Aizaya 55:1-13
55 Wha nyaze, whai kpobi nọ uruame u bi kpe,+ wha nyaze ti vo ame!+
Whai enọ i wo ugho ho, wha nyaze, wha dẹ jẹ re!
Ẹhẹ, wha nyaze, wha dẹ udi gbe ame-ivie+ ababọ ugho gbe ababọ unuigho.+
2 Fikieme wha jẹ be hwa ugho fihọ oware nọ o rrọ ebrẹdi hi,Kọ fikieme wha jẹ be raha ugho nọ wha wo* fihọ oware nọ o rẹ vọ eva ha?
Wha gaviezọ kẹ omẹ ziezi, re wha re emu nọ o woma,+Wha* ve ti wo omaweromẹ ulogbo fikinọ wha be re obọdẹ emu.+
3 Wha fi ezọ rai hotọ re wha nyabru omẹ ze.+
Wha gaviezọ, wha* vẹ te gbẹ jọ uzuazọ,Yọ mẹ te re ọvọ ebẹdẹ bẹdẹ kugbe owhai hrọ+Onọ u wobọ kugbe uyoyou nọ o rẹ hiẹ hẹ nọ mẹ ya eyaa riẹ kẹ Devidi, onọ a re fievahọ.*+
4 Rri! Me ru rie họ osẹri+ kẹ erẹwho na,Osu+ gbe oletu+ kẹ erẹwho na.
5 Rri! Who ti se orẹwho jọ nọ whọ riẹ hẹ,Yọ ahwo orẹwho nọ a riẹ owhẹ hẹ a te dhẹ bru owhẹ zeFiki Jihova Ọghẹnẹ ra,+ Ọrẹri Izrẹl na,Keme o ti ru owhẹ wo orro.+
6 Wha kiẹ gwọlọ Jihova nọ a rẹ gbẹ sae ruẹ e riẹ na.+
Wha bo sei nọ ọ gbẹ kẹle na.+
7 Jọ orumuomu na ọ nyasiọ edhere omuomu riẹ ba+Re ohwo oyoma na ọ siọ iroro iyoma riẹ ba;Jọ o zihe bru Jihova, ọnọ ọ te re ohrọ riẹ,+Jọ o zihe bru Ọghẹnẹ mai, keme ọ te rọvrẹ evaọ edhere ologbo.*+
8 “Keme iroro mẹ avọ iroro rai e rrọ epọvo na ha,+Yọ idhere mẹ avọ idhere rai e rrọ epọvo na ha,” ere Jihova ọ ta.
9 “Keme wọhọ epanọ idhiwu na i kpehru vi otọakpọ na,Ere idhere mẹ i kpehru vi idhere raiYọ ere iroro mẹ i kpehru vi iroro rai.+
10 Keme nwane wọhọ epanọ oso gbe ekpalekpa-ame i re hwẹ no obọ ehru ze naNọ i re zihe kpohọ obei hi na bẹsenọ i re ru otọ na fihọ vuavo no, u ve ru ekakọ dhẹ ze jẹ mọ ibi na,Je ru ọkibi wo ubi gbe ọnọ ọ rẹ re wo ebrẹdi na,
11 Ere ẹme mẹ nọ o no unu mẹ ze ọ te jọ.+
O ti zihe bru omẹ ze ababọ iyẹrẹ hẹ,+Rekọ o ti gine ru oware kpobi nọ mẹ gwọlọ* gba,+Yọ o ti ru oware nọ me vi rie nọ o ru gba ẹrẹrẹe.
12 Keme wha te nyavrẹ avọ oghọghọ,+Yọ a ti zihe owhai ze avọ udhedhẹ.+
Igbehru na avọ ikpehru na e te wereva je bo ubo oghọghọ evaọ aro rai,+Yọ ire obọ ẹwọ na kpobi e te tehe abọ rai.+
13 Ure junipa o te dhẹ ze viukpọ ire inwe,+Yọ ure idodo o te dhẹ ze viukpọ osokpọ.
Yọ o te wha oruaro* se Jihova,+Oka ebẹdẹ bẹdẹ nọ o te raha vievie he.”
Eme-Obotọ
^ Hayo “ugho nọ wha ruẹ uye wo.”
^ Hayo “a rẹ rẹroso.”
^ Hayo “ọ te rọvrẹ riẹriẹriẹ.”
^ Hayo “o rrọ oreva mẹ.”
^ Hayo “okpodẹ.”
