Aizaya 24:1-23

  • Jihova o ti ru otọ na fihọ ofofe (1-23)

    • Jihova Ovie evaọ Zayọn (23)

24  Rri! Jihova o bi ru ẹkwotọ* na fihọ ofofe, je bi ru ei fihọ oria nọ a gbabọkẹ.+ Ọ be gale ẹkwotọ na uzou vi*+ jẹ be vaha ahwo nọ a be rria eva riẹ.+   Epọvo na o te jọ kẹ ohwo kpobi: Te ahwo na te ozerẹ na,Odibo avọ olori riẹ,Odibo-ọmọtẹ avọ oni-uwou riẹ,Ọnọ ọ be dẹ avọ ọnọ ọ be zẹ,Ọnọ o re momo kẹ ahwo avọ ọnọ a momo kẹ,Ọnọ a reosa riẹ avọ ọnọ ọ reosa.+   A ti ru ẹkwotọ na fihọ ofofe riẹriẹriẹ;A te kwa eware ẹkwotọ na muotọ riẹriẹriẹ,+Keme Jihova ọ ta ẹme nana no.   Otọ na u bi weri;*+ o be raha no. Otọakpọ na o be ko no; o be yẹ no. Ikpahwo ẹkwotọ na e be ko no.   Ahwo nọ a be rria ẹkwotọ na a zue ẹkwotọ na no,+Keme a la izi na vrẹ no,+A nwene ujaje na no,+A tẹ jẹ raha ọvọ ebẹdẹ bẹdẹ* na no.+   Oyejabọ nọ ehao nọ a bọwo ẹkwotọ na e rọ raha iẹe no na,+Yọ ahwo nọ a be rria ẹkwotọ na a reabe. Oyejabọ nọ ahwo nọ a be rria ẹkwotọ na a rọ kawo no na,Yọ umutho ezae jọ ọvo i kiọkọ.+   Enwaene okpokpọ na u bi weri,* evaene na o lo no,+Yọ ahwo kpobi nọ eva e be were a bi dimẹ.+   Edo oghọghọ ejẹjẹ na u serihọ no;Edo ahwo nọ a bi ru ehaa odode na u kuhọ no;Edo evawere akpata na u serihọ no.+   A be da enwaene ababọ ole,Yọ udi ogaga o be yare evaọ unu ahwo nọ a be dae. 10  Ẹwho nọ a gbabọkẹ no na u kporo kuotọ no;+A kare ethẹ uwou kpobi no, re ohwo ọvo ọ gbẹ sae ruọ eva ha. 11  A bi bo evaọ iyẹrẹ fiki enwaene nọ o riẹ hẹ. Oghọghọ kpobi u serihọ no;Oghọghọ u no ẹkwotọ na no.+ 12  A raha okpẹwho na kuotọ no;A whọlọ unuẹthẹ na fihọ otọ no riẹriẹriẹ.+ 13  Enẹ o te jọ evaọ ẹkwotọ na, evaọ udevie ahwo na: Wọhọ epaọ ibi nọ i re kiọkọ nọ a tẹ kpare* ibi ure olivi no,+Wọhọ epaọ isogẹ nọ a si nọ okenọ a rẹ rọ kọrọ ibi-ire o vrẹ no.+ 14  A te kpare urru rai,A ti bo ubo oghọghọ. A ti whowho oruaro Jihova no obọ abade* na ze.+ 15  Oyejabọ nọ a te rọ kẹ Jihova orro evaọ ubrotọ elo;*+A te kẹ odẹ Jihova Ọghẹnẹ Izrẹl orro evaọ ikoliko abade na.+ 16  Ma be jọ obọ oka avọ oka otọakpọ na yo edo ile: “Oruaro u te* Ọnọ O Kiẹrẹe na!”+ Rekọ mẹ ta nọ: “Me whu re no, me whu re no! Uye u te omẹ! Ahwo eviẹhọ na a ru eware eviẹhọ no;Ahwo eviẹhọ na a rọ ẹghẹ ru eware eviẹhọ no.”+ 17  Ozọ ogaga gbe egọdọ gbe eta nọ a kpahe e be hẹrẹ owhẹ, whẹ ọnọ ọ be rria ẹkwotọ na.+ 18  Ohwo kpobi nọ ọ be dhẹ fiki edo ozọ ogaga o ti kie fihọ ọgọdọ na,Yọ ohwo kpobi nọ o bi no ọgọdọ na ze, ẹta na o ti mu ei.+ Keme a ti rovie inuethẹ ame obọ odhiwu na,Yọ etọhotọ ẹkwotọ na i ti nuhu. 19  Ẹkwotọ na ọ bẹre rovie fihọ no;A nuhu ẹkwotọ na no;Ẹkwotọ na o bi nuhu zighi zighi.+ 20  Ẹkwotọ na o bi kpo geli geli wọhọ ohwo nọ ọ da idi no,Yọ o bi nuhu kpenẹ avọ enẹ wọhọ uwou-owhre nọ ofou o bi fou. Uzioraha riẹ o gbẹdẹ vi ei oma,+O ti kie, yọ ọ te sae wariẹ kparoma ha. 21  Evaọ ẹdẹ yena, Jihova ọ te rẹriẹ ovao riẹ rri ogbaẹmo obọ ihru naJegbe ivie otọakpọ na nọ e rrọ otọakpọ na. 22  A ve ti koko ai họ oria ovoWọhọ ahwo nọ a fihọ uwou-odi evaọ ọgọdọ,Yọ a te kare ai dhe uwou-odi na;Nọ edẹ buobu e tẹ vrẹ no, a ve ti ru oware jọ kpahe ae. 23  Oma o te vuọ ọvẹre nọ o ghelie no na,Oma o te vuọ ọre nọ o bi lo na,+Keme Jihova olori egbaẹmo o zihe ruọ Ovie+ no evaọ Ugbehru Zayọn+ gbe evaọ Jerusalẹm,O wo oruaro evaọ aro ekpako ahwo riẹ.*+

Eme-Obotọ

Hayo “O bi ku ovao otọ na rẹriẹ.”
Hayo “otọakpọ.”
Hayo o sae jọ nọ, “o ya fia no.”
Hayo “anwae.”
Hayo o sae jọ nọ, “o ya muotọ no.”
Hayo “a tẹ fa.”
Hayo “ukiediwo-ọre.”
Hayo “obọ ovatha-ọre.”
Hayo “Jọ a whẹ erru họ.”
Evaọ Hibru, “evaọ aro ekpako riẹ.”