Aizaya 17:1-14

  • Owhowhovia ẹdhoguo kpahe Damaskọs (1-11)

  • Jihova ọ te whọku erẹwho (12-14)

17  Owhowhovia ẹdhoguo kpahe Damaskọs:+ “Rri! Damaskọs ọ gbẹ te jọ okpẹwho ho,O ti zihe ruọ okpẹwho nọ a raha no.+   A ti gbabọkẹ ikpewho Aroa;+I ti zihe ruọ eria nọ ithuru erao i re ruẹ fihọYọ ohwo ọvo o ti ru ozọ mu ai hi.   Ikpewho nọ a di ogba wariẹ họ* e te gbẹ jọ Ifremu hu,+Yọ uvie na o te gbẹ jọ Damaskọs ho;+Yọ ahwo Siria nọ a kiọkọA te wọhọ oruaro ahwo Izrẹl,”* ere Jihova olori egbaẹmo ọ ta.   “Evaọ ẹdẹ yena, oruaro Jekọp o te kawo no,Yọ emamọ oma riẹ o te dọ no.*   O te jọ wọhọ okenọ ovu-ivuẹvu o bi koko iwhiti nọ i gbe dikihẹ họỌ vẹ rehọ ugbobọ riẹ bru iwhiti na,Wọhọ okenọ ohwo ọ be jọ udhu iwhiti si isogẹ evaọ Ukiekpotọ* Rẹfeyẹm.+   Enọ a re ro si isogẹ ọvo i ti kiọkọ,Wọhọ okenọ a nuhu ure olivi, Ibi olivi ivẹ hayo esa nọ e ware ọvo i te kiọkọ ogha nọ o mai kpehru,Ibi ene hayo isoi ọvo i te kiọkọ egha riẹ nọ e rẹ mọ ibi,”+ ere Jihova Ọghẹnẹ Izrẹl ọ ta.  Evaọ ẹdẹ yena, ohwo-akpọ ọ te rẹroso Ọnọ ọ ma riẹ kẹ obufihọ, yọ ibiaro riẹ e te tọvi Ọrẹri Izrẹl.  Ọ te rẹroso egbada-idhe na ha,+ enọ e rrọ iruo abọ riẹ;+ yọ ọ te tẹrovi eware nọ ọ rọ iziabọ riẹ ru hu, te ekpọ ọrẹri* na hayo egbada insẹnse na.   Evaọ ẹdẹ yena, ikpewho adhẹzọ riẹ e te jọ wọhọ eria nọ a gbabọkẹ no evaọ owhawho,+Wọhọ ogha ure nọ a gbabọkẹ evaọ aro ahwo Izrẹl;O ti zihe ruọ otọ nọ o raha no. 10  Keme Ọghẹnẹ esiwo ra ọ thọrọ owhẹ ẹro no;+Whọ gbẹ kareghẹhọ Utho+ oria adhẹzọ ra ha. Oyejabọ nọ whọ rọ kọ egbọ iwowoma*Whọ tẹ kọ ekakọ eboba ọrara* fihọ udevie rai. 11  Evaọ oke uvo, whọ te romatotọ di ogba wariẹ ọgbọ ra họ,Evaọ ohiohiẹ, who ti ru ubi ra dhẹ ze,Rekọ eware nọ who vu e te rayẹ no evaọ ẹdẹ nọ whọ te mọ gaga je wo edada nọ a sai siwi kpo ho.+ 12  Gaviezọ! Ozighi ọ rrọ udevie ahwo buobu,Enọ i bi ru edo wọhọ ebade na! Ẹvohẹ ọ rrọ erẹwho na,Edo rai ọ wọhọ edo ame obuobu! 13  Erẹwho na i ti ru edo wọhọ edo ame obuobu. O ti doku ai, a vẹ te dhẹ thethabọ,A ti le ai wọhọ ehọrọ nọ e rrọ igbehru nọ ofou o bi fou,Wọhọ enwẹnwẹ nọ okpofou o bi fou kurẹriẹ.* 14  Idudu e te jariẹ evaọ owọwọ. Rekọ taure ohiohiẹ o te ti te, e te gbẹ jariẹ hẹ. Onana họ ẹkẹ nọ u ti te enọ i bi tho eware maiGbe oware nọ o te via kẹ enọ e be kwa eware mai rehọ.

Eme-Obotọ

Hayo “e rẹ bẹ ẹvẹruọ.”
Evaọ Hibru, “emezae Izrẹl.”
Evaọ Hibru, “iwhri uwo-oma riẹ e te dọ no.”
Hayo “Ukiekpotọ Opraprara.”
Rri oria Otofa Eme.
Hayo “nọ i wo erru.”
Hayo “ọghẹnẹ orẹwho ọfa.”
Hayo “ẹbe nọ ofou o bi fou ghelie kurẹriẹ.”