhọ elo ọre na; yọ elo ọre na ọ te ga vi epanọ ọ rẹ jọ vẹre akwa ihrẹ,+ wọhọ elo edẹ ihrẹ, evaọ ẹdẹ nọ Jihova ọ te gba oria nọ ahwo riẹ+ a wiri je siwi oma nọ a nwa gaga fiki uye nọ ọ kẹ rai.+ 27  Rri! Odẹ Jihova u bi no ugbothabọ ze,Ọ be tha avọ ofu nọ ọ vọ riẹ eva gbe ẹgho ọlala. Igbenu riẹ e vọ avọ ofu ọgaga,Yọ ẹrọo riẹ ọ wọhọ ebruerae.+ 28  Ẹzi* riẹ ọ wọhọ oko-ame nọ o bi kporo ẹkẹre nọ u te obọ uriohọ,Re o nuhu erẹwho na evaọ oyẹyẹ ọraha;*Yọ ufi o te jọ agba ahwo+ na nọ u ti su ai thọ. 29  Rekọ ole rai o te jọ wọhọ onọ a rẹ so evaọ asoNọ wha tẹ be ruẹrẹ oma kpahe* kẹ ehaa,+Yọ oghọghọ o te jọ udu rai wọhọ ohwoNọ ọ be nya avọ* urete,Nọ ọ rrọ edhere bi kpobọ ugbehru Jihova, obọ Utho Izrẹl na.+ 30  Jihova o ti ru nọ a ti ro yo edo uvou ulogbo riẹ+Je dhesẹ ugbobọ riẹ via+ nọ o be ziọ otọ avọ ofu na,+Avọ erri ebruerae,+Okposo idudhe+ gbe egbrara gbe oso-itho.+ 31  Keme edo uvou Jihova u ti ru ozọ mu Asiria gaga;+Ọ te rehọ ọkpọ fae.+ 32  Yọ evaọ oke kpobi nọ Jihova o veghe ọkpọ riẹ nọ ọ be rọ kẹ uye na,Onọ ọ te rọ fa Asiria na,A ti kporo ejẹjẹ gbe ekpata+Nọ o bi veghe ugbobọ riẹ rọsuọ ae evaọ ẹmo na.+ 33  Keme ọ ruẹrẹ Tofẹt*+ riẹ kpahe no;A tẹ jẹ ruẹrẹ iẹe họ no kẹ ovie na.+ O ru oria nọ o re koko ire họ na kodo jẹ kẹre no,Avọ erae egaga gbe ire buobu nọ e riẹe eva. Ẹwẹ Jihova nọ o wọhọ isọ-ọre nọ i bi kporo ẹkẹreU ti tu erae họ iẹe.

Eme-Obotọ

Evaọ Hibru, “ku udi fihọ otọ ro dhe idhe,” o wọhọ nọ o be ta kpahe ọtamuo nọ a re ru.
Hayo “ababọ unu mẹ nọ a nekpẹ mi.”
Evaọ Hibru, “Re a ruọ eva oria omofọwẹ Fẹro.”
Hayo “araomuomu nọ o wo obi nọ o bi vo.”
Hayo “ẹwẹ-akpala.”
Hayo “uthubro.”
Hibru, “ẹme ọriẹriẹ.”
Hayo “rẹro rai.”
Hayo “rọ ọwhọ hẹrẹ iẹe.”
Hayo “ruru.”
Hayo “emema rai nọ a ghra ayọno ro ru.”
Hayo “ruọ afe.”
Hayo o sae jọ nọ, “wha ve ti se ai oware otọtọ.”
Evaọ Hibru, “emu nọ iwhri e dafia.”
Evaọ Hibru, “ebrẹdi.”
Hayo “Ẹwẹ.”
Evaọ Hibru, “oyẹyẹ nọ u re si eware nọ i fioka ha no.”
Hayo “wha te bi ru omarai fo.”
Hayo “lele edo.”
A jọ etenẹ na rehọ “Tofẹt” dhesẹ oria nọ a rẹ jọ mahe eware, onọ u dikihẹ kẹ ọraha.