Aizaya 9:1-21
9 Rekọ, ebi na ọ te jọ wọhọ epaọ okenọ uye o rọ jọ ẹkwotọ na ha, wọhọ epaọ okenọ o vrẹ nọ a je rri ẹkwotọ Zẹbulọn avọ ẹkwotọ Naftalae vo.+ Rekọ evaọ obaro, O ti ru nọ a te rọ kẹ ẹkwotọ na ọghọ—edhere nọ ọ rọ akotọ abade na, evaọ ubrotọ Jọdan, koyehọ Galili erẹwho na.
2 Ahwo nọ a jẹ nya evaọ ebi naA ruẹ elo ologbo no.
Yọ enọ e be rria ẹkwotọ ebi ọlala,Elo o lo mu ai no.+
3 Who ru orẹwho na fihọ buobu no;Who ru rie wo oghọghọ ulogbo no.
A be ghọghọ evaọ aro raWọhọ epanọ ahwo a rẹ ghọghọ evaọ oke ivuẹvu,Wọhọ ahwo nọ a be rọ oghọghọ ghale egbo-ẹmo.
4 Who wiri owhowha nọ a rọ wha owha rai ibribro no,Te ọkpọ nọ ọ rrọ ikoko rai, ubiọkpọ ohwo nọ o re dhe iruo na,Wọhọ epaọ ẹdẹ nọ a ro fi Midian kparobọ.+
5 Eviẹ-ibutu kpobi nọ o re nuhu otọakpọ na nọ a tẹ be rehọ iẹe nya onya,Gbe ewu kpobi nọ a bru họ azẹU ti zihe ruọ ire erae.
6 Keme a yẹ ọmọ jọ kẹ omai no,+A kẹ omai ọmọzae jọ no;Isuẹsu* na e rẹ te jọ ẹkoko riẹ.+
A re ti se odẹ riẹ Ọkiroro Ogbunu,+ Ọghẹnẹ Ologbo,+ Ọsẹ Ebẹdẹ Bẹdẹ, Osu Udhedhẹ.
7 Isuẹsu* riẹ e te kẹre thabọYọ udhedhẹ u ti wo oba ha,+Evaọ agbara-uvie Devidi+ gbe uvie riẹRe ọ ruẹse rehọ iẹe dikihẹ gaga+ jẹ sẹro riẹẸkwoma uvioziẹ+ gbe ẹrẹreokie,+No enẹna vrẹ rite ebẹdẹ bẹdẹ.
Jihova olori egbaẹmo o ti ru onana avọ ajọwha.
8 Jihova o vi ovuẹ jọ rọ kẹ Jekọp unuovẹvẹ,Yọ o via kẹ Izrẹl no.+
9 Ahwo na kpobi a te riẹ kpahe iẹe—Ifremu avọ ahwo nọ a be rria Sameria—Enọ e be rọ omorro rai gbe udu ogaga rai ta nọ:
10 “Ibriki i kie no,Rekọ ma te rehọ itho nọ a bru rọ bọ.+
A bru ire sikamọ fihọ otọ no,Rekọ ma te rehọ ire sida nwene ai.”
11 Jihova ọ te kpare ewegrẹ Rizin wọso ẹe,O ti ru ewegrẹ riẹ jowọ,
12 Siria o ti no obọ ovatha-ọre ze, ahwo Filistia a ve no obọ ukiediwo-ọre ze,*+A te rọ inu nọ i rovie fihọ lọ Izrẹl no.+
Fiki eware nana kpobi, ofu riẹ o ri hrẹ hẹ,Obọ riẹ o gbẹ rriẹ fihọ re ọ kẹ ae uye.+
13 Keme ahwo na a ri ti zihe bru Ọnọ ọ kẹ rai uye he;A re gwọlọ Jihova olori egbaẹmo ho.+
14 Jihova o ti bru uzou gbe uweli no Izrẹl,Te ẹbe nọ ọ dhẹ ze obọ avọ ẹbe nọ o di kpekpehru no,* evaọ ẹdẹ ọvo.+
15 Ọkpako na avọ ọnọ a be kẹ adhẹẹ gaga na họ uzou na,Yọ ọruẹaro nọ ọ be kẹ uthubro ọrue na họ uweli na.+
16 Enọ i bi su ahwo nana a bi ru ai ghoro,Yọ enọ a bi su na i reghe no.
17 Oyejabọ nọ eva izoge emezae rai e gbẹ te rọ were Jihova ha na,Yọ o ti wo ohrọ-oriọ kẹ emọ rai nọ i wo esẹ hẹ hẹ* gbe eyae-uku raiKeme aikpobi yọ enọ e siọ orọwọ na no, a tẹ jẹ rrọ irumuomu,+Yọ unu ohwo kpobi o be ta eme igheghẹ.
Fiki eware nana kpobi, ofu riẹ o ri hrẹ hẹ,Obọ riẹ o gbẹ rriẹ fihọ re ọ kẹ ae uye.+
18 Keme umuomu o be ware wọhọ erae,Be to ire inwe avọ ẹbe no.
U ti tu erae họ ituetue nọ e rrọ owhawho,I ve ti kuye iwiri kpobọ ehru dududu.
19 Fiki ofu ọgaga Jihova olori egbaẹmo,A tu erae họ ẹkwotọ na no,Yọ ahwo na a ti zihe ruọ ire erae.
Ohwo ọvo o ti vu makọ oniọvo riẹ wa ha.
20 Ohwo o ti bru emu fihọ otọ evaọ obọzeRekọ ohọo u ti gbe kpei ghele;Ohwo ọ te re emu evaọ ẹkpẹlobọRekọ eva e te vọe he.
Omomọvo ọ te re uwo ugbobọ obọriẹ no,
21 Manasẹ ọ te re Ifremu no,Yọ Ifremu ọ te re Manasẹ no.
A ti kuomagbe wọso Juda.+
Fiki eware nana kpobi, ofu riẹ o ri hrẹ hẹ,Obọ riẹ o gbẹ rriẹ fihọ re ọ kẹ ae uye.+
Eme-Obotọ
^ Hayo “Egọmeti.”
^ Hayo “Egọmeti.”
^ Evaọ Hibru, “no obemu ze.”
^ Hayo o sae jọ nọ, “eya oriẹ avọ okiara.”
^ Hayo “emọ rai nọ i wo esẹgbini hi hi.”
