Aizaya 47:1-15
47 Nwrotọ re whọ keria otọ ẹkpẹ,O ọmọtẹ-kọkọ Babilọn.+
Keria otọ gheghe nọ agbara-uvie ọ rrọ họ,+O ọmọtẹ ahwo Kaldia,Keme ahwo a gbe ti se owhẹ ọhẹhẹ gbe ọnọ a re tete ofa vievie he.
2 Rehọ utho nọ a re ro wuhu eware re who wuhu eka.
Si iveli* ra no.
Ba ubuluku ra no, yẹ ohọ no awọ ra.
Fa ithẹ na vrẹ.
3 A te ba owhẹ fihọ.
A te ruẹ ẹba ra.
Me ti ru orukele,+ yọ ohwo ọvo ọ te sae za omẹ dhe he.*
4 “Ọnọ ọ be dẹ omai zihe ze họỌrẹri Izrẹl+—Jihova olori egbaẹmo họ odẹ riẹ.”
5 Lẹlẹ keria etẹe re whọ jọ ebi,O ọmọtẹ ahwo Kaldia;+A gbe ti se owhẹ Ovie-aye Ekwotọ-ivie ofa ha.+
6 Me mu ofu ọgaga kẹ ahwo mẹ.+
Me gbe ukuoriọ mẹ ku,+Mẹ tẹ rehọ ae họ obọ ra.+
Rekọ who dhesẹ ohrọ-oriọ kẹ ae he.+
Makọ enọ e kpako no dede, whọ wọ owhowha ogbẹgbẹdẹ họ ae.+
7 Whọ ta nọ: “Mẹ te jọ Ovie-aye na bẹdẹ bẹdẹ.”+
Whọ jọ udu ra roro kpahe eware nana ha;Who roro kpahe oghẹrẹ nọ ẹme na o ti ro kuhọ họ.
8 Enẹna gaviezọ onana, O ọnọ o you omaweromẹ,+Ọnọ ọ keria avọ omofọwẹ, ọnọ ọ be jọ udu riẹ ta nọ:
“Mẹ họ ohwo na, omọfa ọ rrọ họ.+
Me ti zihe ruọ aye-uku hu.
Mẹ te riẹ epanọ emọ i re whu ku ohwo vievie he.”+
9 Rekọ eware ivẹ nana e te via kẹ owhẹ idudhe evaọ ẹdẹ ọvo:+
Emọ ra i ti whu, yọ who ti zihe ruọ aye-uku.
Eware okpẹtu nana e te rọ ẹgba rai kpobi wọ ruru owhẹ+Fiki* iruẹru ẹva-ọgba obuobu ra gbe enua egaga ra kpobi.+
10 Whọ rẹroso umuomu ra.
Whọ ta nọ: “Ohwo ọvo ọ be ruẹ omẹ hẹ.”
Ereghẹ gbe eriariẹ ra họ eware nọ i su owhẹ thọ,Yọ whọ be jọ udu ra ta nọ: “Mẹ họ ohwo na, omọfa ọ rrọ họ.”
11 Rekọ okpẹtu o ti bru owhẹ ze,Yọ ẹbo ra ọvuọvo ọ te whaha iẹe he.*
Uye ogaga u ti te owhẹ; whọ te sae whaha iẹe he.
Ọraha idudhe nọ whọ re ruẹ ẹdẹvo ho o ti te owhẹ.+
12 Fikiere, ruabọhọ eware enua ra gbe iruẹru ẹva-ọgba obuobu ra,+Enọ whọ be ruẹ uye fihọ anwọ oke uzoge ra ze.
Ẹsejọhọ erere ọ te sai te owhẹ;Ẹsejọhọ whọ te sai ru ọwhewhe mu ahwo.
13 Oma o rrọ owhẹ no avọ ekiroro* ibuobu ra.
Jọ a kpama enẹna re a siwi owhẹ,Enọ e be gọ idhiwu* na, enọ i re rri isi na,+Enọ e rẹ ta eware nọ e te via kẹ owhẹEvaọ oke ehaa ọvẹre ọkpokpọ.
14 Rri! A wọhọ ẹbe ọyaya.
Erae e te mahe ai no.
A rẹ sai siwi omarai* no ogaga erri erae na ha.
Enana yọ iwowo-erae nọ a rẹ rọ rria erae he,Yọ onana o rrọ erae nọ a rẹ keria aro riẹ hẹ.
15 Ere ahwo ra nọ who bi ro ru eraomuomu fihọ ruru a te jọ kẹ owhẹ,Enọ wha gbẹ ruẹ uye no oke uzoge ra ze.
A ti ghoro, omomọvo o ti ghoro kpohọ ọvuọ oboriẹ.*
Ohwo ọvo ọ te jariẹ nọ o ti siwi owhẹ hẹ.+
Eme-Obotọ
^ Ohọ ovrovro nọ a re ro ruru ovao.
^ Hayo o sae jọ nọ, “yọ mẹ te rẹrẹ obọ kẹ ohwo ọvo ho.”
^ Hayo o sae jọ nọ, “Ghele.”
^ Hayo “Yọ whọ te riẹ epanọ whọ te rọ rehọ ẹbo ra fou rie kufiẹ hẹ.”
^ Hayo “ekohrẹ.”
^ Hayo o sae jọ nọ, “Enọ e rẹ ghale idhiwu na; Enọ i re rri isi obehru rọ gbẹva.”
^ Evaọ Hibru, “kpohọ ọvuọ ubrotọ riẹ.”
